കൊറോണ വ്യാപനം നൽകിയ ദുരിതങ്ങൾ പിന്നിട്ട ലോകത്തെ അമ്പരപ്പിച്ച എക്​സ്​പോ 2020ദുബൈ സന്ദർശക പ്രവാഹത്തിൽ സൂപ്പർ ഹിറ്റായി മാറിയിരിക്കുകയാണ്​. കൂടുതൽ കരുതൽ നൽകി സന്ദർശകരെ നെഞ്ചിലേറ്റി യുഎഇ കുതിക്കുന്നു. ഈ ഒരു സാഹചര്യത്തിലും കൊറോണ നിയന്ത്രണവിധേയമാക്കാൻ കഴിഞ്ഞതും എടുത്തുപറയേണ്ടത് തന്നെയാണ്. അങ്ങനെ ഏറെ നിർണായകമായ നിമിഷങ്ങളിലൂടെയാണ് യുഎഇ കടന്നുപ്പോകുന്നത്. ഇപ്പോഴിതാ ഒരു സന്തോഷ വാർത്ത പങ്കുവയ്ക്കുകയാണ് അധികൃതർ....

ലോകത്തെ മുഴുവനും വിസ്​മയിപ്പിച്ച സെപ്​റ്റംബർ 30ന് ഉദ്​ഘാടന മാമാങ്കത്തിന്​ ശേഷം പത്തുദിവസത്തിൽ എക്​സ്​പോയിൽ എത്തിയത്​ നാലുലക്ഷത്തിലേറെ സന്ദർശകരെന്ന് റിപ്പോർട്ട്​. അതായത് മേളയുടെ ഒഫീഷ്യൽസും മാധ്യമപ്രവർത്തകരും വളണ്ടിയർമാരും ഒഴികെയുള്ള, ടിക്കറ്റെടുത്ത്​ പ്രവേശിച്ചവരുടെ എണ്ണമാണ് അധികൃതർ പുറത്തുവിട്ടിരിക്കുന്നത്​. ലഭ്യമാകുന്ന കണക്കുകൾ പ്രകാരം ഞായറാഴ്​ച വരെ പ്രവേശിച്ചവരുടെ ആകെ എണ്ണം 4,11,768ആണ്​. ഇതിൽ 175രാജ്യക്കാരുണ്ടെന്നും അധികൃതർ വ്യക്​തമാക്കുകയും ചെയ്തു. കൂടാതെ സന്ദർശകരിൽ മൂന്നിലൊന്ന്​ യു.എ.ഇക്ക്​ പുറത്തു നിന്ന്​ എത്തിച്ചേർന്നവരാണ്​. രാജ്യത്തെത്തുന്ന അന്താരാഷ്ട്ര യാത്രക്കാരുടെ എണ്ണം വർധിക്കുന്നതിനനുസരിച്ച്​ ഈ എണ്ണത്തിൽ വർധനവുണ്ടാകുമെന്ന്​ സംഘാടകർ പ്രതീക്ഷിക്കുന്നു.

അതോടൊപ്പം തന്നെ ജനങ്ങളുടെ പ്രതീക്ഷാപൂർവമായ സന്ദർശനത്തിൽ ഏറെ തൃപ്​തിയുണ്ടെന്ന്​ യു.എ.ഇ അന്താവ്യക്തമാക്കുകയുണ്ടായി. ആദ്യ ദിവസങ്ങളിൽ എത്തിയവരുടെ എണ്ണം മേളയിലേക്ക്​ ജനങ്ങൾക്ക്​ എത്തിച്ചേരാനുള്ള താൽപര്യത്തെ വെളിപ്പെടുത്തുന്നുവെന്ന് വ്യക്തമായിരിക്കുകയാണ്. കൂടുതൽ സമ്പന്നമായ വിനോദ-വിജ്ഞാന പരിപാടികളായിരിക്കും വരും ആഴ്​ചകളിൽ നഗരിയിൽ അരങ്ങേറുക. കൂടാതെ ലോകത്തിന്റെ എല്ലാ ഭാഗത്തുനിന്നുമുള്ള സന്ദർശകരെ സ്വീകരിക്കാൻ ഞങ്ങൾ ഒരുങ്ങിക്കഴിഞ്ഞു - എന്നും അവർ കൂട്ടിച്ചേർത്തു.

