ഇന്ത്യയിൽ രണ്ടാം തരംഗം ഉണ്ടായതിനെ തുടർന്ന് നിരവധി ഗൾഫ് രാഷ്ട്രങ്ങളാണ് ഇന്ത്യയിൽ നിന്നുൾപ്പടെയുള്ള പ്രവാസികൾക്ക് വിലക്ക് ഏർപ്പെടുത്തിയത്. പ്രത്യേക നിബന്ധനകളോടെയാണ് യാത്ര ചെയ്യേണ്ടത്. എന്നാൽ ബ​ഹ്​​റൈ​നി​ലേ​ക്ക്​ പ്ര​ഖ്യാ​പി​ച്ചി​ട്ടു​ള്ള പു​തി​യ യാ​ത്ര നി​ബ​ന്ധ​ന​ക​ൾ പാ​ലി​ക്കാ​തെ യാ​ത്ര ചെ​യ്യാ​ൻ എ​ത്തു​ന്ന​വ​ർ വി​മാ​ന​ത്താ​വ​ള​ത്തി​ൽ കു​ടു​ങ്ങു​ന്ന​ത്​ പ​തി​വാ​കു​ന്നതായുള്ള റിപ്പോർട്ടുകളാണ് ലഭ്യമാകുന്നത്. നാ​ട്ടി​ൽ​നി​ന്ന്​ യാ​ത്ര പു​റ​പ്പെ​ടു​ന്ന വി​മാ​ന​ത്താ​വ​ള​ത്തി​ൽ​നി​ന്ന്​ ത​ന്നെ രേ​ഖ​ക​ൾ പ​രി​ശോ​ധി​ച്ച്​ യോ​ഗ്യ​രാ​യ​വ​രെ മാ​ത്ര​മാ​ണ്​ ബ​ഹ്​​റൈ​നി​ലേ​ക്ക്​ യാ​ത്ര ചെ​യ്യാ​ൻ നിലവിൽ അ​നു​വ​ദി​ക്കു​ന്ന​ത്.

എന്നാൽ പ​ല ദി​വ​സ​ങ്ങ​ളി​ലും നി​ര​വ​ധി പേ​ർ​ക്ക്​ യാ​ത്ര ചെ​യ്യാ​ൻ ക​ഴി​യാ​തെ മ​ട​ങ്ങി​പ്പോ​കേ​ണ്ടി വ​രു​ന്നു​ണ്ട്. നി​യ​ന്ത്ര​ണം ന​ട​പ്പാ​യ ആ​ദ്യ ദി​വ​സം തന്നെ 30ഓ​ളം യാ​ത്ര​ക്കാ​ർ​ക്ക്​ തി​രി​ച്ചു​പോ​കേ​ണ്ടി വ​ന്ന​താ​യി ഗ​ൾ​ഫ്​ എ​യ​ർ പ്ര​തി​നി​ധി മാധ്യമങ്ങളോട് പ​റ​ഞ്ഞു. തി​ങ്ക​ളാ​ഴ്​​ച കോ​ഴി​ക്കോ​ട്ടു​നി​ന്ന്​ വ​ന്ന ഗ​ൾ​ഫ്​ എ​യ​ർ വി​മാ​ന​ത്തി​ലെ യാ​ത്ര​ക്കാ​രാ​യ ഏ​ഴോ​ളം പേ​ർ​ക്ക്​ മ​ട​ങ്ങി​പ്പോ​കേ​ണ്ടി വ​ന്നതായും റിപ്പോർട്ട് ഉണ്ട്. ബ​ഹ്​​റൈ​നി​ലേ​ക്കു​ള്ള എ​യ​ർ ഇ​ന്ത്യ എ​ക്​​സ്​​പ്ര​സി​ലും യാത്രക്കാർക്ക് ഇ​ങ്ങ​നെ യാ​ത്ര മു​ട​ങ്ങു​ന്ന അ​വ​സ്​​ഥ​യു​ണ്ട്.

