'കണ്വേര്ഷന് തെറാപ്പി'ക്ക് ബിട്ടനില് നിരോധനം
'കണ്വേര്ഷന് തെറാപ്പി'ക്കു വിധേയമാക്കി സ്വവര്ഗാനുരാഗികളെ, സ്വവര്ഗാനുരാഗത്തില് നിന്നു പിന്തിരിപ്പിക്കുന്ന നടപടി ബ്രിട്ടിഷ് സര്ക്കാര് നിരോധിച്ചു. 10 ലക്ഷത്തിലധികം എല്ജിബിടി വിഭാഗത്തില്പ്പെട്ടവര് പങ്കെടുത്ത ഓണ്ലൈന് അഭിപ്രായ വോട്ടെടുപ്പിനെ തുടര്ന്നാണു നിരോധനം.
സര്വേയില് പങ്കെടുത്ത രണ്ടു ശതമാനം പേര് നിര്ബന്ധിത 'കണ്വേര്ഷന് തെറാപ്പി'യ്ക്ക് വിധേയമായിട്ടുണ്ടെന്നു സമ്മതിച്ചു.വിവിധ മതസംഘടനകളും, ആരോഗ്യ പ്രവര്ത്തകരുമാണ് ഇതിനു പിന്നില്. സ്വവര്ഗാനുരാഗികളെ വിവിധ ചികിത്സാ രീതികളിലൂടെയും കൗണ്സിലിങിലൂടെയും സ്വവര്ഗാനുരാഗത്തില് നിന്നും പിന്തിരിപ്പിക്കുന്ന രീതിയാണ് 'കണ്വേര്ഷന് തെറാപ്പി'യില് സ്വീകരിക്കുന്നത്.
'കണ്വേര്ഷന് തെറാപ്പി'കള് തടയുന്നതിനു നിയമപരമായ എല്ലാം സാധ്യതകളും ഉപയോഗിക്കുമെന്നു ബ്രിട്ടീഷ് പ്രധാനമന്ത്രി തെരേസ മേയ് പറഞ്ഞു. വൈദ്യശാസ്ത്രപരമായോ ആത്മീയമായോ എന്തു സഹായം ലഭിക്കുന്നതിനും തടസ്സമല്ലെന്നും അവര് പറഞ്ഞു. എല്ജിബിടി വിഭാഗത്തിലെ മൂന്നില് രണ്ടു ശതമാനം ആളുകളും സമൂഹത്തിലെ എതിര്പ്പിനെ ഭയന്ന് ഇണയോടൊപ്പം കഴിയാന് ഭയക്കുന്നവരാണെന്നു അടുത്തിടെ നടന്ന സര്വേയില് തെളിഞ്ഞിരുന്നു.
''സമൂഹത്തിലെ എതിര്പ്പിനെ ഭയന്നു തങ്ങളുടെ വികാരങ്ങളെ പ്രകടിപ്പിക്കാന് ആരും ഭയക്കേണ്ടതില്ല. സ്വവര്ഗാനുരാഗികളോടുള്ള സമൂഹത്തിന്റെ കാഴ്ചപ്പാട് മാറാന് ഉതകുന്ന സുസ്ഥിര നടപടികളായിരിക്കും സര്ക്കാര് സ്വീകരിക്കുക'' തെരേസ മേയ് പറഞ്ഞു.
https://www.facebook.com/Malayalivartha
