പ്രവാസികളുടെ ശമ്പളം ഇനി മുടങ്ങില്ല, തൊഴിലാളികൾക്ക് വേതനം നല്കുന്നതില് കാലതാമസം വരുത്തിയാൽ നിയമനടപടി, കമ്പനികളിൽ പരിശോധനകള് ശക്തമാക്കാന് കുവൈത്ത്, നിയമവും വ്യവസ്ഥകളും അനുസരിച്ച് പ്രവര്ത്തിക്കുന്ന കമ്പനികള്ക്ക് എല്ലാ സഹായവും നൽകും..!!!
പ്രവാസി തൊഴിലാളികളുടെ അവകാശങ്ങൾ ഉറപ്പുവരുത്തുന്നതിന്റെ ഭാഗമായി കൃത്യമായ ശമ്പളം നല്കാത്ത കമ്പനി അധികൃതര്ക്ക് എതിരെ നിയമ നടപടിക്കൊരുങ്ങുമെന്ന് കുവൈത്ത് ഭരണകൂടം. ചില കമ്പനികൾ ഇത്തരത്തിൽ തൊഴിലാളികളുടെ വേതനം നല്കുന്നതില് നിരുത്തരവാദിത്വപരമായ സമീപനവും കാലതാമസവും വരുത്തുന്നതായി ശ്രദ്ധയിൽപ്പെട്ടതിനെ തുടർന്നാണ് മുന്നറിയിപ്പ്. കമ്പനി പ്രതിനിധികളുമായി നടത്തിയ കൂടിക്കാഴ്ച്ചയിൽ കുവൈത്ത് ഒന്നാം ഉപപ്രധാനമന്ത്രിയും പ്രതിരോധ-ആഭ്യന്തര വകുപ്പ് മന്ത്രിയുമായ ഷെയ്ഖ് ഫഹദ് യൂസഫ് അല് സബാഹ് ആണ് ഇക്കാര്യം വ്യക്തമാക്കിയത്. മന്ത്രിസഭ തീരുമാനം പ്രകാരം കമ്പനികളിലുള്ള പരിശോധനകള് ശക്തമാക്കാന് അദ്ദേഹം നിര്ദ്ദേശിച്ചിട്ടുണ്ട്.
രാജ്യത്തിന്റെ സല്പ്പേര് കളയുവാന് ആരെയും അനുവദിക്കില്ല. 'ചില കമ്പനികള് അവരുടെ തൊഴിലാളികളുടെ വേതനം നല്കുന്നതില് കാലതാമസവും പരാജയവും നേരിടുന്നുണ്ട്. മനുഷ്യാവകാശ ലംഘനമെന്ന നിലയില് ഇത് രാജ്യത്തിന്റെ പ്രശസ്തിക്ക് ഹാനികരമാകുന്നു. രാജ്യത്തിന്റെ പ്രശസ്തി മറ്റെല്ലാറ്റിനും ഉപരിയായതിനാല് ഇത് അനുവദിക്കില്ലെന്ന് മന്ത്രി കുട്ടിച്ചേര്ത്തു. എന്നാല്, നിയമവും വ്യവസ്ഥകളും അനുസരിച്ച് പ്രവര്ത്തിക്കുന്ന കമ്പനികള്ക്ക് എല്ലാ സഹായവും മന്ത്രി വാഗ്ദാനം ചെയ്തിട്ടുണ്ട്. കമ്പിനി പ്രതിനിധികളെ കൂടാതെ പബ്ലിക് അതോറിറ്റി ഫോര് മാന് പവര് ഡയറക്ടര് ജനറല് മര്സൂഖ് അല് ഒതെബി സംബന്ധിച്ചിരുന്നു.
ഇതേസമയം, തൊഴിലാളികൾക്ക് വേതന സുരക്ഷ ഉറപ്പുവരുത്തുന്ന പുതിയ ഇന്ഷൂറന്സ് പദ്ധതി സൗദിയിൽ നിലവില് വന്നു കഴിഞ്ഞു. സൗദി മാനവ വിഭവശേഷി, സാമൂഹിക വികസന മന്ത്രാലയവും സൗദി അറേബ്യന് ഇന്ഷുറന്സ് അതോറിറ്റിയും ചേര്ന്ന് സ്വകാര്യ മേഖല സ്ഥാപനങ്ങളിലെ പ്രവാസി തൊഴിലാളികളുടെ അവകാശങ്ങള് സംരക്ഷിക്കുന്നതിനാണ് പുതിയ ഇന്ഷൂറന്സ് പദ്ധതി. ഒക്ടോബര് 6 മുതല് പദ്ധതി നിലവില് വന്നു. പുതിയ ഇൻഷുറൻസ് പരിരക്ഷ പ്രകാരം ഒരു തൊഴിലാളിക്ക് ലഭിക്കുന്നത് 17,500 റിയാലായിയാണ് നിശ്ചയിച്ചിട്ടുള്ളത്.
