മാധ്യമപ്രവര്‍ത്തകര്‍ വാര്‍ത്ത വായിക്കാന്‍ ചാനലിന്റെ മുന്നിലിരുന്നാല്‍പ്പിന്നെ എല്ലാമങ്ങ് മറക്കാറുണ്ട് എന്നു പറയാറുണ്ട്. ഇവിടെ പ്രസിഡന്റെിനെതിരെ വാര്‍ത്ത കൊടുത്ത് നാടുവിടേണ്ട അവസ്ഥ വന്ന അവതാരികയുടെ വാര്‍ത്തയാണ്. റഷ്യന്‍ പ്രസിഡന്റ് വല്‍ഡിമിര്‍ പുടിന്റെ വിമര്‍ശകയായ മാദ്ധ്യമപ്രവര്‍ത്തകയും ഗ്ലാമര്‍ മാഗസിന്‍ എഡിറ്ററുമായ സെനിയ സോബ്ചക്ക് നാടുവിട്ടതായി റിപ്പോര്‍ട്ടുകള്‍.
കൊല്ലപ്പെട്ട പ്രതിപക്ഷ നേതാവ് ബോറിസ് നെമത്‌സോവിനോട് അനുഭാവം പുലര്‍ത്തിയിരുന്ന സെനിയ അടുത്തിടെ അദ്ദേഹത്തോട് അനുഭാവം പ്രകടിപ്പിച്ചുള്ള റാലിയിലും പങ്കെടുത്തിരുന്നു. ഇതോടെയാണ് അവരുടെ ജീവന്‍ അപകടത്തിലായത്.
സുരക്ഷയെ മുന്‍നിര്‍ത്തി റഷ്യയില്‍നിന്നു പോകുന്നതാണു നല്ലതെന്ന് സെനിയയോടു റഷ്യന്‍ രഹസ്യാന്വേഷണവിഭാഗം പറഞ്ഞുവെന്നാണു പുറത്തുവരുന്ന വാര്‍ത്തകള്‍ സൂചിപ്പിക്കുന്നത്. വല്‍ദിമിര്‍ പുടിനെ കുട്ടിക്കാലം മുതലേ അറിയാമായിരുന്നുവെങ്കിലും അതുകൊണ്ടൊന്നും ഗുണമുണ്ടാകില്ല എന്ന തോന്നലില്‍ സെനിയ അടുത്തിടെ അംഗരക്ഷകരെ വാടകയ്ക്ക് എടുത്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha