ചൈനയുടെയും പാകിസ്താന്റെയും ഉറ്റതോഴനായിട്ടും അപകടസമയത്ത് കൈനീട്ടിയ മലേഷ്യക്ക് വാരിക്കോരി നല്കി ഇന്ത്യ; മലേഷ്യയുടെ നന്പറുകളില് വീണിട്ടല്ല മരുന്ന് കയറ്റി അയക്കുന്നത് മനുഷ്യത്ത്വം ഒന്നുകൊണ്ടു മാത്രം
ഇന്ത്യയും മലേഷ്യയും തമ്മിലുള്ള ബന്ധം ഇത്രയും നാള് അത്ര ഊഷ്മളമായിരുന്നില്ല എന്നുള്ളത് വസ്തുതയാണ്. കശ്മീര് വിഷയത്തിലും പൗരത്വ ഭേദഗതി നിയമത്തിലും മലേഷ്യ സ്വീകരിച്ച നിലപാടുകള് ഇന്ത്യയെ ചൊടിപ്പിച്ചിരുന്നു. പാമോയില് ഇറക്കുമതിയെച്ചൊല്ലിയുള്ള അസ്വാരസ്യത്തിന് അയവുവരുത്താനുള്ള ശ്രമത്തിന്റെ ഭാഗമായി ഇന്ത്യയില് നിന്ന് ചരക്കുനീക്കം വര്ധിപ്പിക്കാന് മലേഷ്യ ശ്രമിച്ചിരുന്നെങ്കിലും ഇന്ത്യ വഴങ്ങാത്ത സാഹചര്യം നിലവിലുണ്ട്. എങ്കിലും ഈ അവസരത്തില് ശത്രുത വച്ചു പുലര്ത്താതെ. കൊറോണ വൈറസ് ബാധിതരെ ചികിത്സിക്കാന് മലേഷ്യയ്ക്ക് ഹൈഡ്രോക്സി ക്ലോറോക്വിന് മരുന്നുകള് നല്കാന് ഇന്ത്യ സമ്മതിച്ചിരിക്കുകയാണ്. ഏപ്രില് 14ന് 89,100 ഗുളികകള് ഇറക്കുമതി ചെയ്യാന് ഇന്ത്യ അനുമതി നല്കിയതായി മലേഷ്യയുടെ ഉപവിദേശകാര്യമന്ത്രി കമറുദ്ദിന് ജാഫര് വാര്ത്താ ഏജന്സിയായ റോയിട്ടേഴ്സിനു നല്കിയ അഭിമുഖത്തില് വ്യക്തമാക്കി. ലോക മരുന്ന് വിപണിയില് 70 ശതമാനം ഹൈഡ്രോക്സി ക്ലോറോക്വിന് ഉത്പാദിപ്പിക്കുന്നത് ഇന്ത്യയാണ്.
കോവിഡ് ഇന്ത്യയില് ഉള്പ്പെടെ പടര്ന്നു പിടിച്ചപ്പോള് കഴിഞ്ഞ മാര്ച്ച് 25ന് ഹൈഡ്രോക്സി ക്ലോറോക്വിന്റെ കയറ്റുമതി രാജ്യം നിരോധിച്ചിരുന്നു. കോവിഡിനെ പ്രതിരോധിക്കുന്നതില് ഈ മരുന്ന് ഫലം കാണുന്നുവെന്ന നിഗമനത്തിലായിരുന്നു നിരോധനം. മഹാമാരി ബാധിച്ച അയല്രാജ്യങ്ങള്ക്ക് മരുന്ന് വിതരണം ചെയ്യുമെന്ന് ഇന്ത്യ വ്യക്തമാക്കുകയും ചെയ്തു. മലേറിയ ചികില്സയില് പനി നിയന്ത്രിച്ചു നിര്ത്തുന്നതിനും ഇന്ഫ്ലമേഷന് പോലുള്ള അനുബന്ധ ശാരീരിക പ്രശ്നങ്ങള്ക്ക് തടയിടാനുമാണ് ക്ലോറോക്വിന് ഉപയോഗിക്കുന്നത്.
ഹൈഡ്രോക്സി ക്ലോറോക്വിന് കോവിഡ് ചികില്സയ്ക്കു ഫലപ്രദമാണോയെന്നു ലോകാരോഗ്യ സംഘടന ഇതുവരെയും സാക്ഷ്യപ്പെടുത്തിയിട്ടില്ല. കോവിഡ് 19ന് എതിരായ ഏറ്റവും മികച്ച പ്രതിരോധം ഹൈഡ്രോക്സി ക്ലോറോക്വിനാണെന്ന യുഎസ് പ്രസിഡന്റ് ഡോണള്ഡ് ട്രംപിന്റെ പ്രസ്താവനയോടെയാണ് ആഗോളതലത്തില് മരുന്നിന് ആവശ്യക്കാര് ഏറിയത്. ഗുരുതരമായി കോവിഡ് ബാധിച്ച രോഗികള്ക്ക് മറ്റ് മരുന്നുകള്ക്കൊപ്പം ഹൈഡ്രോക്സി ക്ലോറോക്വിനും മലേഷ്യ പരീക്ഷണാടിസ്ഥാനത്തില് നല്കി വരികയാണ്. 10 ലക്ഷം ഹൈഡ്രോക്സി ക്ലോറോക്വിന് ഗുളികകള് മലേഷ്യ ഇന്ത്യയില് നിന്ന് ആവശ്യപ്പെട്ടതായാണ് വിവരം. മലേറിയയെ പ്രതിരോധിക്കുന്ന മരുന്നുകള് കയറ്റുമതി ചെയ്യുന്നതിനുള്ള തടസം ഭാഗികമായി ഇന്ത്യ എടുത്തുമാറ്റിയെന്നു മലേഷ്യന് മന്ത്രി അഭിമുഖത്തില് വ്യക്തമാക്കുകയും ചെയ്തു. മലേഷ്യയില് ഇതുവരെ 5,072 കോവിഡ് കേസുകളാണ് ഇത് വരെ റിപ്പോര്ട്ട് ചെയ്തിട്ടുള്ളത്. 83 പേര് മരിക്കുകയും ചെയ്തു.
https://www.facebook.com/Malayalivartha