യൂറോപ്പിലെ ഒട്ടു മിക്ക രാജ്യങ്ങളെയും കോവിഡ് 19 കാര്‍ന്നു തിന്നുമ്പോള്‍ ബ്രിട്ടീഷ് പ്രധാനമന്ത്രിയുടെ നില അതീവ ഗുരുതരം എന്ന വാര്‍ത്തയാണ് ഏറ്റവും ഒടുവില്‍ പുറത്ത് വരുന്നത് .ഈ വാര്‍ത്ത വന്നതോടെ യൂറോപ്യന്‍ രാജ്യങ്ങളില്‍ ഇപ്പോഴും മോചനമില്ലാതെ തുടരുന്ന ഈ ഭീകരമഹാമാരിയുടെ ഏറ്റവും ശക്തനായ ഇരയായി 55 വയസ്സുകാരനായ ജോണ്‍സന്‍ മാറിയിരിക്കുകയാണ് .നിലവില്‍ ജീവന്‍ രക്ഷിക്കാനുള്ള തീവ്രശ്രമത്തിലാണ് വിദഗ്ദ്ധ മെഡിക്കല്‍ സംഘം .കഴിഞ്ഞ മാസം 27 നാണു കോവിഡ് സ്ഥിരീകരിച്ചത്.  

പിന്നീട് ഇദ്ദേഹത്തെ ആശുപത്രിയിലേക്ക് മാറ്റിയിരുന്നു .തുടര്‍ന്ന് അദ്ദേഹത്തിന്റെ ആരോഗ്യ നില മെച്ചപ്പെട്ടു വരുന്നതായാണ് പിന്നീട് അദ്ദേഹത്തിന്റെ ഓഫീസ് അറിയിച്ചത് .എന്നാല്‍ ഇന്നലെ രാത്രി എട്ടരയോടെയാണ് അദ്ദേഹത്തിന്റെ ആരോഗ്യ നിലയില്‍ വന്‍മാറ്റമുണ്ടാകുകയും ഐ സി യുവിലേക്ക് മാറ്റേണ്ടിയും വന്നത് .നിലവില്‍ കണ്‍സര്‍വേറ്റിവ് പാര്‍ട്ടിയുടെ ഏറ്റവും ശക്തനായ നേതാവ് കൂടിയാണ് ജോണ്‍സന്‍ .2008 മുതല്‍ 2016 വരെ ലണ്ടന്‍ നഗരത്തിന്റെ മേയറായിരുന്നു ആദ്ദേഹം .2016 മുതല്‍ 2018 വരെ അദ്ദേഹം വിദേശ കാര്യ സെക്രട്ടറി ആയിരുന്നു .2019 ജൂലൈ 24 മുതലാണ് ജോണ്‍സന്‍ ബ്രിട്ടന്റെ പ്രധാനമന്ത്രിയായി അധികാരമേറ്റത് .യൂറോപ്യന്‍ യൂണിയനില്‍ നിന്നും ബ്രിട്ടന്‍ പുറത്തു പോകുന്നതിന്റെ നയങ്ങള്‍ പരിഷ്‌കരിക്കുന്നതിലും ഇദ്ദേഹത്തിന്റെ സാന്നിദ്ധ്യം വളരെ വലുതായിരുന്നു .1987 ശേഷം കണ്‍സര്‍വേറ്റിവ് പാര്‍ട്ടിയെ ഏറ്റവും വലിയ ഭൂരിപക്ഷത്തില്‍ എത്തിച്ച നേതാവ് കൂടിയാണ് അലക്‌സന്‍ഡര്‍ ബോറിസ് ജോണ്‍സന്‍ .സെന്‍ട്രല്‍ ലണ്ടനിലെ സെന്റ് തോമസ് എന്‍.എച്ച്.എസ് ആശുപത്രിയിലാണ് അദ്ദേഹം. പ്രധാനമന്ത്രിയുടെ ചുമതലകള്‍ താല്‍കാലികമായി വിദേശകാര്യ സെക്രട്ടറി ഡൊമിനിക് റാബ് നിര്‍വഹിക്കും.

ഞായറാഴ്ച രാത്രിയാണ് ബോറിസിനെ ആരോഗ്യനില മെച്ചപ്പെടാതെ വന്നതോടെ ആശുപത്രിയിലേക്ക് മാറ്റിയത്. ആരോഗ്യനില മെച്ചപ്പെടുന്നതായി കാണിച്ച് അദ്ദേഹം ഇന്നലെ ഉച്ചയ്ക്ക് ട്വീറ്റ് ചെയ്തിരുന്നു. ഇതിനു ശേഷം രാത്രിയോടെയാണ് ആരോഗ്യനില മോശമായതും ഐസിയുവിലേക്ക് മാറ്റിയതും. മാര്‍ച്ച് 24നാണ് ബോറിസിന് കോവിഡ് രോഗം സ്ഥിരീകരിച്ചത്.ബ്രിട്ടന്‍ ജനതയ്ക്കു വേണ്ടി ഈ മഹാമാരിയ്ക്കെതിരെയുള്ള പോരാട്ടം തുടരും എന്ന് പറഞ്ഞു കൊണ്ട് ജനങ്ങളില്‍ ആത്മവിശ്വാസം വര്‍ധിപ്പിക്കുകയാണ് അദ്ദേഹം ചെയ്തത് .

ഒരാഴ്ചക്കാലം ഔദ്യോഗിക വസതിയായ ഡൗണിങ് സ്ട്രീറ്റിലെ പത്താംനമ്പര്‍ ഫ്‌ലാറ്റില്‍ ഐസൊലേഷനിലായിരുന്നു. ഐസൊലേഷന്‍ കാലാവധി പൂര്‍ത്തിയായിട്ടും പനിയും മറ്റു രോഗലക്ഷണങ്ങളും വിട്ടുമാറിയില്ല. ആറുമാസം ഗര്‍ഭിണിയായ അദ്ദേഹത്തിന്റെ പങ്കാളി കാരി സിമണ്ട്‌സിനെ നേരത്തെതന്നെ മറ്റൊരു സ്ഥലത്തേക്ക് മാറ്റി പാര്‍പ്പിച്ചിരുന്നു. ബ്രിട്ടന്റെ ഏറ്റവും കരുത്തനായ പ്രധാനമന്ത്രിയുടെ ജീവന്‍ തിരിച്ചുപിടിക്കാനുള്ള തീവ്ര യജ്ഞത്തിലാണ് മെഡിക്കല്‍ സംഘം.