തന്റെ ചികിത്സയ്ക്കിടയിൽ പോലും തന്റെ കർത്തവ്യം കൃത്യമായി നിർവഹിച്ച് സൽമാൻ രാജാവ്. വൈ​ദ്യ​പ​രി​ശോ​ധ​ന​ക്ക്​ ആ​ശു​പ​ത്രി​യി​ൽ പ്ര​വേ​ശി​പ്പി​ക്ക​പ്പെ​ട്ട സൗ​ദി ഭ​ര​ണാ​ധി​കാ​രി സ​ൽ​മാ​ൻ രാ​ജാ​വ്​ അ​വി​ടെ നി​ന്നും മ​ന്ത്രി​സ​ഭ​യു​ടെ പ്ര​തി​വാ​ര യോ​ഗ​ത്തി​ൽ അ​ധ്യ​ക്ഷ​ത വ​ഹി​ക്കുകയുണ്ടായി. ചി​കി​ത്സ​ക്കി​ട​യി​ലും ക​ർ​മ​നി​ര​ത​നാ​യി ആ​ശു​പ​ത്രി​യി​ൽ ഒ​രു​ക്കി​യ പ്ര​ത്യേ​ക സൗ​ക​ര്യ​ത്തി​ലി​രു​ന്ന്​ മ​ന്ത്രി​സ​ഭ യോ​ഗ​ത്തെ വി​ഡി​യോ കോ​ൺ​ഫ​റ​ൻ​സി​ങ്ങി​ലൂ​ടെ ന​യി​ച്ച​ത്​ വളരെ വ​ലി​യ വാ​ർ​ത്താ​പ്രാ​ധാ​ന്യം നേ​ടി.

രാ​ജ്യ ത​ല​സ്ഥാ​ന​ത്തെ കി​ങ്​ ഫൈ​സ​ൽ ആ​ശു​പ​ത്രി​യി​ൽ ഒരുക്കിയ സംവിധാനത്തിൽ ഇ​രു​ന്നാ​ണ്​ രാ​ജാ​വ്​ ​േ​യാ​ഗ​ത്തി​ന്​ നേ​തൃ​ത്വം ന​ൽ​കി​യ​ത്. പി​ത്താ​ശ​യ​ത്തി​ലെ പ​ഴു​പ്പ് കാ​ര​ണം തി​ങ്ക​ളാ​ഴ്‌​ച​യാ​ണ് രാ​ജാ​വി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​തെ​ന്ന് നേ​ര​ത്തെ റോ​യ​ൽ കോ​ർ​ട്ട് വി​ജ്ഞാ​പ​നം പു​റ​പ്പെ​ടു​വി​ക്കുകയുണ്ടായി. ഇതിന്റെ പി​റ്റേ​ദി​വ​സ​മാ​ണ്​ മ​ന്ത്രി​സ​ഭ യോ​ഗം ചേ​ർ​ന്ന​ത്. എന്നാൽ വൈ​ദ്യ പ​രി​ച​ര​ണ​ത്തെ തു​ട​ർ​ന്ന് ആ​രോ​ഗ്യ​നി​ല തൃ​പ്‌​തി​ക​ര​മാ​ണ്.

അതേസമയം ഇ​ക്കാ​ര്യം രാ​ജാ​വ് ത​ന്നെ മ​ന്ത്രി​സ​ഭ​യി​ലെ അം​ഗ​ങ്ങ​ളെ അ​റി​യി​ച്ചു. ഈ ​വ​ർ​ഷ​ത്തെ ഹ​ജ്ജി​നു​ള്ള ഒ​രു​ക്ക​ങ്ങ​ൾ മ​ന്ത്രി​സ​ഭ വി​ല​യി​രു​ത്തിയിരുന്നു. കോ​വി​ഡ് പ​ശ്ചാ​ത്ത​ല​ത്തി​ൽ തീ​ർ​ഥാ​ട​ക​രു​ടെ സു​ര​ക്ഷ ഉ​റ​പ്പു​വ​രു​ത്താ​നു​ള്ള പ​ഴു​ത​ട​ച്ച സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തു​ക​യും ആ​രോ​ഗ്യ മു​ൻ​ക​രു​ത​ൽ മാ​ന​ദ​ണ്ഡ​ങ്ങ​ൾ പാ​ലി​ച്ചു​ള്ള ന​ട​പ​ടി​ക​ളും സ്വീ​ക​രി​ക്കുകയും ചെയ്തിട്ടുണ്ട്. ഇ​റാ​ഖു​മാ​യി സ​ഹ​ക​ര​ണ​വും ബ​ന്ധ​വും ശ​ക്ത​മാ​ക്കാ​നു​ള്ള ത​ന്ത്ര​പ്ര​ധാ​ന തീ​രു​മാ​ന​ങ്ങ​ൾ​ക്ക് മ​ന്ത്രി​സ​ഭ പി​ന്തു​ണ ന​ൽകുകയുണ്ടായി.

ഒപ്പം പാ​കി​സ്താ​നു​മാ​യു​ള്ള സ​ഹ​ക​ര​ണ ക​രാ​ർ ഒ​പ്പു​വെ​ക്കാ​നും മ​ന്ത്രി​സ​ഭ അം​ഗീ​കാ​രം ന​ൽ​കി. ഇ​സ്​​ലാ​മി​ക കാ​ര്യ​ങ്ങ​ളി​ൽ യു.​എ.​ഇ​യു​മാ​യി സ​ഹ​ക​ര​ണം ശ​ക്ത​മാ​ക്കുകയും ചെയ്യും. മ​രു​ന്ന്, ഭ​ക്ഷ്യ വി​ഭ​വ​ങ്ങ​ൾ എ​ന്നി​വ​യു​മാ​യി ബ​ന്ധ​പ്പെ​ട്ട മേ​ഖ​ല​ക​ളി​ൽ ബ​ഹ്റൈ​നു​മാ​യും ടെ​ലി ക​മ്യൂ​ണി​ക്കേ​ഷ​ൻ, ഐ​ടി മേ​ഖ​ല​യി​ൽ ഈ​ജി​പ്തു​മാ​യും സ​ഹ​ക​ര​ണം ശ​ക്ത​മാ​ക്കാ​നും മ​ന്ത്രി​സ​ഭ യോ​ഗം തീ​രു​മാ​നി​ക്കുകയും ചെയ്തു.