ജീവിതത്തിനും മരണത്തിനുമിടയിലുള്ള വർഷങ്ങളായുള്ള കത്തിരിപ്പിന് പൂര്ണ വിരാമമം; അബുദാബി ജയിലിലെ ഇരുണ്ട അറകളിൽ വധശിക്ഷയ്ക്ക് വര്ഷങ്ങളോളം വേദനയോടെ കാത്തിരുന്ന മലയാളി ജീവിതത്തിലേക്ക്; എം.എ. യൂസഫലിയെന്ന മനുഷ്യസ്നേഹിയുടെ ദയയിൽ ഇത് രണ്ടാം ജന്മം, പ്രവാസികളുടെ പ്രാർത്ഥനകൾക്കൊടുവിൽ ബെക്സ് നാടിൻറെ തണലിലേക്ക്...
ഗൾഫ് രാഷ്ട്രങ്ങളിൽ ചെറിയ കുറ്റങ്ങൾക്ക് പോലും കടുത്ത ശിക്ഷയാണ് ലഭിക്കുക. ആയതിനാൽ തന്നെയാണ് സുരക്ഷയുടെ കാര്യത്തിൽ യുഎഇ ഉൾപ്പടെയുള്ള രാഷ്ട്രങ്ങൾ ഇപ്പോഴും ഒന്നാമത് തന്നെ നിൽക്കുന്നത്. അത്തരത്തിൽ അബുദാബി ജയിലിലെ ഇരുണ്ട അറകളിൽ വധശിക്ഷയ്ക്ക് വര്ഷങ്ങളോളം വേദനയോടെ കാത്തിരുന്ന മലയാളി ജീവിതത്തിലേക്ക് തിരിച്ചെത്തിയിരിക്കുകയാണ്. പ്രവാസികൾ ഏറെ ബഹുമാനത്തോടെയും ആദരവോടെയും കാണുന്ന ഒരാളായ എം.എ. യൂസഫലിയെന്ന മനുഷ്യസ്നേഹി ഇല്ലായിരുന്നെങ്കില് തൃശൂര് നടവരമ്പ് സ്വദേശി ബെക്സ് കൃഷ്ണന്റെ ജീവിതം കണ്ണീർക്കയത്തിൽ ആയേനെ.
ജീവിതത്തിനും മരണത്തിനുമിടയിലുള്ള വർഷങ്ങളായുള്ള കത്തിരിപ്പിന് പൂര്ണ വിരാമമിട്ടുകൊണ്ടാണ് വ്യവസായി എം.എ.യൂസഫലി ബെക്സ് കൃഷ്ണനെ ജയില് മോചിതനാക്കിയത്. അവസാനം ബെക്സ് കൃഷ്ണന് നാട്ടില് തിരിച്ചെത്തിയിരിക്കുകയാണ്. ചൊവ്വാഴ്ച രാത്രി 8.20 ന് അബുദാബിയില് നിന്നും പുറപ്പെട്ട് ബുധനാഴ്ച പുലര്ച്ചെ 1.45 ന് കൊച്ചിയിലെത്തിയ ഇത്തിഹാദ് വിമാനത്തിലാണ് ബെക്സ് ജനിച്ച മണ്ണിലേക്ക് മടങ്ങിയെത്തിയത്. കുടുംബാംഗങ്ങളുടെ വര്ഷങ്ങള് നീണ്ട കാത്തിരിപ്പിനാണ് ഇതോടെ അവസാനമാകുന്നത്. മകന് അദൈ്വതും ഭാര്യ വീണയും വിമാനത്താവളത്തില് കൃഷ്ണനെ സ്വീകരിക്കാനെത്തിയിരുന്നു. ആ കാഴ്ച് പ്രവാസലോകം നിറകണ്ണുകളോടെയാണ് സാക്ഷ്യം വഹിച്ചത്.
വധശിക്ഷക്ക് വിധിക്കപ്പെട്ട് ജീവിതത്തിലെ സര്വ്വ പ്രതീക്ഷകളും അസ്തമിച്ച് നില്ക്കെയാണ് ലുലുഗ്രൂപ്പ് ചെയര്മാന് എം.എ.യൂസഫലി ബെക്സ് കൃഷ്ണന് രക്ഷകനായി എത്തിയത്. വര്ഷങ്ങള്ക്ക് മുമ്പ് അബുദാബി മുസഫയില് വെച്ച് താന് ഓടിച്ചിരുന്ന വാഹനം തട്ടി സുഡാന് ബാലന് മരിച്ചതുമായി ബന്ധപ്പെട്ട കേസിലായിരുന്നു തൃശ്ശൂര് പുത്തന്ച്ചിറ ചെറവട്ട ബെക്സ് കൃഷ്ണന്റെ (45) വധശിക്ഷ യൂസഫലിയുടെ ഇടപെടലില് ഒഴിവായത്.