ഒരു സ്ഥാപനത്തിലെ വിദേശ തൊഴിലാളികള്ക്ക് വേതനവും ആനുകൂല്യങ്ങളുമായി ആകെ ലഭിക്കാനുള്ള തുക, ഇന്ഷുന്സ് പദ്ധതി കവറേജ് പ്രകാരം നിശ്ചയിച്ച നഷ്ടപരിഹാരത്തുകയുടേതിനേക്കാൾ അധികം ആകാൻ പാടില്ല. അടിസ്ഥാന വേതനം, ആനുകൂല്യങ്ങള് എന്നിവ ഇന്ഷുറന്സ് നഷ്ടപരിഹാരത്തില് ഉള്പ്പെടും. നഷ്ടപരിഹാരം ലഭിക്കാന് വിദേശ തൊഴിലാളി സൗദി അറേബ്യ വിടണമെന്ന് വ്യവസ്ഥയില്ല. മറ്റൊരു സ്ഥാപനത്തിന്റെ പേരിലേക്ക് സ്പോണ്സര്ഷിപ്പ് മാറ്റിയാലും നഷ്ടപരിഹാരം ലഭിക്കും.
സ്വദേശത്തേക്ക് മടങ്ങാന് ആഗ്രഹിക്കുന്ന തൊഴിലാളിക്ക് ഇക്കോണമി ക്ലാസ് ടിക്കറ്റിന് ആയിരം റിയാൽ വരെ നഷ്ടപരിഹാരം ലഭിക്കും. ഇതിന് ഫൈനല് എക്സിറ്റ് വിസ പോലെ സ്വദേശത്തേക്ക് മടങ്ങാനുള്ള മുഴുവന് നിയമാനുസൃത നടപടികളും പൂര്ത്തിയാക്കിയതായി സ്ഥിരീകരിക്കുന്ന രേഖകള് തൊഴിലാളി സമര്പ്പിക്കണം. സ്ഥാപനം പ്രതിസന്ധിയിലായതിനാല് 80 ശതമാനം വിദേശ തൊഴിലാളികളുടെ വേതനം ആറു മാസത്തേക്ക് വിതരണം ചെയ്യാന് കഴിയാതെവന്ന സ്ഥാപനങ്ങളിലെ വിദേശ തൊഴിലാളികള്ക്കാണ് പുതിയ ഇന്ഷുറന്സ് പദ്ധതിയുടെ പ്രയോജനം ലഭിക്കുക.
സര്ക്കാരിന് പൂര്ണ ഉടമസ്ഥാവകാശമുള്ള സ്ഥാപനങ്ങളിലെ വിദേശ തൊഴിലാളികള്, പ്രൊബേഷന് കാലയളവിലുള്ള വിദേശ തൊഴിലാളികള്, ഗാര്ഹിക തൊഴിലാളികള്, താല്ക്കാലിക, സീസണ് തൊഴിലാളികള്, തൊഴിലുടമയുടെ കുടുംബാംഗങ്ങള്, സ്പോര്ട്സ് ക്ലബ്ബ് കളിക്കാര്, കാര്ഷിക തൊഴിലാളികള്, ഇടയന്മാര്, പ്രത്യേക ജോലിക്കായി എത്തുന്ന തൊഴിലാളികള് എന്നിവരെ പുതിയ ഇന്ഷുറന്സില് നിന്ന് ഒഴിവാക്കിയിട്ടുണ്ട്.
പുതിയ ഇന്ഷുറന്സ് പദ്ധതി നടപ്പാക്കുന്നതിനു മുമ്പ് പ്രതിസന്ധിയിലായ സ്ഥാപനങ്ങളിലെ തൊഴിലാളികള്ക്കും പദ്ധതി പ്രകാരമുള്ള പരിരക്ഷ ലഭിക്കില്ല.സൗദി അറേബ്യയിലെ പ്രവാസി തൊഴിലാളികളുടെ സംരക്ഷണവും അവകാശങ്ങളും മെച്ചപ്പെടുത്തുന്നതിനുള്ള ഞങ്ങളുടെ തുടര്ച്ചയായ ശ്രമങ്ങളുടെ ഭാഗമായാണ് ഈ പദ്ധതി.
https://www.facebook.com/Malayalivartha
