മഹാമാരിയായ കൊറോണ പടരുന്നതിനു കാരണം 5ജി മൊബൈല്‍ ടെലികമ്യൂണിക്കേഷനാണെന്ന പ്രചാരണത്തെ തുടര്‍ന്നു ടവറുകള്‍ കത്തിച്ച് യുകെയിലെ ഒരു വിഭാഗം ജനങ്ങള്‍. സമൂഹമാധ്യമങ്ങള്‍ വഴി പ്രചരിക്കുന്ന വ്യാജസിദ്ധാന്തം വിശ്വസിച്ചാണു ജനം ടവര്‍ കത്തിക്കുന്ന അവസ്ഥയിലെത്തിയത്. 5ജിയും കൊറോണയും തമ്മില്‍ ബന്ധമുണ്ടെന്നു പ്രചരിക്കുന്ന സംഭവത്തില്‍ യുകെ അന്വേഷണം ആരംഭിച്ചതായി ബിബിസി റിപ്പോര്‍ട്ട് ചെയ്തു. കൊറോണയുമായി ബന്ധപ്പെട്ടു പ്രചരിക്കുന്ന ഗൂഢസിദ്ധാന്തങ്ങളില്‍ പുതിയതും അപകടകരവുമാണു യുകെയിലേതെന്ന് ആരോഗ്യവിദഗ്ധര്‍ പറഞ്ഞിരുന്നു ഇപ്പോള്‍ അതിനു സമാനമായ സംഭവങ്ങള്‍ തന്നെയാണ് ഡെന്മാര്‍ക്കിലെ കാണാനാകുക

കൊറോണവൈറസ് വ്യാപനവും 5ജി മൊബൈല്‍ ടവറുകളും തമ്മില്‍ ബന്ധമുണ്ടെന്ന വ്യാജസിദ്ധാന്തം കുറച്ച് ആഴ്ചകളായി യുറോപ്പിലെ സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ഇത് വിശ്വസിച്ചാണ് ജനം ടവര്‍ കത്തിക്കാന്‍ തെരുവിലിറങ്ങിയത്. യുഎസും യുറോപ്യന്‍ രാജ്യങ്ങളും സംഭവം നിരീക്ഷിച്ചു വരികയാണ്. ഈ മഹാമാരി സമയത്ത് ഏറ്റവും ആവശ്യമുള്ള ടെലികമ്യൂണിക്കേഷന്‍ സംവിധാനങ്ങളെ ആക്രമിക്കുന്നത് സ്ഥിതി കൂടുതല്‍ ഗുരുതരമാക്കുമെന്നാണ് ഇവരുടെ വിലയിരുത്തല്‍.

നെതര്‍ലന്‍ഡില്‍ 16 ടവറുകളോളും കത്തിച്ചു. ഐര്‍ലന്‍ഡ്, സിപസ്രേ്, ബെല്‍ജിയം എന്നിവിടങ്ങളിലും സമാനമായ അക്രമസംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്. ടവറുകള്‍ കത്തിക്കാന്‍ ആഹ്വാനം ചെയ്യുന്ന വിവിധ സന്ദേശങ്ങളാണ് ഫെയ്‌സ്ബുക്കിലും മറ്റു സമൂഹമാധ്യമങ്ങളിലും പ്രത്യക്ഷപ്പെടുന്നത്. ഒരു ടവര്‍ കത്തിക്കുന്ന വിഡിയോ പങ്കുവച്ചു കൊണ്ട് ഏപ്രില്‍ 12ന് പ്രത്യക്ഷപ്പെട്ട പോസ്റ്റില്‍ എഴുതിയിരിക്കുന്നത് ഇങ്ങനെ 'ആര്‍ക്കും വേണ്ട കാന്‍സറും കോവിഡും'.

കഴിഞ്ഞ ദിവസം നടന്നത് ഇങ്ങനെയാണ് വെള്ള കണ്ടെയ്‌നറില്‍ വന്നിറങ്ങിയ കറുത്ത തൊപ്പിക്കാരന്‍ ഒരു മൊബൈല്‍ ടവറിനു താഴെ കുറച്ചു സാധനങ്ങള്‍ നിക്ഷേപിച്ച ശേഷം ഓടിപ്പോകുന്ന സിസിടിവി ദൃശ്യങ്ങള്‍ കഴിഞ്ഞ ദിവസം ഡച്ച് ബിസിനസ് പാര്‍ക്കില്‍നിന്നു പുറത്തു വന്നിരുന്നു. കറുത്ത തൊപ്പിക്കാരന്‍ തന്റെ വാഹനത്തില്‍ ഓടിക്കയറിയതിനു തൊട്ടുപിന്നാലെ ടവര്‍ കത്തിയെരിയുന്നതും കാണാം.

