കൊവിഡ് 19 ബാധിച്ച് വ്യാഴാഴ്‍ച 118 പേര്‍ കൂടി മരിച്ചതോടെ മരണസംഖ്യ 2236 ആയി ഉയർന്നെങ്കിലും ഇപ്പോൾ രോഗികളുടെ എണ്ണത്തിൽ കുറവ് വന്നതായി ചൈനയിൽ നിന്നുള്ള റിപ്പോർട്ടുകൾ പറയുന്നു ... ചൈനയിലെ നാഷണല്‍ ഹെല്‍ത്ത് കമ്മീഷന്‍ ആണ് പുതിയ കണക്കുകള്‍ പുറത്തുവിട്ടത്

അതേസമയം ഇന്നലെ 889 പേര്‍ക്ക് പുതുതായി വൈറസ് ബാധ സ്ഥിരീകരിസിച്ചിരുന്നു . ബുധനാഴ്‍ച 349 പുതിയ കേസുകളായിരുന്നു റിപ്പോര്‍ട്ട് ചെയ്‍‍തത്. കഴിഞ്ഞ മൂന്ന് ദിവസമായി രോഗികളുടെ കുറഞ്ഞുകൊണ്ടിരുന്ന രോഗികളുടെ എണ്ണത്തില്‍ വ്യാഴാഴ്‍ച വര്‍ധനയാണുണ്ടായത്. ആകെ രോഗികളുടെ എണ്ണം 75 464 ആയി ഉയര്‍ന്നു.

പുതുതായി വൈറസ് ബാധ സ്ഥിരീകരിച്ചതില്‍ 411 പേരും വൈറിസിന്‍റെ പ്രഭവ കേന്ദ്രമായ ഹുബെയ് പ്രവിശ്യയിലാണ്. മരണത്തില്‍ 90 ശതമാനവും ഹുബെയ് പ്രവിശ്യയില്‍ നിന്ന് തന്നെയാണ് റിപ്പോര്‍ട്ട് ചെയ്‍തത്
രോഗികളുടെ എണ്ണം കുറയുന്നത് പ്രതീക്ഷയ്ക്ക് വക നല്‍കുന്നതാണെന്നാണ് കഴിഞ്ഞ ദിവസം ലോകാരോഗ്യ സംഘടന ഡയറക്ടര്‍ ജനറല്‍ ടെഡ്രോസ് അധനോം ഗബ്രെയെസസ് പറഞ്ഞത്.