യാത്രയ്ക്ക് ഒരുങ്ങുന്നതിന് മുൻപ് ഈ നിബന്ധനകൾ അറിഞ്ഞിരിക്കണം....

കോ​വി​ഡ്​ കേ​സു​ക​ൾ ഉ​യ​രു​ന്ന സാ​ഹ​ച​ര്യ​ത്തി​ൽ ബഹ്‌റൈൻ ഇ​ന്ത്യ ഉ​ൾ​പ്പെ​ടെ ആ​റു രാ​ജ്യ​ങ്ങ​ളെ റെ​ഡ്​ ലി​സ്​​റ്റി​ൽ ആ​ണ്​ ഉൾ​പ്പെ​ടു​ത്തി​യി​രി​ക്കു​ന്ന​ത്. ബ​ഹ്​​റൈ​ൻ പൗ​ര​ന്മാ​ർ​ക്കും ബ​ഹ്​​റൈ​നി​ൽ റെ​സി​ഡ​ൻ​സ്​ പെ​ർ​മി​റ്റ്​ ഉ​ള്ള​വ​ർ​ക്കും മാ​ത്ര​മാ​ണ്​ മേ​യ്​ 23 മു​ത​ൽ പ്ര​വേ​ശ​നം അ​നു​വ​ദി​ച്ചുകൊണ്ടുള്ള ഉത്തരവ് പുറപ്പെടുവിച്ചത്. ഈ രാജ്യ​ങ്ങ​ളി​ൽ​നി​ന്ന്​ വ​രു​ന്ന​വ​ർ ​പ്ര​ധാ​ന​മാ​യും മൂ​ന്ന്​ നി​ബ​ന്ധ​ന​ക​ളാ​ണ്​ പാ​ലി​ക്കേ​ണ്ട​ത്. യാ​ത്ര പു​റ​പ്പെ​ടു​ന്ന​തി​ന്​ 48 മ​ണി​ക്കൂ​റി​നു​ള്ളി​ൽ ന​ട​ത്തി​യ കോ​വി​ഡ്​ പി.​സി.​ആ​ർ ​പ​രി​ശോ​ധ​ന​യു​ടെ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റ്, ബഹ്റൈ​നി​ൽ എ​ത്തി​യാ​ൽ എ​യ​ർ​പോ​ർ​ട്ടി​ലും തു​ട​ർ​ന്ന്​ പ​ത്താം ദി​വ​സ​വും പി.​സി.​ആ​ർ ടെ​സ്​​റ്റ്, 10 ദി​വ​സ​ത്തെ നി​ർ​ബ​ന്ധി​ത ക്വാ​റ​ൻ​റീ​ൻ എ​ന്നി​വ​യാ​ണ്​ യാ​ത്ര​ക്കാ​ർ​ക്കു​ള്ള നി​ബ​ന്ധ​ന​ക​ൾ എന്നത്.

ഈ ​നി​ബ​ന്ധ​ന​ക​ൾ പാ​ലി​ക്കു​ന്ന​തി​ലെ ജാ​ഗ്ര​ത​ക്കു​റ​വാ​ണ്​ യാ​ത്ര​ക്കാ​ർക്ക് മ​ട​ങ്ങാൻ ഇടയാകുന്നത്. 48 മ​ണി​ക്കൂ​ർ സ​മ​യ​പ​രി​ധി ക​ഴി​ഞ്ഞ​ നെ​ഗ​റ്റി​വ്​ പി.​സി.