അപകടത്തില് മരിച്ച കുട്ടിയുടെ കുടുംബവുമായി യൂസഫലി നടത്തിയ നിരന്തര ചര്ച്ചകളുടെയും ദിയാധനമായി 5 ലക്ഷം ദിര്ഹം (ഒരു കോടി രൂപ) നല്കിയതിന്റെയും അടിസ്ഥാനത്തിലാണ് ശിക്ഷ റദ്ദ് ചെയ്യാന് കോടതി വഴി സാധ്യമായത്.
2012 സെപ്തംബര് 7നായിരുന്നു അബുദാബിയില് സ്വകാര്യ കമ്പനിയില് ജോലി ചെയ്തിരുന്ന ബെക്സിന്റെ ജീവിതം മാറ്റിമറിച്ച സംഭവം നടന്നത്. ജോലി സംബന്ധമായി മുസഫയിലേക്ക് പോകവെ സംഭവിച്ച വാഹനാപകടത്തില് സുഡാന് പൗരനായ കുട്ടി മരണപ്പെടുകയായിരുന്നു. കുട്ടിയുടെ രക്ഷിതാക്കളുടെ പരാതിയില് നരഹത്യക്ക് കേസെടുത്ത അബുദാബി പോലീസ് ബെക്സ് കൃഷ്ണനെതിരായി കുറ്റപത്രം സമര്പ്പിച്ചു. സിസിടിവി തെളിവുകളുടെയും സാക്ഷി മൊഴികളുടെയും അടിസ്ഥാനത്തില് കളിച്ചു കൊണ്ടിരിക്കുകയായിരുന്ന കുട്ടികളുടെ ഇടയിലേക്ക് വാഹനം പാഞ്ഞു കയറിയാണ് മരണം സംഭവിച്ചതെന്ന് തെളിഞ്ഞതിനാലാണ് മാസങ്ങള് നീണ്ട വിചാരണകള്ക്ക് ശേഷം യു.എ.ഇ. സുപ്രീം കോടതി 2013ല് ബെക്സിനെ വധശിക്ഷക്ക് വിധിച്ചത്.
അബുദാബി അല് വത്ബ ജയിലില് കഴിഞ്ഞിരുന്ന ബെക്സിന്റെ മോചനത്തിനായി കുടുംബം നടത്തിയ ശ്രമങ്ങള് ഒന്നും ഫലവത്താകാതെ സര്വ്വപ്രതീക്ഷകളും തകര്ന്ന സമയത്താണ് ബന്ധു സേതു വഴി എം.എ.യൂസഫലിയോട് മോചനത്തിനായി ഇടപെടാന് കുടുംബം സഹായം തേടിയത്. കേസുമായി ബന്ധപ്പെട്ട് കുട്ടിയുടെ കുടുംബവുമായി യൂസഫലി നിരവധി തവണ ചര്ച്ചകള് നടത്തുകയും കാര്യങ്ങള് പറഞ്ഞ് അവരെ ബോധ്യപ്പെടുത്താനായതുമാണ് മോചനത്തിലേക്കുള്ള വഴി തെളിഞ്ഞത്. ഒരവസരത്തില് ഇതിനായി സുഡാനില് നിന്നും കുടുംബാംഗങ്ങളെ അബുദാബിയില് കൊണ്ട് വന്ന് താമസിപ്പിക്കുകയും ചെയ്യേണ്ടി വന്നിട്ടുണ്ട്.
അങ്ങനെ വര്ഷങ്ങള് നീണ്ട നിരന്തര ചര്ച്ചകള്ക്കും കൂടിക്കാഴ്ചകള്ക്കു ശേഷം മാപ്പ് നല്കാമെന്ന് ബാലന്റെ കുടുംബം കോടതിയില് അറിയിച്ചതിനെ തുടര്ന്നാണ് ബെക്സിന്റെ കാരഗ്രഹ വാസത്തിന് വിരാമമം കുറിച്ചത്. നഷ്ടപരിഹാരമായി കോടതി 5 ലക്ഷം ദിര്ഹം ആവശ്യപ്പെട്ടപ്പോള് യൂസഫലി തന്നെ അത് കഴിഞ്ഞ ജനുവരിയില് കോടതിയില് കെട്ടിവെക്കുകയാണ് ചെയ്തത്.
https://www.facebook.com/Malayalivartha