കൊറോണ വ്യാപനത്തെ തുടർന്ന് പ്രവാസികൾക്ക് പ്ര​വേ​ശ​ന വി​ല​ക്ക്​ ഏർപ്പെടുത്തിയതിനെ തുടർന്ന് രാ​ജ്യ​ത്തെ വി​ക​സ​ന പ​ദ്ധ​തി​ക​ള്‍ വൈ​കി​പ്പി​ക്കു​ന്നതായി റിപ്പോർട്ട്. വൈ​ദ്യു​തി, വെ​ള്ളം, ഭ​വ​ന പ​ദ്ധ​തി​ക​ള്‍ 20 മു​ത​ല്‍ 25 ശ​ത​മാ​നം വ​രെ വൈ​കി​യാ​ണ്​ ഇപ്പോൾ പു​രോ​ഗ​മി​ക്കു​ന്ന​ത്. തൊ​ഴി​ലാ​ളി​ക്ഷാ​മ​മാ​ണ്​ കാ​ര​ണം. അ​വ​ധി​ക്ക്​ നാ​ട്ടി​ല്‍​പോ​യ തൊ​ഴി​ലാ​ളി​ക​ള്‍​ക്ക്​ തി​രി​ച്ചു​വ​രാ​ന്‍ ക​ഴി​യാ​ത്ത​തും പു​തി​യ തൊ​ഴി​ലാ​ളി​ക​ളെ കൊ​ണ്ടു​വ​രാ​ന്‍ ക​ഴി​യാ​ത്ത​തും കടുത്ത പ്ര​ശ്​​നം സൃ​ഷ്​​ടി​ക്കു​ന്നു. ക​ര്‍​ഫ്യൂ കാ​ര​ണം ജോ​ലി സ​മ​യം കു​റ​ഞ്ഞ​തും പ​ദ്ധ​തി വൈ​ക​ലി​ന്​ കാ​ര​ണ​മാ​യി മാറി. ക​ര്‍​ഫ്യൂ​കൊ​ണ്ട്​ മെ​ച്ച​മു​ണ്ടാ​യ​ത്​ റോ​ഡ്​ വി​ക​സ​ന പ​ദ്ധ​തി​ക​ള്‍​ക്ക്​ മാ​ത്ര​മാ​ണ് എന്നും അധികൃതർ പറയുകയുണ്ടായി.

ഇ​ര​ട്ടി വേ​ഗ​ത്തി​ലാ​ണ്​ റോ​ഡ്​ പ​ണി പു​രോ​ഗ​മി​ച്ചുവരുന്നത്. ​രാ​ത്രി റോ​ഡ്​ ഒ​ഴി​യു​ന്ന സ​മ​യം ഉ​പ​യോ​ഗ​പ്പെ​ടു​ത്തി​യാ​ണ്​ പ്ര​വൃ​ത്തി നടക്കുന്നത്. ​ഗ​താ​ഗ​ത ക്ര​മീ​ക​ര​ണ​ത്തി​ന്​ സ​മ​യം ക​ള​യേ​ണ്ടെ​ന്ന​താ​ണ്​ മെ​ച്ചം. വി​ദേ​ശ തൊ​ഴി​ലാ​ളി​ക​ളു​ടെ വ​ര​വ്​ ഇ​നി​യും ഏ​റെ​നാ​ള്‍ നീ​ളു​ക​യാ​ണെ​ങ്കി​ല്‍ പ​ദ്ധ​തി​ക​ള്‍ മു​ന്‍പ് നി​ശ്ച​യി​ച്ച​തി​നെ​ക്കാ​ള്‍ 40 ശ​ത​മാ​നം ​സ​മ​യം വൈ​കു​മെ​ന്നാ​ണ്​ വി​ല​യി​രു​ത്ത​പ്പെടുന്നത്. ക​രാ​ര്‍ അ​നു​സ​രി​ച്ചു​ള്ള സ​മ​​യ​ക്ര​മ​ത്തി​ല്‍ പ​ദ്ധ​തി​ക​ള്‍ പൂ​ര്‍​ത്തി​യാ​ക്കാ​ന്‍ കമ്പ​നി​ക​ള്‍​ക്ക്​ ബാ​ധ്യ​ത​യു​ണ്ട്.

എ​ന്നാ​ല്‍, ഈ അ​സാ​ധാ​ര​ണ സാ​ഹ​ച​ര്യ​ത്തി​ല്‍ അ​വ​രു​ടെ മേ​ല്‍ നി​യ​മ​പ​ര​മാ​യ ബാ​ധ്യ​ത കെ​ട്ടി​യേ​ല്‍​പി​ക്കാ​നോ ന​ഷ്​​ട​പ​രി​ഹാ​രം ഈ​ടാ​ക്കാ​നോ പ​രി​മി​തി​യു​ണ്ട്. വേ​ന​ലി​ല്‍ ഉ​ച്ച​സ​മ​യ​ത്ത്​ പു​റം​ജോ​ലി​ക്ക്​ വി​ല​ക്ക്​ ഏ​ര്‍​പ്പെ​ടു​ത്തുന്നതാണ്. വേ​ന​ലി​നു​മു​മ്പ്​ പ​ര​മാ​വ​ധി തീ​ര്‍​​ക്കാ​മെ​ന്ന്​ ക​രു​തി​യ ക​രാ​റു​കാ​രു​ടെ എ​ല്ലാ ക​ണ​ക്കു​കൂ​ട്ട​ലു​ക​ളും പി​ഴ​ക്കാ​ന്‍ കോ​വി​ഡ്​ കാ​ല നി​യ​ന്ത്ര​ണ​ങ്ങ​ള്‍ കാ​ര​ണ​മാ​യി മാറി.

പ​രി​സ്ഥി​തി സൗ​ഹൃ​ദ പെ​ട്രോ​ളി​യം പ​ദ്ധ​തി, അ​ല്‍ സൂ​ര്‍ എ​ണ്ണ​ശു​ദ്ധീ​ക​ര​ണ​ശാ​ല, കു​വൈ​ത്ത്​ വി​മാ​ന​ത്താ​വ​ള വി​ക​സ​നം, മു​ബാ​റ​ക്​ അ​ല്‍ ക​ബീ​ര്‍ തു​റ​മു​ഖം, മു​ത്​​ല ഭ​വ​ന​പ​ദ്ധ​തി തു​ട​ങ്ങി​യ പ്ര​ധാ​ന പ​ദ്ധ​തി​ക​ളെ ബാ​ധി​ക്കാ​തി​രി​ക്കാ​ന്‍ നേ​ര​ത്തേ സ​ര്‍​ക്കാ​ര്‍ ക്ര​മീ​ക​ര​ണ​ങ്ങ​ള്‍ വ​രു​ത്തി​യി​രു​ന്നു. ഇ​വ​യി​ലും പ്ര​തി​സ​ന്ധി നേ​രി​ടു​ന്ന​താ​യാ​ണ്​ പു​തി​യ വി​വ​രം. ചി​ല പ​ദ്ധ​തി​ക​ളു​ടെ പൂ​ര്‍​ത്തീ​ക​ര​ണ തീ​യ​തി മാ​റ്റി​യെ​ഴു​തേ​ണ്ടി വ​രും. സു​​പ്രീം കൗ​ണ്‍​സി​ല്‍ ഫോ​ര്‍ പ്ലാ​നി​ങ്​ ആ​ന്‍​ഡ്​ ഡെ​വ​ല​പ്​​​മെന്‍റ്​ വി​ഷ​യം പ​ഠി​ക്കു​ന്നു​ണ്ട്.