എക്​സ്​പോയുടെ ആദ്യ ആഴ്​ച ഗംഭീര വിജയമാണെന്ന്​ അന്താരാഷ്​ട്ര എക്​സ്​പോ സെക്രട്ടറി ജനറൽ ദിമിത്രി എസ്​. കെർകൻറസ്​ വ്യക്തമാക്കി . എത്തിച്ചേരുന്നവരുടെ എണ്ണം വളരെ സ​ന്തോഷകരമായതാണ്​. ആളുകൾ പരസ്​പരം വീണ്ടും ബന്ധപ്പെടാനും മികച്ച ഭാവിയിലേക്ക്​ സഞ്ചരിക്കാനും ആഗ്രഹിക്കുന്നത്​ ഇത്​ പ്രകടമാക്കുന്നു- എന്നും അദ്ദേഹം കൂട്ടിച്ചേർത്തു.

ഇതുമാത്രമല്ല ഇതിനകം സന്ദർശിച്ചവരിൽ അഞ്ചിലൊരാൾ ഒന്നിലേറെ തവണ എക്​സ്​പോയിൽ വന്നവരാണ്. ഒരു ദിവസം മേളയുടെ പത്ത്​ ശതമാനം പോലും കണ്ടുതീർക്കാൻ കഴിത്ത സാഹചര്യമായതിനാൽ തന്നെ പലതവണകളായി വരേണ്ട സാഹചര്യമാണെന്ന് കാണുവാൻ സാധിക്കും​. എന്നാൽ അപൂർവ്വം ചിലർ അഞ്ചും ആറും ദിവസമെടുത്ത്​ നൂറോളം പവലിയനുകൾ കണ്ടുതീർത്തവരായിട്ടുണ്ട്​. ഇവർക്കും മുഴുവൻ പവലിയനുകൾ സന്ദർശിക്കാൻ ഇനിയും ഏറെ സന്ദർശനങ്ങൾ വേണ്ടിവരുമെന്നും അധികൃതർ ചൂണ്ടിക്കട്ടി.

അതേസമയം എക്​സ്​പോ വെബ്​സൈറ്റായ expo2020dubai.com വഴിയും ലോകത്താകമാനമുള്ള അംഗീകൃത ടിക്കറ്റ്​ വിൽപന ഏജൻസികളിലൂടെയുമാണ്​ ടിക്കറ്റ്​ വിൽപന നിലവിൽ നടക്കുന്നത്​. എക്​സ്​പോ നഗരിക്ക്​ സമീപവും ടിക്കറ്റ്​ കൗണ്ടർ സജ്ജമാക്കിയിട്ടുണ്ട്​. ഒരുദിവസത്തെ പ്രവേശനത്തിന്​ 95ദിർഹമാണ്​ നിരക്ക് ഈടാക്കുക​. തുടർച്ചയായ 30 ദിവസത്തെ പ്രവേശനത്തിന്​ 195ദിർഹമും ആറുമാസം എപ്പോഴും പ്രവേശിക്കാവുന്ന ടിക്കറ്റിന്​ 495രൂപയുമാണ്​ നിരക്ക്​. ഒക്​ടോബറിൽ പ്രത്യേകമായി എപ്പോഴും പ്രവേശനമനുവദിക്കുന്ന സ്​പെഷൽ പാസ്​ പ്രഖ്യാപിച്ചിട്ടുണ്ട്​. ഇതിന്​ 95ദിർഹമാണ്​ നിരക്ക്​ ഉള്ളത്.