വിശപ്പ് കുത്തിവലിക്കുന്നു ലോക്ക് ഡൗണിലും വിശപ്പടക്കാന് വയ്യാതെ ലൈഗീക തൊഴിലാളികള് തെരുവിലേക്കിറങ്ങി; ആശങ്കയിലായി തായ്ലാന്ഡ് അധികൃതര്; രോഗം വ്യാപിക്കാന് ഇതുമതി എന്ന് ഭരണകൂടം; വേറെ വഴിയില്ലെന്ന് ലൈംഗീക തൊഴിലാളികള്
തായ്ലാന്ഡിനെ സംബന്ധിച്ച് അവിടെ ഏറ്റവും സുന്ദരമായത് രാത്രികാല ജീവിതമാണ്. എന്നാല് കോവിഡ് ലോക്ഡൗണിനെതുടര്ന്ന് അതിര്ത്തികള് അടച്ചതോടെ തായ്ലന്ഡില് രാത്രി ജീവിതം പൂര്ണമായും ഇല്ലാതെയായി. ബാറുകളും നിശാ നൃത്തശാലകളും അടച്ചു. മസാജ് പാര്ലറുകളും ബ്യൂട്ടി പാര്ലറുകളും അധികൃതര് അടപ്പിച്ചു. ഇതോടെ അവിടുത്തെ തെരുവുകളെല്ലാം വിജനമായി. ഈ രാജ്യത്ത് ചരിത്രത്തിലാദ്യമായാണ് ഇത്തരത്തില് വിനോദ സഞ്ചാരം പൂര്ണതോതില് നിലച്ചിരിക്കുന്നത് ഇതോടെ അതിനെ ആശ്രയിച്ചു ജീവിച്ചിരുന്ന നൂറുകണക്കിനു ലൈംഗിക തൊഴിലാളികളും പ്രതിസന്ധിയിലായിരിക്കുകയാണ്. കോവിഡ് എന്താണ് എന്നും. ഇത് മനുഷ്യരെ കൊല്ലും എന്നും ഇവര്ക്ക് അറിയാം. പക്ഷേ താമസ സ്ഥലത്ത് മാസം തോറും എങ്ങനെ വാടക കൊടുക്കുമെന്ന താണ് ഇവരുടെ ആശങ്ക. തായ്ലന്ഡില് ബാങ്കോക് മുതല് പട്ടായ വരെയുള്ള .സ്ഥലത്ത് വ്യാപിച്ചു കിടക്കുന്ന ചുവന്ന തെരുവുകളില് ഇപ്പോള് ശ്മശാന മൂകതയാണ്. ജോലി നഷ്ടപ്പെട്ടത് മൂന്നു ലക്ഷത്തോളം വരുന്ന ലൈംഗിക തൊഴിലാളികള് തെരുവിലിറങ്ങേണ്ട അവസ്ഥയിലാണ്. പലരും ഇറങ്ങിയും കഴിഞ്ഞു ഇത് അധികൃതരെ ഭയപ്പെടുത്തുന്നു. രോഗ വ്യാപനത്തിലുള്ള ഒരു വലിയ സാധ്യയാണ് ഇത്. വാടക കൊടുക്കാനും ഭക്ഷണത്തിനും പണം ഇല്ലാതായതോടെയാണ് ഇവര്ക്ക് തെരുവുകളിലേക്ക് ഇറങ്ങേണ്ടിവന്നത്. തായ്ലാന്ഡിലെ പ്രാദേശിക മാധ്യമങ്ങളില് ഇത് വലിയ വിഷയമായി മാറിയിട്ടുണ്ട്
എനിക്കു രോഗത്തെ പേടിയാണ്. പക്ഷേ, ഭക്ഷണത്തിനു പണം കണ്ടെത്തണം. വാടകയും കൊടുക്കണം. അതിനാല് ഞാന് ഉപഭോക്താക്കളെ തേടി ഇറങ്ങിയിരിക്കുകയാണ്- എന്നാണ് ഇവിടുത്തെ ഒരു ലൈംഗികത്തൊഴിലാളി പിം പ്രതികരിച്ചത്. ബാങ്കോക്കിലെ തെരുവിനു സമീപമായുന്നു പിം ജോലി ചെയ്യുന്ന നൃത്തശാല. വെള്ളിയാഴ്ചയാണ് തായ്ലന്ഡില് രാത്രി കര്ഫ്യൂ പ്രഖ്യാപിച്ചത്. രാത്രി 10 മുതല് രാവിലെ 4 വരെ. ലൈംഗിക തൊഴിലാളികള് പലരും ബാറുകളിലാണ് ജോലി ചെയ്യുന്നത്. അവിടം സന്ദര്ശിക്കുന്നവരില് നിന്നു കിട്ടുന്ന ടിപ്പുകള്ക്കു പുറമെ പലരും വിനോദ സഞ്ചാരികളുടെ താമസ സ്ഥലത്തും ചെല്ലാറുണ്ട്. ഇവയെല്ലാം ഇപ്പോള് മുടങ്ങിയിരിക്കുന്നു.
