കൊറോണ വ്യാപനത്തിന്റെ ആദ്യഘട്ടം ഒരു പ്രവാസിയും മറക്കുകയില്ല. അതായത് ഒ​രു​മാ​സം മു​മ്പ്​ വ​രെ കോ​വി​ഡി​ന് മു​ന്നി​ൽ വി​റ​ങ്ങ​ലി​ച്ചു​നി​ന്ന ഗ​ൾ​ഫ് രാഷ്ട്രങ്ങൾ. ​എന്നാൽ അവിടെ നി​ന്ന് ഇ​പ്പോ​ൾ കേ​ൾ​ക്കു​ന്ന​ത് പ്ര​തീ​ക്ഷ​യു​ള്ള വാ​ർ​ത്ത​ക​ളാണ്. കുത്തനെ ഉയർന്ന രോ​ഗി​ക​ളു​ടെ എ​ണ്ണ​വും മ​ര​ണ​സം​ഖ്യ​യും ഗ​ണ്യ​മാ​യി കു​റ​യു​ക​യും രോ​ഗ​മു​ക്ത​രു​ടെ എ​ണ്ണം ഉ​യ​രു​ക​യും ചെ​യ്ത​തോ​ടെ മ​ഹാ​മാ​രി​യെ അ​തി​വേ​ഗം അ​തി​ജീ​വി​ക്കു​ക​യാ​ണ് പ്ര​വാ​സ ലോ​കം ഇപ്പോൾ . ഇ​തോ​ടെ, നാ​ട്ടി​ലേ​ക്ക് തി​രി​ക്കാ​ൻ എം​ബ​സി​യി​ൽ അ​പേ​ക്ഷ ന​ൽ​കി​യ പ​ല​രും ഗ​ൾ​ഫി​ൽ തു​ട​രാ​ൻ തീ​രു​മാ​നി​ച്ചു ടിക്കെറ്റുകൾ പോലും റദ്ധാക്കിയത് അനവധിപേരാണ്.

ലഭ്യമാകുന്ന കണക്കുകൾ അനുസരിച്ച് യു.​എ.​ഇ​യി​ൽ ര​ണ്ടു​മാ​സം മു​മ്പ്​ പ്ര​തി​ദി​നം ആ​യി​ര​ത്തോ​ളം പേ​ർ​ക്കാ​യി​രു​ന്നു​ രോ​ഗ​ബാ​ധ സ്​​ഥി​രീ​ക​രി​ച്ചി​രു​ന്ന​ത്. ഇ​പ്പോ​ൾ അ​ത്​ 300ൽ ​താ​ഴെ​യാ​യി നിൽക്കുകയാണ്. പ്ര​തി​ദി​ന മ​ര​ണം പ​ത്തി​ലേ​റെ ക​ട​ന്ന സ്ഥാ​ന​ത്ത് ഇ​പ്പോ​ൾ ഒ​ന്നോ ര​ണ്ടോ ആ​യി കുറയുകയും ചെയ്തു. ഒ​രു​മ​ര​ണം പോ​ലു​മു​ണ്ടാ​കാ​ത്ത ദി​വ​സ​ങ്ങ​ളും ഇപ്പോൾ ഇവിടെ പതിവാകുകയാണ്. നാ​ലു​മാ​സ​ത്തി​നി​ടെ നൂ​റി​ലേ​റെ മ​ല​യാ​ളി​ക​ൾ മ​രി​ച്ച യു.​എ.​ഇ​യി​ൽ ഈ ​മാ​സം നാ​ല് മ​ല​യാ​ളി​ക​ളാ​ണ്​ മ​രി​ച്ച​ത്. ഇതേതുടർന്ന് കാ​യി​ക-​വി​നോ​ദ​സ​ഞ്ചാ​ര മേ​ഖ​ല​ക​ൾ തു​റ​ന്ന​തും വി​ദേ​ശി​ക​ളെ സ്വീ​ക​രി​ച്ച് തു​ട​ങ്ങി​യ​തും രാ​ജ്യ​ത്തെ സാ​മ്പ​ത്തി​കാ​വ​സ്​​ഥ​ക്ക്​ ഉ​ണ​ർ​വാ​യി​ട്ടു​ണ്ട്.

എന്നാൽ ഗ​ൾ​ഫ്​​രാ​ജ്യ​ങ്ങ​ളി​ൽ ഏ​റ്റ​വും കൂ​ടു​ത​ൽ കോ​വി​ഡ് രോ​ഗി​ക​ളു​ള്ള സൗ​ദി​യി​ൽ നി​ല​മെ​ച്ച​പ്പെ​ട​ു​ന്നു. പ്ര​തി​ദി​ന രോ​ഗി​ക​ൾ 5000 ഉ​ണ്ടാ​യി​രു​ന്ന സ്ഥാ​ന​ത്ത് ഇ​പ്പോ​ൾ 2000ത്തി​ൽ താ​ഴെ​യെ​ത്തി നിൽക്കുന്നു. ഒ​രു​മാ​സ​ത്തി​നി​ടെ ഏ​റ്റ​വും കു​റ​വ് രോ​ഗി​ക​ൾ റി​പ്പോ​ർ​ട്ട്​ ചെ​യ്​​ത​ത്​ ര​ണ്ടു​ദി​വ​സം മു​മ്പാ​ണ്. എന്നാൽ 7000 പേ​ർ​വ​രെ രോ​ഗ​മു​ക്ത​രാ​യ ദി​വ​സ​ങ്ങ​ളു​മു​ണ്ട്. ഇ​തോ​ടെ, നി​യ​ന്ത്ര​ണ​ങ്ങ​ളെ​ല്ലാം പി​ൻ​വ​ലി​ക്കുകയുണ്ടായി. പ​ള്ളി​ക​ളും പൊ​തു​ഗ​താ​ഗ​ത​വും വി​പ​ണി​യും തു​റ​ന്നു പ്രവർത്തിച്ചു തുടങ്ങി.

പ്ര​തി​ദി​നം 500ലേ​റെ പേ​ർ രോ​ഗ​ബാ​ധി​ത​രാ​യി​രു​ന്ന ബ​ഹ്റൈ​നി​ൽ ഒ​രാ​ഴ്ച​യാ​യി രോ​ഗി​ക​ൾ കു​റ​വാ​ണ്. രാ​ജ്യ​ത്ത്​ മ​ല​യാ​ളി​ക​ളു​ടെ മ​ര​ണം പൊ​തു​വെ കു​റ​വാ​ണ്. ഇ​വി​ട​ത്തെ നി​യ​ന്ത്ര​ണ​ങ്ങ​ൾ നീ​ക്കി. ആ​ഗ​സ്​​റ്റ്​ ആ​റി​ന്​ ജിം​നേ​ഷ്യ​ങ്ങ​ളും കാ​യി​ക പ​രി​ശീ​ല​ന കേ​ന്ദ്ര​ങ്ങ​ളും തു​റ​ക്കു​ന്ന​തോ​ടെ ബ​ഹ്​​റൈ​ൻ സാ​ധാ​ര​ണ നി​ല​യി​ലാ​കും. അതേസമയം ഒ​മാ​നി​ൽ കോ​വി​ഡ്​ ബാ​ധി​ത​രു​ടെ എ​ണ്ണം കൂ​ടു​ന്നു​ണ്ടെ​ങ്കി​ലും പ്ര​വാ​സി​ക​ളി​ൽ രോ​ഗ​ബാ​ധ ഗണ്യമായി കു​റ​ഞ്ഞി​ട്ടു​ണ്ട്. സ്​​ഥാ​പ​ന​ങ്ങ​ൾ തു​റ​ന്ന​തോ​ടെ പ്ര​വാ​സി​ക​ൾ ജോ​ലി​ക്ക്​ എത്തിത്തുടങ്ങി. മ​ല​യാ​ളി മ​ര​ണ​ങ്ങ​ൾ കു​റ​വാ​യ​തും ആ​ശ്വാ​സം പ​ക​രു​ന്ന വാർത്ത തന്നെയാണ്. എ​ങ്കി​ലും, ബ​ലി​പെ​രു​ന്നാ​ളി​ന്​ നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. ആ​ഗ​സ്​​റ്റ്​ എ​ട്ടു​വ​രെ​ ഈ നി​യ​ന്ത്ര​ണം തു​ട​രുകയും ചെയ്യുന്നതാണ്.

അതേസമയം ഖ​ത്ത​റി​ലും കോ​വി​ഡ് രോ​ഗി​ക​ൾ കു​റ​ഞ്ഞു. നി​യ​ന്ത്ര​ണ​ങ്ങ​ൾ നീ​ക്കി​ത്തു​ട​ങ്ങി. അതോടൊപ്പം തന്നെ കു​വൈ​ത്തി​ൽ കോ​വി​ഡ്​ രോ​ഗി​ക​ളു​ടെ എ​ണ്ണ​വും മ​ര​ണ​നി​ര​ക്കും കു​റ​ഞ്ഞു. പു​തി​യ രോ​ഗി​ക​ളെ​ക്കാ​ൾ കൂ​ടു​ത​ലാ​ണ്​ രോ​ഗ​മു​ക്ത​രാ​യ​വ​രു​ടെ എ​ണ്ണം എന്നത്. അ​ഞ്ചു​ ഘ​ട്ട​മാ​യി നി​യ​ന്ത്ര​ണം നീ​ക്കു​ന്ന കു​വൈ​ത്തി​ൽ മൂ​ന്നാം ഘ​ട്ടം പി​ന്നിടുകയുണ്ടായി. ആ​ഗ​സ്​​റ്റ്​ ഒ​ന്ന്​ മു​ത​ൽ കു​വൈ​ത്തി​ലൂ​ടെ വാ​ണി​ജ്യ വി​മാ​ന സ​ർ​വി​സ്​ തു​ട​ങ്ങും. കു​വൈ​ത്ത്​ എ​യ​ർ​വേ​സ്​ ഒ​മ്പ​ത്​ ന​ഗ​ര​ങ്ങ​ളി​ലേ​ക്ക്​ സ​ർ​വി​സ്​ ഷെ​ഡ്യൂ​ൾ ചെ​യ്​​തി​ട്ടു​മുണ്ട്. രാ​ജ്യ​ത്ത്​ രാ​ത്രി ക​ർ​ഫ്യൂ സ​മ​യം കു​റ​ക്കുകയുണ്ടായി.