കത്രിക വയറിനുള്ളിൽ അഞ്ചു കൊല്ലം ഇരുന്നതുകൊണ്ട് ഒരു കുഴപ്പവുമില്ലെന്ന് പറഞ്ഞ ഡോക്ടർ ലളിതാംബികയെ വിമർശിച്ച്. ഉഷ എന്ന ആ വീട്ടമ്മയ്ക്ക് ബോറടിച്ചപ്പോൾ അവർ കത്രിക എടുത്ത് വിഴുങ്ങി എന്ന് ആയമ്മ പറയാതിരുന്നത് ഭാഗ്യമെന്നായിരുന്നു  അഞ്ജു ഫേസ്ബുക്കിൽ കുറിച്ചത്. കുറിപ്പിന്റെ പൂർണ്ണ രൂപം ഇങ്ങനെ;-

കൊല്ലുന്ന രാജാവിന് തിന്നുന്ന മന്ത്രി എന്ന് കേട്ടിട്ടേ ഉണ്ടായിരുന്നുള്ളൂ, പക്ഷേ ഇന്ന് കണ്ടു. ശസ്ത്രക്രിയ ചെയ്തത് ഇവരാണോ കത്രിക ഉള്ളിൽ വന്നത് ഇവരുടെ പിഴവാണോ എന്നതൊക്കെ ഒരു സൈഡിൽ ഇരിക്കട്ടെ. പക്ഷേ മീഡിയയ്ക്ക് മുന്നിൽ നിന്ന് ഇളിച്ചോണ്ട് അങ്ങനെ ഒരു ഉപകരണം വയറ്റിൽ കിടക്കുന്നത് കൊണ്ട് നോ പ്രോബ്ലം, ഹെൽത്ത് ഇഷ്യൂസ് ഒന്നും ഉണ്ടാവില്ല എന്നൊക്കെ പറയാൻ ഉള്ള ആ ഉളുപ്പ് ഇല്ലായ്മ ഇണ്ടല്ലോ, അത് കണ്ടപ്പോൾ അടുത്ത ആരോഗ്യമന്ത്രിണി ആവാൻ ഉള്ള യോഗ്യത ഇവർക്ക് ഉണ്ടെന്ന് മനസ്സിലായി. അമ്മാതിരി തൊലിക്കട്ടി.

ഉഷ എന്ന ആ വീട്ടമ്മയ്ക്ക് ബോറടിച്ചപ്പോൾ അവർ കത്രിക എടുത്ത് വിഴുങ്ങി എന്ന് ആയമ്മ പറയാതിരുന്നത് ഭാഗ്യം. ഞാൻ ഇപ്പോൾ ഓർത്തത് സിസ്റ്റം കമ്പ്ലീറ്റ്ലി ഔട്ട്‌ ആയതിനെ കുറിച്ച് മുൻ ആരോഗ്യമന്ത്രി ടീച്ചറമ്മയും ഇപ്പോഴത്തെ മിനിസ്റ്റർ ആന്റിയും എന്ത് പറയുമെന്നാണ്. അഞ്ചു് കൊല്ലം മുമ്പത്തെ ശസ്ത്രക്രിയ ആയോണ്ട് തല്ക്കാലം മിനിസ്റ്റർ ആന്റി ജസ്റ്റ് എസ്‌ക്കേപ്പ്ഡ്. പിഞ്ഞാണം അവാർഡ് കിട്ടിയ ലോകോത്തര ആരോഗ്യ മന്ത്രി ടീച്ചറമ്മ ഇത് മിക്കവാറും ഉഷ വിഴുങ്ങിയ കത്രിക ആണെന്ന് പറയോ അതോ ഇന്നത്തെ ഡാക്കിട്ടർ പറഞ്ഞത് പോലെ ഇരുപത് കൊല്ലം മുമ്പ് നടന്ന ശസ്ത്രക്രിയ പിഴവ് ആക്കി മാറ്റുമോ എന്ന് കണ്ടറിയണം.

എന്റെ കുടുംബത്തിലുണ്ട് നാല് ഡോക്ടർമാർ. നാളെ അവരിൽ ഒരു പിഴവ് വരുമോ ഇല്ലയോ എന്ന് അറിയില്ല. പക്ഷേ ഒന്ന് ഉറപ്പിച്ചു പറയുന്നു അഥവാ അങ്ങനൊരു പിഴവ് വന്നാൽ പോലും ഇത് പോലെ മീഡിയയ്ക്ക് മുന്നിൽ വന്ന് നിന്ന് ഇമ്മാതിരി ഒരു ക്യാപ്‌സ്യൂൾ അവർ വിതറില്ല. അത് ഉറപ്പ്. മർത്യന് കൈപ്പിഴ ജന്മസിദ്ധം എന്നാണ് . എങ്കിലും ഒരു ഡോക്ടറിന് അത് വരാൻ പാടില്ല. എങ്കിൽ പോലും അങ്ങനൊന്ന് വന്നാൽ അത് ഞാൻ ചെയ്തത് കൊണ്ടല്ല, എന്റെ കത്രിക വയ്പ്പ് ഇങ്ങനല്ല, കത്രിക ഒരു അമ്പത് കൊല്ലം വയറ്റിൽ ഇരുന്നാലും ഒരു പ്രശ്നോമില്ല, കത്രികയുടെ പഴക്കം നോക്കി ആര് ഇട്ടു എന്ന് തീരുമാനിക്കാം എന്നൊക്കെ പറയുന്ന ത് കേൾക്കുമ്പോൾ ഇവരൊക്കെ എവിടുത്തെ ഡോക്ടർ ആണെന്ന് ചോദിച്ച് പോകുന്നു.

ഒരു ഉപകരണം വയറ്റിൽ കിടന്നിട്ട് ഒരു സ്ത്രീ അനുഭവിച്ച വേദനയെ ഇത്രമേൽ നിസ്സാരവൽക്കരിച്ച, അതിനെ ഇളിയോട് കൂടി ന്യായീകരിച്ച ഡോക്ടറുടെ നടപടി തികച്ചും unethical എന്ന് തന്നെ പറയുന്നു. സിസ്റ്റം തികഞ്ഞ പരാജയം എന്ന് നിങ്ങൾ പറഞ്ഞത് അംഗീകരിക്കുന്നു. ആ വേസ്റ്റ് സിസ്റ്റത്തിന് ചേർന്ന ഡോക്ടർ തന്നെയാണ് നിങ്ങൾ എന്ന് നിങ്ങളുടെ attitude തെളിയിക്കുന്നു. കഴിഞ്ഞ പത്ത് കൊല്ലമായിട്ട് ആരോഗ്യ കേരളം എന്നത് വെന്റിലേറ്ററിൽ കിടക്കുന്ന സംഗതി ആണെന്ന് പൊതുസമൂഹത്തിന് അറിയാം. മോന്തായം വളഞ്ഞാൽ അറുപത്തി നാലും വളയും എന്ന് പറയുന്നത് വെറുതെ അല്ല.