ബ്രിട്ടനില്‍ ഈ മാസം മൊബൈല്‍ ടവറുകളും അതുമായി ബന്ധപ്പെട്ട വസ്തുക്കളും അഗ്‌നിക്കിരയാക്കുന്നതുമായി ബന്ധപ്പെട്ട് അമ്പതോളം കേസുകളാണ് റിപ്പോര്‍ട്ട് ചെയ്തത്. മൂന്നു പേരെ അറസ്റ്റു ചെയ്തിട്ടുമുണ്ട്. ബര്‍മിങ്ങാം, ലിവര്‍പൂള്‍, മെര്‍സിസൈഡിലെ മെല്ലിങ് എന്നിവിടങ്ങളിലെ ടവറുകളാണു തീയിട്ടത്. കഴിഞ്ഞ ആഴ്ച ബര്‍മിങ്ങാമില്‍ ബ്രിട്ടനിലെ ഏറ്റവും വലിയ ടെലികോം കമ്പനിയുടെ ടവറുകളും ആള്‍ക്കൂട്ടം കത്തിച്ചിരുന്നു. യുകെയാണ് അക്രമങ്ങളുടെ പ്രധാന കേന്ദ്രമായി മാറിയിരിക്കുന്നത്.

ഒരു തെളിവുമില്ലെങ്കിലും 5ഏയും കൊറോണ വൈറസും തമ്മില്‍ ബന്ധമുണ്ടെന്ന തരത്തിലുള്ള വ്യാജ പ്രചരണങ്ങള്‍ വ്യാപകമായി നടക്കുന്നുണ്ട്. 5ഏ പ്രതിരോധ സംവിധാനം തകര്‍ക്കുമെന്നാണ് ഒരു പ്രചാരണം. മൊബൈല്‍ നെറ്റ്‌വെര്‍ക്കിന്റെ റേഡിയോ തരംഗങ്ങളുടെ സഹായത്തോടെയാണ് വൈറസ് പുതിയ ഇരകളിലേക്കെത്തുന്നതെന്ന തിരച്ചും അസംബന്ധമായ പ്രചാരണങ്ങളും ചിലര്‍ പരത്തുന്നു.

ഈ പ്രചാരണങ്ങള്‍ തികച്ചും തെറ്റാണെന്ന് ബോധ്യപ്പെടാന്‍ യുകെയില്‍ എവിടെയൊക്കെയാണ് കൊവിഡ് വ്യാപനം രൂക്ഷമായതെന്ന് പരിശോധിച്ചാല്‍ മതി. 5ഏ സാങ്കേതികവിദ്യ ഇതുവരെ സ്ഥാപിച്ചിട്ടില്ലാത്ത നഗരങ്ങളിലാണ് വൈറസ് പടരുന്നത്. 5ഏ സാങ്കേതികവിദ്യ എത്താത്ത ജപ്പാനിലും ഇറാനിലും ആയിരക്കണക്കിനാളുകള്‍ക്കാണ് വൈറസ് ബാധിച്ചത്.

പലയിടത്തും ടെലികോം ജീവനക്കാരെ ജനം അസഭ്യം പറഞ്ഞതായും റിപ്പോര്‍ട്ടുണ്ട്. 'വിഡ്ഢിത്തമാണിത്, അപകടകരമായ മണ്ടത്തരം' എന്നാണു ജനം ടവറുകള്‍ക്കു തീയിടുന്നതിനെപ്പറ്റി ബ്രിട്ടിഷ് കാബിനറ്റ് ഓഫിസര്‍ മിനിസ്റ്റര്‍ മൈക്കിള്‍ ഗോവ് അഭിപ്രായപ്പെട്ടത്. കോവിഡുമായി ബന്ധപ്പെട്ടു പ്രചരിക്കുന്ന ഗൂഢസിദ്ധാന്തങ്ങളില്‍ പുതിയതും ഏറ്റവും അപകടകരവുമാണ് യുകെയിലേതെന്നാണ് ആരോഗവിദഗ്ധര്‍ പറയുന്നത്. കോവിഡുമായി ബന്ധപ്പെട്ട വ്യാജസന്ദേശങ്ങള്‍ക്കൊപ്പം ടവറുകള്‍ തീയിടുന്നതിന്റെ ചിത്രങ്ങളും വിഡിയോകളും പ്രചരിക്കുന്നുണ്ട്.