പോളിയോ വാക്സിന് കൊടുക്കാന് വന്ന ആരോഗ്യ വകുപ്പ് ഉദ്യോഗസ്ഥയെ പാകിസ്ഥാനില് വെടിവച്ച് കൊന്നു
തെക്ക് പടിഞ്ഞാറന് പാകിസ്ഥാനില് പോളിയോ വിതരണം ചെയ്യാനെത്തിയ ആരോഗ്യ വകുപ്പ് ഉദ്യോഗസ്ഥയെ വെടിവച്ച് കൊന്നു. മോട്ടോര്സൈക്കിളില് എത്തിയ രണ്ട് പേരാണ് വ്യാഴാഴ്ച ആക്രമണം നടത്തിയത്. 35-കാരിയായ നസ്രീന് ബീവി് കൊല്ലപ്പെട്ടു. മറ്റൊരു ഉദ്യോഗസ്ഥയായ റഷീദ അഫ്സല് എന്ന 24-കാരി ഗുരുതരാവസ്ഥയില് കഴിയുകയാണ്.
ആഫ്ഗാനുമായി അതിര്ത്തി പങ്കിടുന്ന സുല്ത്താന് സായ് എന്ന പാക് ഗ്രാമത്തിലാണ് ആക്രമണം നടത്തിയത്. വാക്സിന് നല്കാനെത്തിയ സംഘം ഗേറ്റിന്റെ അടുത്തെത്തിയപ്പോള് വെടിയുതിര്ക്കുകയായിരുന്നു. ആക്രമണത്തെത്തുടര്ന്ന് പ്രദേശത്ത് വാക്സിനേഷന് താത്കാലികമായി നിര്ത്തിവച്ചതായും അധികൃതര് അറിയിച്ചു.
കഴിഞ്ഞ ഒരാഴ്ചക്കിടെ, പോളിയോ പ്രതിരോധ കുത്തിവയ്പ് എടുക്കാന് ശ്രമിക്കുന്നതിനിടെ രാജ്യത്ത് നടക്കുന്ന മൂന്നാമത്തെ ആക്രമണമാണിത്. ആക്രമികളെ തിരിച്ചറിഞ്ഞിട്ടില്ല. സുരക്ഷാഉദ്യോഗസ്ഥര് ഇവര്ക്കായി തിരച്ചില് ആരംഭിച്ചിട്ടുണ്ട്.
പാകിസ്ഥാനില്, വാക്സിനേഷന് എടുക്കാനെത്തുന്ന ആരോഗ്യപ്രവര്ത്തകര്ക്ക് നേരെ തുടര്ച്ചയായി ആക്രമണങ്ങള് റിപ്പോര്ട്ട് ചെയ്യാറുണ്ട്. ഇതേതുടര്ന്ന് പൊലീസ് ഉദ്യോഗസ്ഥരും ആരോഗ്യ പ്രവര്ത്തകര്ക്കൊപ്പം നിശ്ചിത കേന്ദ്രങ്ങളിലെത്താറുണ്ട്. ഈ ആക്രമണമുണ്ടായ സമയത്തും രണ്ട് പൊലീസ് ഉദ്യോഗസ്ഥര് ഇവരോടൊപ്പം ഉണ്ടായിരുന്നെങ്കിലും ആക്രമണം തടയാന് സാധിച്ചില്ല.
https://www.facebook.com/Malayalivartha