ഒമാനിൽ ഇന്ത്യക്കാർക്കായി നടത്തിവരുന്ന ഓപ്പൺ ഹൗസ് നാളെ നടത്തും; അരിപ്പ പുറത്തിറക്കി എംബസി
ഒമാനിൽ ഇന്ത്യക്കാർക്കായി നടത്തിവരുന്ന ഓപ്പൺ ഹൗസ് നാളെ ഉണ്ടാകും. ഒമാനിൽ താമസിച്ചു വരുന്ന ഇന്ത്യക്കാർക്ക് തങ്ങളുടെ സ്ഥാനപതിയെ നേരിൽ കണ്ട് പരാതികൾ അറിയിക്കുവാനും അതിനുള്ള പരിഹാരമാർഗങ്ങൾ കണ്ടെത്തുവാനുമായി എല്ലാ മാസവും മൂന്നാമത്തെ വെള്ളിയാഴ്ചയാണ് ഓപ്പൺ ഹൌസ് നടത്തിവരുന്നത്. ഓപ്പൺ ഹൗസ് നാളെ ഉണ്ടാകുമെന്ന് എംബസി വൃത്തങ്ങൾ അറിയിക്കുകയായിരുന്നു.
വെള്ളിയാഴ്ച ഉച്ചക്ക് 2 :30ന് മസ്കറ്റ് ഇന്ത്യൻ എംബസ്സിയിൽ ആരംഭിക്കുന്ന ഓപ്പൺ ഹൗസിൽ പ്രവാസികളുടെ ക്ഷേമവുമായി ബന്ധപ്പെട്ട ഏത് കാര്യങ്ങളും ഉന്നയിക്കുവാൻ സാധിക്കും. സ്ഥാനപതിയോടൊപ്പം കാര്യാലയത്തിലെ എല്ലാ ഉയർന്ന ഉദ്യോഗസ്ഥരും പങ്കെടുക്കുന്ന ഓപ്പൺ ഹൗസ്സ് വൈകുന്നേരം 4 :30യോടെ അവസാനിക്കുമെന്ന് മസ്കറ്റ് ഇന്ത്യൻ എംബസ്സി പുറത്തിറക്കിയ വാർത്ത കുറിപ്പിൽ വ്യക്തമാക്കുന്നു.
https://www.facebook.com/Malayalivartha