അതേസമയം രാജ്യം 15 മിനിറ്റ് കൊണ്ട് ഫലം ലഭിക്കുന്ന കോവിഡ് റാപ്പിഡ് ടെസ്റ്റ് നടപ്പാക്കിക്കഴിഞ്ഞു. രോഗം എത്രയും വേഗം കണ്ടുപിടിച്ച് വ്യാപനം തടയുകയാണ് ലക്ഷ്യം. 20 പേര് ഇതിനോടകം മരിച്ചു. 2000- ല് അധികം പേര്ക്ക് രോഗം സ്ഥിരീകരിച്ചു. കഴിഞ്ഞ പത്തു ദിവസമായി പിമ്മിന് ഒരു കസ്റ്റമറിനെപ്പോലും ലഭിച്ചിട്ടില്ല. വാടകയുടെയും ഭക്ഷണത്തിന്റെയും ബില് ആകട്ടെ ഉയരുകയും. പിമ്മിന്റെ സുഹൃത്തും മറ്റൊരു ട്രാന്സ്ജെന്ഡറുമായ ആലിസും ഇപ്പോള് തെരുവില് കസ്റ്റമേഴ്സിനെതേടി എത്തിയിരിക്കുകയാണ്. നേരത്തെ 300 മുതല് 600 ഡോളര് വരെ ആഴ്ചയില് ആലിസ് സമ്പാദിക്കുമായിരുന്നു. വാടക കൊടുത്തില്ലെങ്കില് ഹോട്ടലുകാര് ഇറക്കിവിടുമെന്നതാണ് അവസ്ഥയെന്നും ആലീസ് പറയുന്നു.തെരുവില് ഇടയ്ക്കിടെ കാണുന്ന വിനോദ സഞ്ചാരികളാണ് ഇവരുടെ നോട്ടം.
അവരെ എങ്ങനെയെങ്കിലും പ്രലോഭിപ്പിച്ച് ഹോട്ടലിലേക്ക് കൊണ്ടുപോകാനാണ് നോക്കുന്നത്. എന്നാല് ഇതു രോഗ വ്യാപനത്തിന്റെ സാധ്യത കൂട്ടുമെന്നത് ഇവര് തല്ക്കാലം മറക്കുന്നു. അംഗീകൃത തൊഴിലാളികള്ക്ക് സര്ക്കാര് അടുത്ത 3 മാസത്തേക്ക് ധനസഹായം പ്രഖ്യാപിച്ചിട്ടുണ്ട്. എന്നാല് ലൈംഗിക തൊഴില് അംഗീകൃതമല്ലാത്തതിനാല് ഇവര്ക്ക് ധനസഹായം ലഭിക്കില്ല. തങ്ങള്ക്കും സാമ്പത്തിക സഹായം ലഭ്യമാക്കണമെന്ന് ആവശ്യപ്പെട്ട് ഇവര് സര്ക്കാരിനു നിവേദനം നല്കി കാത്തിരിക്കുകയാണ്. രോഗം വന്നേക്കാം. എന്നാല് അതിനു മുന്പു തന്നെ പട്ടിണി കൊണ്ട് ഞങ്ങള് മരിച്ചേക്കാം- ആലിസും പിമ്മും ഒരേ സ്വരത്തില് പറയുന്നു.
https://www.facebook.com/Malayalivartha
