അമേരിക്കയിലെ നോര്‍ത്ത് കരോളിനയിലെ കാര്‍ട്ടെറെറ്റ് കൗണ്ടിയില്‍ നിന്നും ചൊവ്വാഴ്ച പുലര്‍ച്ചെ നാലു മണിയോടടുത്ത് അടിയന്തരഘട്ടങ്ങളില്‍ വിളിക്കുന്ന 9-1-1 നമ്പറിലേയ്ക്ക് വന്ന ഒരു കോള്‍, അത് അറ്റന്‍ഡ് ചെയ്ത ഓപ്പറേറ്ററെ പോലും ഞെട്ടിച്ചു.

വിക്ടോറിയ തോമസ് ഫ്രാബുട്ട് എന്ന സ്ത്രീയാണ് വിളിച്ചത്. ചെടി മുറിക്കാനുപയോഗിക്കുന്ന കട്ടര്‍ ഉപയോഗിച്ച് ഭര്‍ത്താവിന്റെ ജനനേന്ദ്രിയം താന്‍ ഛേദിച്ചുവെന്നും പാപിയെന്ന് എഴുതാനായിരുന്നു ഉദ്ദേശമെന്നും പക്ഷേ അതിനാവശ്യമായ രക്തം വന്നില്ലെന്നും ഇവര്‍ പറഞ്ഞതായാണ് റിപ്പോര്‍ട്ട്.

തുടര്‍ന്ന് സ്ഥലത്തെത്തിയ സുരക്ഷാ ഉദ്യോഗസ്ഥര്‍ 61-കാരനായ ഭര്‍ത്താവ് ജെയിംസിനെ കണ്ടെത്തുമ്പോള്‍ അദ്ദേഹം കൈകാലുകള്‍ ബന്ധിച്ച നിലയിലായിരുന്നു.ഭാര്യയാണ് തന്നെ കെട്ടിയിട്ടതെന്നും അവര്‍ കത്തി ഉപയോഗിച്ച് തന്റെ ജനനേന്ദ്രിയം മുറിച്ചുകളഞ്ഞുവെന്നും അയാള്‍ അവരെ അറിയിച്ചു.

സുരക്ഷാ ഉദ്യോഗസ്ഥര്‍ നടത്തിയ തെരച്ചിലില്‍ മുറിച്ചുമാറ്റിയ ജനനേന്ദ്രിയം കണ്ടെത്തി. ഉടന്‍ തന്നെ ജെയിംസിനെയും ഐസ് ബാഗിലേക്ക് മാറ്റിയ ജനനേന്ദ്രിയവും ആശുപത്രിയിലെത്തിച്ചു. എന്തിനായിരുന്നു 56-കാരിയായ വിക്ടോറിയ ഊ കൃത്യം നടത്തിയതെന്ന് വ്യക്തമല്ല.

കോടതിയിലെത്തിച്ചപ്പോള്‍ തലതാഴ്ത്തി ഇരുന്ന വിക്ടോറിയ കരയുകയായിരുന്നു. ജെയിംസ് ഇപ്പോള്‍ ആശുപത്രിയില്‍ ചികിത്സയിലാണ്.