​ആ​ർ സ​ർ​ട്ടി​ഫി​ക്ക​റ്റു​മാ​യി തി​ങ്ക​ളാ​ഴ്​​ച രാ​ത്രി​യു​ള്ള ഗ​ൾ​ഫ്​ എ​യ​ർ വി​മാ​ന​ത്തി​ൽ യാ​ത്ര ചെ​യ്യാ​ൻ എ​ത്തി​യ ആ​ൾ​ക്ക്​ ക​രി​പ്പൂ​ർ​ വി​മാ​ന​ത്താ​വ​ള​ത്തി​ൽ​നി​ന്ന്​ തി​രി​ച്ചു​പോ​​കേ​ണ്ടി​വ​ന്നു. വി​മാ​ന​ത്തിന്റെ സ​മ​യം ക​ണ​ക്കാ​ക്കി ​കോ​വി​ഡ്​ പ​രി​ശോ​ധ​ന ന​ട​ത്തു​ന്ന​തി​ലെ വീ​ഴ്​​ച​യാ​ണ്​ ഇ​തി​ന്​ കാ​ര​ണമായി പറയുന്നത്. തി​ങ്ക​ളാ​ഴ്​​ച മ​ട​ങ്ങി​പ്പോ​കേ​ണ്ടി വ​ന്ന​യാ​ൾ ശ​നി​യാ​ഴ്​​ച രാ​വി​ലെ 9.30നാ​ണ്​ പ​രി​ശോ​ധ​ന​ക്ക്​ സാ​മ്പ്​​ൾ കൊ​ടു​ത്ത​ത്. തി​ങ്ക​ളാ​ഴ്​​ച രാ​ത്രി ആ​യ​പ്പോ​ൾ 48 മ​ണി​ക്കൂ​ർ സ​മ​യ​പ​രി​ധി പി​ന്നി​ട്ടി​രു​ന്നു. ഇത്തരത്തിൽ സമയ പരിധി കൃത്യമായ അറിഞ്ഞുവേണം ടെസ്റ്റ് നടത്തേണ്ടത്.

ഇതുകൂടാതെ ബ​ഹ്​​റൈ​നി​ൽ 10 ദി​വ​സ​ത്തെ ക്വാ​റ​ൻ​റീ​നി​ൽ താ​മ​സി​ക്കു​ന്ന​തി​നു​ള്ള നി​ബ​ന്ധ​ന​ക​ൾ പാ​ലി​ക്കാ​ത്ത​താ​ണ്​ യാ​​ത്ര മു​ട​ങ്ങാ​നു​ള്ള മ​റ്റൊ​രു കാ​ര​ണം എന്നത്. സ്വ​ന്തം പേ​രി​ലോ അ​ടു​ത്ത കു​ടും​ബാം​ഗ​ത്തിന്റെ പേ​രി​ലോ (മാ​താ​പി​താ​ക്ക​ൾ, മ​ക്ക​ൾ, ഭാ​ര്യ, ഭ​ർ​ത്താ​വ്) ഉ​ള്ള താ​മ​സ സ്​​ഥ​ല​ത്തിന്റെ സാ​ധു​ത​യു​ള്ള ലീ​സ്​ എ​ഗ്രി​മെൻറ്​ അ​ല്ലെ​ങ്കി​ൽ ഇ​ല​ക്​​ട്രി​സി​റ്റി ബി​ൽ എ​ന്നി​വ​യാ​ണ്​ രേ​ഖ​യാ​യി അധികൃതർ അം​ഗീ​ക​രി​ക്കു​ന്ന​ത്. ചി​ല​രു​ടെ ലീ​സ്​ എ​ഗ്രി​മെൻറ്​ പു​തു​ക്കി​യി​ട്ടു​ണ്ടാ​കി​ല്ല. ഇ​വ​ർ സ്വ​ന്തം പേ​രി​ലു​ള്ള ഏ​റ്റ​വും പു​തി​യ ഇ​ല​ക്​​ട്രി​സി​റ്റി ബി​ൽ ഹാ​ജ​രാ​ക്ക​ണം. ഇ​ല​ക്​​ട്രി​സി​റ്റ്​ ബി​ൽ ഫ്ലാ​റ്റു​ട​മ​യാ​ണ്​ അ​ട​ക്കു​ന്ന​തെ​ങ്കി​ൽ യാ​ത്ര​ക്കാ​ര​െൻറ സ്വ​ന്തം പേ​രി​ലാ​യി​രി​ക്കി​ല്ല