അമേരിക്കന്‍ പ്രസിഡന്റ് ഡോണാള്‍ഡ് ട്രംപ് അധികാരത്തിലെത്തി രണ്ട് വര്‍ഷം പിന്നിടുമ്പോള്‍ മൊത്തം 8150 കള്ളങ്ങള്‍ പറഞ്ഞെന്ന് റിപ്പോര്‍ട്ട്. ട്രംപിന്‍റെ അവകാശവാദത്തിന്റെ ആധികാരികത പരിശോധിക്കുകയും വസ്തുത വിലയിരുത്തുകയും ചെയ്ത 'ഫാക്‌ട് ചെക്' വെബ്സൈറ്റ് നല്‍കിയ വിവരങ്ങളുടെ അടിസ്ഥാനത്തിലാണ് ഒരു അന്താരാഷ്ട്ര മാധ്യമം ഈ വിവരം വെളിപ്പെടുത്തിയിരിക്കുന്നത്

കഴിഞ്ഞ വർഷം മാത്രം വസ്തുതവിരുദ്ധമായി ആറായിരത്തിലേറെ പ്രസ്താവനകളാണ് ട്രംപ് നടത്തിയിരിക്കുന്നത് . അധികാരത്തിലെത്തി ആദ്യത്തെ 100 ദിവസത്തിനുള്ളിൽ അടിസ്ഥാന രഹിതമായ 492 അവകാശവാദങ്ങൾ നടത്തിയെന്നാണ് റിപ്പോർട്ട് . 2018 ഒക്ടോബറിൽ മാത്രം, ഇടക്കാല തിരഞ്ഞെടുപ്പിന് മുന്നോടിയായി 1200 തെറ്റായ അവകാശവാദങ്ങളാണ് ട്രംപ് നടത്തിയത്.

കുടിയേറ്റം സംബന്ധിച്ചായിരുന്നു ട്രംപിന്‍റെ ഏറ്റവും കൂടുതൽ നുണകൾ– 1433. ട്രംപ് അധികാരത്തിലേറി രണ്ട് വര്‍ഷം പിന്നിട്ടതിന് തൊട്ടടുത്ത ദിവസമായിരുന്നു ഈ റിപ്പോര്‍ട്ട് പുറത്തുവന്നത്.