നൈജറില്‍ 120 ഭീകരരെ വധിച്ചതായി പ്രതിരോധ മന്ത്രാലയം. നൈജീരിന്‍ സൈനികരും ഫ്രഞ്ച് സൈനികരും സംയുക്തമായി തെക്ക് പടിഞ്ഞാറന്‍ നൈജറില്‍ നടത്തിയ ഓപ്പറേഷനിലാണ് ഭീകരരെ വധിച്ചത്. ഭീകരരില്‍നിന്ന് ബോംബ് നിര്‍മാണ ഉപകരണങ്ങളും ആയുധങ്ങളും വാഹനങ്ങളും പിടിച്ചെടുത്തതായി പ്രതിരോധ മന്ത്രാലയം അറിയിച്ചു.
ഫെബ്രുവരി 20 വരെ മാലിയുടെയും ബുര്‍ക്കിന ഫാസോയുടെയും അതിര്‍ത്തിക്കടുത്തുള്ള തില്ലബെരി മേഖലയില്‍ നടത്തിയ ഓപ്പറേഷനില്‍ തീവ്രാദികളെ വധിച്ചതെന്നും പ്രസ്താവനയില്‍ പറയുന്നു. സൈനികര്‍ക്ക് ജീവഹാനി സംഭവിച്ചിട്ടില്ലെന്നും പ്രതിരോധമന്ത്രാലയം അറിയിച്ചു.