തെരഞ്ഞെടുപ്പ് വാഗ്ദാനം പാലിക്കാത്തതിന് ജനപ്രതിനിധികളെ ജനക്കൂട്ടം പെണ്‍വേഷം ധരിപ്പിച്ചു!
ജനങ്ങള്‍ക്ക് പൊള്ളയായ വാഗ്ദാനങ്ങള്‍ നല്‍കിയ ജനപ്രതിനിധികള്‍ക്ക് ജനങ്ങള്‍ തന്നെ ആശ്ചര്യകരമായ ശിക്ഷ നല്‍കി.
മെക്‌സിക്കോയിലെ ചെറുനഗരമായ ഹുയിക്‌സ്ടാനിലാണ് സംഭവം. തങ്ങള്‍ക്ക് നല്‍കിയ വാഗ്ദാനം പാലിക്കാതിരുന്ന മുന്‍സിപ്പല്‍ മേയര്‍ ജാവിര്‍ സെബാസ്റ്റ്യന്‍ ജിമെനെസ് സാന്റിസിനെയും ട്രസ്റ്റി, ലൂയിസ് ടോണിനെയും പെണ്‍ വേഷം ധരിപ്പിച്ച് നഗരത്തിലൂടെ നടത്തുകയാണ് ജനക്കൂട്ടം ചെയ്തത്.
ഇവിടെയുള്ള ജനങ്ങള്‍ കാലങ്ങളായി രൂക്ഷമായ ജലക്ഷാമം നേരിടുകയാണ്. ഈ പ്രശ്‌നത്തിന് ഉറപ്പായും പരിഹാരമുണ്ടാക്കുമെന്ന് മത്സരാര്‍ത്ഥികളായ ഇവര്‍ തെരഞ്ഞെടുപ്പ് സമയത്ത് വാഗ്ദാനം നല്‍കിയിരുന്നു. എന്നാല്‍ അധികാരത്തിലേറി നാളുകള്‍ കഴിഞ്ഞിട്ടും ജലക്ഷാമത്തിന് പരിഹാരമുണ്ടാക്കാത്തതില്‍ പ്രകോപിതരായ ജനക്കൂട്ടം ഇരുവരെയും പെണ്‍വേഷം ധരിപ്പിച്ച് നഗരത്തിലൂടെ നടത്തുകയും ഈ പ്രൊജക്ട് നടത്താനുള്ള പണം യാത്രക്കാരില്‍ നിന്നും ഭിക്ഷയായി മേടിപ്പിക്കുകയുമായിരുന്നു.
പെണ്‍വേഷം ധരിപ്പിച്ച് തുടര്‍ച്ചയായി നാല് ദിവസങ്ങളാണ് ജനക്കൂട്ടം പൊതുനിരത്തിലൂടെ ഇവരെ നടത്തിച്ചത്. പ്രൊജക്ടിനാവശ്യമായ പണം മേയറും ട്രസ്റ്റിയും കൈപ്പറ്റിയിട്ടുണ്ടോയെന്നുള്ള അന്വേഷണത്തിലാണ് ജനങ്ങള്‍ ഇപ്പോള്‍. സംഭവം ഏറെ മാധ്യമശ്രദ്ധ നേടിയിരുന്നു.
തെരഞ്ഞടുപ്പ് വേളകളില്‍ രാഷ്ട്രീയ പാര്‍ട്ടികള്‍ ജനങ്ങള്‍ക്ക് വലിയ വാഗ്ദാനങ്ങള്‍ നല്‍കാറുണ്ട്. എന്നാല്‍ വോട്ട് ചോദിക്കുന്ന സമയം കാണിക്കുന്ന ഈ ആവേശം ജനങ്ങളുടെ ആവശ്യം നടത്തി നല്‍കുവാന്‍ അവര്‍ കാണിക്കാറില്ലെന്നുള്ളതാണ് സത്യാവസ്ഥ. പൊള്ളയായ വാഗ്ദാനങ്ങള്‍ ജനങ്ങള്‍ക്ക് നല്‍കുന്നവര്‍ക്കുള്ള ശിക്ഷ ജനക്കൂട്ടം തന്നെ നല്‍കണമെന്നാണ് അഭിപ്രായമുയരുന്നത്.
https://www.facebook.com/Malayalivartha
