ബംഗ്ലാദേശില്‍ രാഷ്ട്രീയ കലാപം പടരുന്നു. കലാപത്തില്‍ മരിച്ചവരുടെ എണ്ണം 30 ആയി. രാജ്യത്ത് നടക്കുന്ന പ്രക്ഷോഭങ്ങളില്‍ പ്രതിപക്ഷമാണെന്ന് ഭരണപക്ഷം ആരോപിച്ചു. പ്രധാനമന്ത്രി രാജിവെയക്കണമെന്ന് പ്രതിപക്ഷവും ആവശ്യപ്പെട്ടു. കഴിഞ്ഞ ദിവസം 7,000 പ്രതിപക്ഷ പ്രവര്‍ത്തകരെ ഭരണകൂടം അറസ്റ്റ് ചെയ്തിരുന്നു.
നിരവധി പേര്‍ക്ക് പരുക്കേറ്റു. നിരവധി വാഹനങ്ങള്‍ കത്തിച്ചു. രണ്ടാഴ്ചയായി പ്രതിപക്ഷം നടത്തി വരുന്ന പ്രക്ഷോഭ പരിപാടികളെ തുടര്‍ന്നാണ് അറസ്റ്റ്. ഇതില്‍ പ്രതിഷേധിച്ചാണ് കലാപമുണ്ടായത്.
പ്രതിപക്ഷ നേതാവ് ഖാലിദ സിയയെ അറസ്റ്റ് ചെയ്തതുമായി ബന്ധപ്പെട്ട് രാജ്യത്ത് അക്രമങ്ങള്‍ക്ക് നേതൃത്വം നല്‍കിയവരെയാണ് അറസ്റ്റ് ചെയ്തതെന്നാണ് ഭരണക്കൂടത്തിന്റെ വാദം. പ്രധാനമന്ത്രി ഷെയ്ഖ് ഹസീനക്കെതിരെ ജനകീയ പ്രക്ഷോഭം ശക്തമാക്കുമെന്ന് ഭീഷണിപ്പെടുത്തിയതിനെ തുടര്‍ന്നാണ് ഖാലിദ സിയയെ പോലിസ് തടങ്കലില്‍ വെച്ചത്. ഇതേത്തുടര്‍ന്ന് രാജ്യത്ത് രാഷ്ട്രീയ കലാപം പൊട്ടിപ്പുറപ്പെടുകയായിരുന്നു. എന്നാല്‍, തന്റെ സര്‍ക്കാര്‍ 2019 വരെ തുടരുമെന്ന് ഹസീന വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha