കോവിഡ് പ്രതിരോധം പ്രതിരോധ പ്രവർത്തനങ്ങളിൽ ഗൾഫ് രാജ്യങ്ങൾ വളരെ കരുതലോടെയുള്ള നടപടികളാണ് സ്വീകരിക്കുന്നത് .കർക്കശവും കടുത്തതു മായുള്ള നടപടികൾ കോവിഡ് പ്രോട്ടോകാൾ പാലിക്കാത്ത ആളുകൾക്കെതിരെ സ്വീകരിക്കുന്നുണ്ട് .അത്തരത്തിൽ ഒരു വാർത്തയാണ് ഇപ്പോൾ പുറത്തു വരുന്നത് .

ജോലിസ്ഥലത്ത് കോവിഡ് നിയമങ്ങൾ ലംഘിക്കുന്ന യു.എ.ഇ.യിലെ സർക്കാർജീവനക്കാരുടെ ശമ്പളം കുറയ്ക്കുമെന്ന് മുന്നറിയിപ്പ്.നിയമലംഘനം കണ്ടെത്തിയാൽ മൂന്ന് ദിവസത്തെ ശമ്പളം വെട്ടിക്കുറയ്ക്കുമെന്ന് അധികൃതർ കർശന മുന്നറിയിപ്പ് നൽകി. കൂടാതെ കനത്തപിഴയും ഈടാക്കും.കോവിഡ് വ്യാപനം കുറയ്ക്കുന്നതിനും ജീവനക്കാരിൽ അവബോധം വളർത്തിയെടുക്കാനുമാണ് ഈ നീക്കം. ഫെഡറൽ അതോറിറ്റി ഫോർ ഹ്യൂമൻ റിസോഴ്‌സസ് എല്ലാ മന്ത്രാലയങ്ങൾക്കും ഇതുസംബന്ധിച്ച സർക്കുലർ നൽകി.മുൻകരുതൽ നടപടികൾ പാലിക്കണമെന്നും അഭ്യർഥിച്ചു.

തൊഴിലിടങ്ങളിൽ ജീവനക്കാർ പാലിച്ചിരിക്കേണ്ട 12 കോവിഡ് സുരക്ഷാ മുന്നറിയിപ്പുകളെക്കുറിച്ചും അധികൃതർ ഓർമപ്പെടുത്തി. ഷെയ്ക്ക് ഹാൻഡ് നൽകിയാൽ പിഴയീടാക്കും.സാമൂഹിക ഒത്തുചേരലുകൾ പാടില്ല. ആളുകൂടിയാൽ, മുഖാവരണം ധരിക്കാതിരുന്നാൽ, രോഗലക്ഷണങ്ങളുള്ളവർ കോവിഡ് പരിശോധന നടത്താതിരുന്നാലും നടപടിയുണ്ടാകും.രോഗലക്ഷണമുള്ള ജീവനക്കാരനു വേണ്ട സംരക്ഷണം നൽകാതിരുന്നാൽ തൊഴിലുടമക്കെതിരേയും നടപടിയെടുക്കും. കഴിഞ്ഞ ദിവസങ്ങളിൽ കോവിഡ് രോഗബാധിതരുടെ എണ്ണം ഉയർന്ന സാഹചര്യത്തിലാണ് യു.എ.ഇ. നടപടി കടുപ്പിച്ചത്.