എല്ലാവരും വരണ്ട...ഇമ്രാന് ഖാന്റെ സത്യപ്രതിജ്ഞയ്ക്ക് മോഡി ഉള്പ്പെടെ വിദേശ പ്രതിനിധികള്ക്ക് ക്ഷണമില്ല
പാക്കിസ്ഥാന് നിയുക്ത പ്രധാനമന്ത്രി ഇമ്രാന് ഖാന്റെ സത്യപ്രതിജ്ഞാ ചടങ്ങിലേക്ക് ഇന്ത്യന് പ്രധാനമന്ത്രി നരേന്ദ്ര മോഡി അടക്കം വിദേശ പ്രതിനിധികള്ക്ക് ക്ഷണമില്ല. മോഡി ഉള്പ്പെടെ സാര്ക്ക് രാഷ്ട്രത്തലവന്മാരെ സത്യപ്രതിജ്ഞാ ചടങ്ങിലേക്ക് ക്ഷണിച്ചേക്കുമെന്ന് വാര്ത്തകളുണ്ടായിരുന്നു. എന്നാല് വിദേശപ്രതിനിധികളെ ആരെയും ക്ഷണിക്കുന്നില്ലെന്ന് ഇമ്രാന് ഖാന്റെ പാര്ട്ടിയായ ടെഹ്രീക്ഇഇന്സാഫ് (പി.ടി.ഐ) വ്യക്തമാക്കി.
ഇമ്രാന് ഖാന്റെ സുഹൃത്തുക്കള്ക്ക് മാത്രമാകും ക്ഷണം. പൂര്ണമായും ദേശീയ ചടങ്ങായി നടത്താനാണ് തീരുമാനമെന്നും പി.ടി.ഐ വക്താവ് അറിയിച്ചു. അതേസമയം ക്രിക്കറ്റ് ലോകത്തെ തന്റെ സുഹൃത്തുക്കളായ നവജ്യോത് സിദ്ധു, സുനില് ഗവാസ്കര്, കപില് ദേവ് എന്നിവരെ ഇമ്രാന് ഖാന് ക്ഷണിച്ചുവെന്ന് വാര്ത്തകളുണ്ടായിരുന്നു. ഈ ക്ഷണം നിലനില്ക്കുന്നുണ്ടോയെന്ന് വ്യക്തമല്ല. തന്നെ ഇമ്രാന് ഖാന് ക്ഷണിച്ചതായി സിദ്ധു സ്ഥിരീകരിച്ചിരുന്നു. വ്യക്തിപരമായ ക്ഷണമാണെന്നും സിദ്ധു കൂട്ടിച്ചേര്ത്തു.
അതേസമയം വിദേശ രാഷ്ട്രത്തലവന്മാരെ ക്ഷണിച്ചില്ലെങ്കിലും തന്റെ വിദേശ സുഹൃത്തുക്കളെ ഇമ്രാന് ഖാന് ക്ഷണിച്ചേക്കുമെന്ന് പാക് മാധ്യമമായ ദ എക്സ്പ്രസ് ട്രിബ്യൂണ് റിപ്പോര്ട്ട് ചെയ്യുന്നു. പ്രധാനമന്ത്രി നരേന്ദ്ര മോഡി, ബോളിവുഡ് താരം ആമീര് ഖാന് എന്നിവരെയും തന്റെ സമകാലീനരായ ക്രിക്കറ്റ് താരങ്ങളെയും സത്യപ്രതിജ്ഞാ ചടങ്ങിലേക്ക് ക്ഷണിക്കാന് പി.ടി.ഐ ഔദ്യോഗികമായി തന്നെ തീരുമാനിച്ചിരുന്നു. എന്നാല് പിന്നീട് തീരുമാനം മാറ്റിയതിന്റെ കാരണം വ്യക്തമല്ലെന്ന് ഡോണ് ന്യൂസ് റിപ്പോര്ട്ട് ചെയ്യുന്നു
https://www.facebook.com/Malayalivartha