ബി​ൽ. ഇ​ത്ത​രം ബി​ല്ലു​ക​ളും അം​ഗീ​ക​രി​ക്കി​ല്ല. കു​ടും​ബാം​ഗ​ത്തി​​​െൻറ പേ​രി​ലു​ള്ള രേ​ഖ​യാ​ണ്​ ഹാ​ജ​രാ​ക്കു​ന്ന​തെ​ങ്കി​ൽ പാ​സ്​​പോ​ർ​ട്ടി​ൽ ബ​ന്ധു​ത്വം തെ​ളി​യി​ക്കാ​ൻ ക​ഴി​യ​ണം. ഭ​ർ​ത്താ​വി​െൻറ പേ​രി​ലു​ള്ള താ​മ​സ സ്​​ഥ​ല​ത്തി​െൻറ രേ​ഖ ഹാ​ജ​രാ​ക്കു​ന്ന​വ​ർ​ക്ക്​ പാ​സ്​​പോ​ർ​ട്ടി​ൽ ഭ​ർ​ത്താ​വി​െൻറ പേ​രി​ല്ലെ​ങ്കി​ൽ വ​രാ​ൻ ക​ഴി​യി​ല്ല. ഇ​ങ്ങ​നെ​യു​ള്ള​വ​ർ ഹോ​ട്ട​ൽ ബു​ക്കി​ങ്​ ന​ട​ത്തേ​ണ്ടി​വ​രും.

സ്വ​ന്തം പേ​രി​ൽ താ​മ​സ​രേ​ഖ​യി​ല്ലെ​ങ്കി​ൽ നാ​ഷ​ന​ൽ ഹെ​ൽ​ത്ത്​​ റെ​ഗു​ലേ​റ്റ​റി അ​തോ​റി​റ്റി (എ​ൻ.​എ​ച്ച്.​ആ​ർ.​എ) അം​ഗീ​കാ​ര​മു​ള്ള ഹോ​ട്ട​ലി​ൽ മു​ൻ​കൂ​ർ പ​ണ​മ​ട​ച്ച്​ റി​സ​ർ​വേ​ഷ​ൻ ന​ട​ത്തി​യ​തി​െൻറ രേ​ഖ കാ​ണി​ക്ക​ണം. കൃ​ത്യ​മാ​യ രേ​ഖ ഹാ​ജ​രാ​ക്കി​യി​ല്ലെ​ങ്കി​ൽ നാ​ട്ടി​ൽ​നി​ന്ന്​ ത​ന്നെ യാ​ത്ര​ക്കാ​ര​നെ തി​രി​ച്ച​യ​ക്കും. വ്യാ​ജ റി​സ​ർ​വേ​ഷ​ൻ ബി​ൽ ഹാ​ജ​രാ​ക്കി നാ​ട്ടി​ൽ​നി​ന്ന്​ ബ​ഹ്​​റൈ​നി​ൽ എ​ത്തി കു​ടു​ങ്ങി​യ​വ​രു​മു​ണ്ട്. പു​തി​യ റി​സ​ർ​വേ​ഷ​ൻ ന​ട​ത്തി​യ ശേ​ഷ​മാ​ണ്​ ഇ​വ​ർ​ക്ക്​ പു​റ​ത്തി​റ​ങ്ങാ​നാ​യ​ത്.മ​ട​ങ്ങി​പ്പോ​കേ​ണ്ടി വ​രു​ന്ന യാ​ത്ര​ക്കാ​ർ​ക്ക്​ എ​യ​ർ​ലൈ​ൻ​സു​ക​ൾ മ​റ്റൊ​രു ദി​വ​സ​ത്തേ​ക്ക്​ ടി​ക്ക​റ്റ്​ മാ​റ്റി​ന​ൽ​കു​ന്നു​ണ്ട്. ഇ​തി​ന്​ പെ​നാ​ൽ​റ്റി ന​ൽ​ക​ണം. മാ​ത്ര​മ​ല്ല, വീ​ണ്ടും കോ​വി​ഡ്​ പി.​സി.​ആ​ർ ടെ​സ്​​റ്റ്​ ന​ട​ത്തു​ക​യും വേ​ണം.