നാടിനെ ബാധിച്ച കൊറോണ എന്ന വിപത്തിനെ പിഴുതെറിയാൻ സ്വന്തം വിവാഹം മാറ്റിവെച്ച് സേവനത്തില് മുഴുകിയ യുവ ഡോക്ടർ ; ഒടുവിൽ അതേ വൈറസ് ഡോക്ടറുടെ ജീവനെടുത്തു
നാടിനെ ബാധിച്ച കൊറോണ എന്ന വിപത്തിനെ പിഴുതെറിയാൻ സ്വന്തം വിവാഹം മാറ്റിവെച്ച് സേവനത്തില് മുഴുകിയ യുവ ഡോക്ടർ ; ഒടുവിൽ അതേ വൈറസ് ഡോക്ടറുടെ ജീവനെടുത്തു ...
കൊറോണ വൈറസ് ബാധിച്ചവരെ ചികിത്സിക്കുന്നതിനായി സ്വന്തം വിവാഹം പോലും നീട്ടിവച്ച യുവഡോക്ടർ ആയിരുന്നു ഡോ. പെങ് യിൻഹുവ...കൊറോണ പടരുന്നതിന്റെ തോത് കുറഞ്ഞു എന്ന ആശ്വാസവാർത്തക്ക് പിന്നാലെ ചൈനയിൽ നിന്ന് വരുന്ന ദുഃഖവാർത്ത ഡോ. പെങ് യിൻഹുവ കൊറോണ ബാധിച്ചു മരിച്ചു എന്നുള്ളതാണ്
കൊറോണ വൈറസിന്റെ പ്രഭവ കേന്ദ്രമായ വുഹാനിലെ ജിയാൻഷിയ ജില്ലയിലെ പീപ്പിൾസ് നമ്പർ വൺ ആശുപത്രിയിൽ ആണ് ഡോ. പെങ് യിൻഹുവ ജോലി ചെയ്തിരുന്നത്
ആരോഗ്യനില മോശമായതിനെ തുർന്ന് ബുധനാഴ്ച പെങ്ങിനെ വുഹാനിലെ ജിൻ യിന്റാൻ ആശുപത്രിയിൽ പ്രവേശിപ്പിച്ചിരുന്നു. തുടർന്ന് വ്യാഴാഴ്ച രാത്രിയോടെ മരണം സ്ഥിരീകരിക്കുകയായിരുന്നു. ചൈനീസ് പുതുവത്സരദിനത്തിലായിരുന്നു പെങ്ങിന്റെ വിവാഹം നിശ്ചയിച്ചിരുന്നത്. എന്നാൽ, കൊറോണ ബാധിച്ച് ചികിത്സയിൽ കഴിയുന്നവരെ ശ്രുശൂഷിക്കുന്നതിനിടെ വിവാഹം കഴിക്കാൻ സാധിക്കില്ലെന്നും വിവാഹം നീട്ടിവയ്ക്കണമെന്നും പെങ് വധുവിന്റെ വീട്ടുകാരോട് ആവശ്യപ്പെട്ടതുപ്രകാരം വിവാഹം നീട്ടിവയ്ക്കുകയായിരുന്നു.
വിവാഹക്ഷണക്കത്തുകൾ പെങ്ങിന്റെ ഓഫീസിലെ മേശപ്പുറത്ത് തന്നെ ഇരിക്കുകയാണ്. അതൊന്ന് അയക്കാൻ പോലും അദ്ദേഹം തന്റെ ഡ്യൂട്ടിക്കിടെ മെനക്കെട്ടിരുന്നില്ലെന്നും തന്റെ കടമകളെക്കുറിച്ച് വ്യക്തമായ ബോധ്യമുള്ള ഉത്തമനായ ഡോക്ടറാണ് പെങ് എന്നും ചൈനീസ് മാധ്യമങ്ങൾ റിപ്പോർട്ട് ചെയ്യുന്നു.
ചൈനയിൽ കൊറോണയ്ക്കെതിരായുള്ള പോരാട്ടത്തിനിടെ ജീവൻ നഷ്ടമാകുന്ന ഒമ്പതാമത്തെ ആരോഗ്യപ്രവർത്തകനാണ് ഡോ. പെങ്. കൊറോണ വൈറസിനെ കുറിച്ച് ആദ്യമായി വിവരം നൽകിയ മുപ്പത്തിനാലുകാരനായ ലീ വെന്ലിയാങ്ങ് ഫെബ്രുവരി ഏഴിന് മരണപ്പെട്ടിരുന്നു. വുഹാന് സെന്ട്രല് ആശുപത്രിയിലെ നേത്രരോഗ വിദഗ്ധനായിരുന്നു അദ്ദേഹം. ഇതിന് പിന്നാലെ വുഹാനിലെ വുചാങ് ആശുപത്രി ഡയറക്ടറും ന്യൂറോ സർജറി വിദഗ്ധനുമായ ലിയു ഷിമിംഗും കൊറോണ വൈറസ് ബാധിച്ച് ഫെബ്രുവരി 18ന് മരിച്ചിരുന്നു.
https://www.facebook.com/Malayalivartha