മൃഗശാലയിലെ ഒരു തടിപ്പലകയിൽ ചങ്ങലയിൽ ബന്ധിച്ചിരുന്ന ഒരു ചിമ്പാൻസിയ്ക്ക് മൃഗശാല ജീവനക്കാരനാണ് വസ്ത്രങ്ങൾ നൽക. ഇത് ചിമ്പാൻസി തന്നെയാണ് ധരിച്ച്‌ . പിന്നീട് വളരെ പാടുപെട്ട് സൈക്കിൾ ചവിട്ടിയാണ് ചിമ്പാൻസി മൃഗശാലാ പരിസരത്ത് കറങ്ങി നടക്കുകയായിരുന്നു ചിമ്പാൻസിയുടെ വസ്ത്രത്തിൽ ബന്ധിച്ചിരുന്ന ബെൽറ്റും കൈയ്യിൽപിടിച്ച് തൊട്ടുപിറകെ മൃഗശാല ജീവനക്കാരനുമുണ്ടായിരുന്നു. അതേ സമയം, ചിമ്പാൻസിയുടെ പ്രവൃത്തിയെ അഭിനന്ദിച്ചാണ് മൃഗശാല അധികൃതർ വീഡിയോ പുറത്ത് വിട്ടതെങ്കിലും ഇത് വൈറൽ ആവുകയും ചെയ്തിരുന്നു
എന്നാൽ  ഇപ്പോൾ മൃഗശാലയ്ക്ക് നേരെ രൂക്ഷ വിമർശനമുയരുകയാണ്.    

തായ്‌ലൻഡിൽ ആണ് മൃഗശാലയിൽ ചിമ്പാൻസിയെ സൈക്കിൾ ചവിട്ടിപ്പിച്ച് കൊണ്ട് സാനിറ്റൈസർ സ്‌പ്രേ ചെയ്‌തത് സംഭവം  വിവാദമായാത് . ബാങ്കോക്കിനടുത്തുള്ള സമുത് പ്രകാൺ ക്രൊക്കൊഡൈൽ ഫാം ആൻഡ് സൂവിലാണ് സംഭവം. ഇതിന്റെ ദൃശ്യങ്ങൾ സാമൂഹ്യ മാദ്ധ്യമങ്ങളിൽ വൈറലായിരിക്കുകയാണ്. മനുഷ്യരെ പോലെ ഡെനിം ഷോർട്‌സും ഓറഞ്ച് നിറത്തിലെ ഹവായിയൻ ഷർട്ടും മുഖത്ത് സർജിക്കൽ മാസ്‌കും ധരിച്ച ഒരു ചിമ്പാൻസി കുട്ടികൾക്കായുള്ള സൈക്കിളിലാണ് സാനിറ്റൈസറുമായി മൃഗശാല ചുറ്റുന്നത്.

ചിമ്പാൻസിയുടെ പിറകിൽ സാനിറ്റൈസർ സ്പ്രെ ചെയ്യുന്ന ടാങ്ക് ഘടിപ്പിച്ചിരുന്നു. ചിമ്പാൻസിയോട് മൃഗശാല അധികൃതർ കാട്ടിയ ക്രൂരതയ്‌ക്കെതിരെ പെറ്റ ഉൾപ്പെടയുള്ള മൃഗസംരക്ഷണ സംഘടനകൾ രംഗത്തെത്തി. സമുത്പ്രകാൺ ക്രൊക്കൊഡൈൽ ഫാം ആൻഡ് സൂവിൽ ചിമ്പാൻസി ഉൾപ്പെടെയുള്ള മൃഗങ്ങൾ ഏറെ ക്രൂരതകൾ അനുഭവിക്കുന്നതായി പെറ്റ ആരോപിച്ചു. എന്നാൽ മൃഗശാല വീണ്ടും തുറക്കുന്നതിനുള്ള ഒരുക്കത്തിലായിരുന്നുവെന്നും മൃഗശാല വൃത്തിയാക്കാൻ ജോലിക്കാരെ സഹായിക്കാനാണ് ചിമ്പാൻസിയെ ഉപയോഗിച്ചതെന്നും കാലുകൾക്ക് വ്യായാമം നൽകാനാണ് സൈക്കിൾ ചവിട്ടിപ്പിച്ചതെന്നും മൃഗശാല ഡയറക്ടർ അറിയിച്ചു. ചിമ്പാൻസിയ്ക്ക് മനുഷ്യരെ സഹായിക്കാൻ പ്രത്യേക പരിശീലനം ലഭിച്ചതാണെന്നും ഡയറക്ടർ പറഞ്ഞു.
മൃഗശാലയ്ക്ക് നേരെ ഇതിനു മുമ്പും ആരോപണങ്ങൾ ഉയർന്നിരുന്നു. ആന, മുതല, കരടി തുടങ്ങിയ ഇവിടുത്തെ മൃഗങ്ങൾക്കെല്ലാം പോഷകാഹാരക്കുറവുണ്ടെന്നും അവയെല്ലാം മെലിഞ്ഞുണങ്ങി വൃത്തിഹീനമായ സാഹചര്യത്തിലാണ് ജീവിക്കുന്നതെന്നും മൃഗസ്നേഹികൾ ആരോപിച്ചിരുന്നു. മുളകൊണ്ട് മൃഗങ്ങളെ മൃഗശാല ജീവനക്കാർ മർദ്ദിക്കാറുണ്ടെന്നും ആക്ഷേപമുണ്ട്. എന്നാൽ മൃഗശാല അധികൃതർ ഇതിനെതിരെ പ്രതികരിച്ചിട്ടില്ല. കഴിഞ്ഞ ഡിസംബറിൽ മെലിഞ്ഞ് അവശ നിലയിലായിരുന്ന ആനയെ കൊണ്ട് കാണികൾക്ക് മുന്നിൽ അഭ്യാസങ്ങൾ കാണിച്ചതായും പരാതിയുണ്ടായിരുന്നു.