കുവൈത്തിൽ കോവിഡ് പ്രതിരോധ കുത്തിവെപ്പ് നടത്തിയ മൂന്നു വിഭാഗങ്ങളെ ഇൻസ്റ്റിറ്റ്യൂഷണൽ ക്വാറന്റൈനിൽ നിന്നും ഒഴിവാക്കുന്നതിന് മന്ത്രിസഭാ യോഗം തീരുമാനിച്ചു.

കുവൈത്തിൽ അംഗീകരിച്ചിട്ടുള്ള വാക്സിൻ വിദേശ രാജ്യങ്ങളിൽ വെച്ച് എടുത്തവരെയും ഇൻസ്റ്റിറ്റ്യൂഷണൽ ക്വാറന്റൈനിൽ നിന്നും ഒഴിവാക്കുന്നതിനാണ് തീരുമാനമെന്നും സർക്കാർ വക്താവ് അറിയിച്ചു.

ആരോഗ്യ മന്ത്രാലയ നിർദേശങ്ങൾ കണക്കിലെടുത്താണ് കു​വൈ​ത്തി​ലേ​ക്ക് വ​രു​ന്ന യാ​ത്ര​ക്കാ​രി​ൽ കോ​വി​ഡ് പ്ര​തി​രോ​ധ കു​ത്തി​വെ​പ്പ് എ​ടു​ത്ത മൂ​ന്ന് വി​ഭാ​ഗ​ങ്ങ​ളെ നി​ർ​ബ​ന്ധി​ത ഇ​ൻ​സ്​​റ്റി​റ്റ്യൂ​ഷ​ന​ൽ ക്വാ​റ​ൻ​റീ​നി​ൽ​നി​ന്ന്​ ഒ​ഴി​വാ​ക്കുന്നതിന് മന്ത്രിസഭ അനുമതി നൽകിയത്.

ര​ണ്ടാ​മ​ത്തെ ഡോ​സ് വാ​ക്സി​ൻ സ്വീ​ക​രി​ച്ച് ര​ണ്ടാ​ഴ്ച​യി​ൽ കൂ​ടു​ത​ലാ​യ​വ​ർ, വാ​ക്സി​ൻ ആ​ദ്യ ഡോ​സ് സ്വീ​ക​രി​ച്ച് അ​ഞ്ച് ആ​ഴ്ച​യി​ല​ധി​കം ക​ഴി​ഞ്ഞ​വ​ർ, കൊ​റോ​ണ വൈ​റ​സ് ബാ​ധ​യി​ൽ​നി​ന്ന് മു​ക്ത​രാ​യ​ ശേ​ഷം വാ​ക്സി​ൻ ആ​ദ്യ ഡോ​സ് സ്വീ​ക​രി​ച്ച് ര​ണ്ടാ​ഴ്ച​യി​ൽ കൂ​ടു​ത​ലാ​യ​വ​ർ എ​ന്നി​വ​രെ​യാ​ണ്​ ഒ​ഴി​വാ​ക്കാൻ തീരുമാനിച്ചത്. എന്നാൽ ഇത്തരത്തിൽ രാജ്യത്ത് എത്തുന്നവർ ​ ഏ​ഴു ദി​വ​സ​ത്തേ​ക്ക് ഹോം ​ക്വാ​റ​ൻ​റീ​നിൽ കഴിയണം.

കൂടാതെ കോവിഡ് വൈ​റ​സ് ബാ​ധ​യി​ല്ല എ​ന്ന് തെ​ളി​യി​ക്കാ​നാ​യി പി.​സി.​ആ​ർ പ​രി​ശോ​ധ​ന ന​ട​ത്ത​ണം. വി​ദേ​ശ​ത്ത് പ​ഠി​ക്കു​ന്ന വി​ദ്യാ​ർ​ഥി​ക​ൾ​ക്ക് നി​ർ​ബ​ന്ധി​ത ക്വാ​റ​ൻ​റീ​നി​ൽ നിന്നും ഇ​ള​വു ല​ഭി​ക്കുന്നതിന് അ​ത​ത് സ​ർ​വ​ക​ലാ​ശാ​ല​ക​ൾ ന​ൽ​കു​ന്ന ര​ജി​സ്ട്രേ​ഷ​ൻ സ​ർ​ട്ടി​ഫി​ക്ക​റ്റ് മ​തി​യാ​കുമെന്നും അറിയിപ്പിൽ വ്യക്തമാക്കുന്നു.

അതേസമയം കുവൈറ്റിൽ കർഫ്യൂ സമയത്തിൽ മാറ്റം വരുത്തി. സമയത്തിന്റെ ക്രമീകരണം മന്ത്രിസഭാ അടിയന്തിര യോഗത്തിന് ശേഷം സർക്കാർ വക്താവ് താരീഖ് അൽ മെസ്രേം അറിയിച്ചു. നിലവിൽ വൈകുന്നേരം 5 മണിക്ക് ആരംഭിക്കുന്ന ഭാഗിക കർഫ്യു ചൊവ്വാഴ്ച്ച മുതൽ 6 മണിക്ക് ആരംഭിക്കും.അതോടൊപ്പം പൊതു ജനങ്ങൾക്ക് വൈകുന്നേരം 6 മണി മുതൽ 8 മണി വരെ പൊതു നിരത്തുകളിൽ നടക്കാൻ അനുവദിക്കുന്നതാണ്.

കൂടാതെ റെസ്റ്റാറന്റ്റുകൾക്ക് വൈകുന്നേരം 5 മണി മുതൽ 10 മണി വരെ ഭക്ഷണം ഡെലിവറി ചെയ്യുന്നതിനും അനുവദിക്കും. പൊതുജനങ്ങൾ നേരിടുന്ന ബുദ്ധിമുട്ടുകൾ കണക്കിലെടുത്താണ് ഇത്തരത്തിൽ കർഫ്യു സമയത്തിൽ ഭേദഗതി വരുത്തിയതെന്നും സർക്കാർ വക്താവ് താരീഖ് അൽ മെസ്രേം വിശദീകരിച്ചു.