മഹാമാരിക്കുമുന്നില് സര്വ്വം കൈവിട്ട് നിലവിളിച്ച് ലോകരാജ്യങ്ങള്; മരണം 181569 ആയി; ഇരുപത്താറ് ലക്ഷത്തിലധികം പേര്ക്ക് രോഗബാധയും; ചൈനക്കെതിരെ നിയമനടപടിക്കൊരുങ്ങി യുഎസ്
മഹാമാരിയായി മാറിയ കൊവിഡില് ലോകത്ത് മരണനിരക്ക് വര്ധിക്കുന്നു. ആഗോളതലത്തില് ഇതുവരെ ഒരു ലക്ഷത്തി എണ്പത്തിയൊന്നായിരത്തിലധികം പേര്ക്കാണ് ജീവന് നഷ്ടമായത്. ബുധനാഴ്ച ഇന്ത്യന് സമയം രാത്രി 12 വരെയുള്ള റിപ്പോര്ട്ട് പ്രകാരം 181569 മരണങ്ങളാണ് റിപ്പോര്ട്ട് ചെയ്തിട്ടുള്ളത്. കഴിഞ്ഞ 24 മണിക്കൂറിനിടെ ആഗോളതലത്തില് 4110 മരണങ്ങളാണ് റിപ്പോര്ട്ട് ചെയ്തിരിക്കുന്നത്. ലോകത്താകമാനമായി ഇരുപത്താറ് ലക്ഷത്തിലധികം പേര്ക്കാണ് കൊവിഡ് ബാധയേറ്റിട്ടുള്ളത്. ഏഴ് ലക്ഷത്തിലധികം പേര്ക്ക് ഇതുവരെ രോഗം ഭേദമായിട്ടുണ്ട്.
അതേസമയം, ചൈനയ്ക്കെതിരെ നിയമനടപടി സ്വീകരിക്കാന് യുഎസ് സംസ്ഥാനമായ മിസോറി തീരുമാനിച്ചു. കോവിഡിന്റെ യഥാര്ഥ വിവരങ്ങള് മൂടിവച്ച ചൈന, മുന്നറിയിപ്പു നല്കിയവരെ നിശ്ശബ്ദരാക്കിയെന്നും രോഗം പടരുന്നതു തടയാന് ഒന്നും ചെയ്തില്ലെന്നും അവര് ആരോപിച്ചു. അക്ഷരാര്ത്ഥത്തില് അമേരിക്ക കൊവിഡ് മരണത്തില് ഇന്നും ഞെട്ടിയെന്ന് പറയാം. ആയിരത്തോളം ജീവനുകളാണ് ഇന്ന് അമേരിക്കയില് നഷ്ടമായത്. ഇന്ത്യന് സമയം രാത്രി 12 മണിവരെയുള്ള കണക്കുകള് പ്രകാരം 831 മരണങ്ങളാണ് റിപ്പോര്ട്ട് ചെയ്തിട്ടുള്ളത്. അമേരിക്കയിലെ മൊത്തം മരണസംഖ്യ നാല്പ്പത്താറായിരം പിന്നിട്ടിട്ടുണ്ട്. പതിനായിരത്തോളം പുതിയ കേസുകള് റിപ്പോര്ട്ട് ചെയ്തിട്ടുണ്ടെന്നും കണക്കുകള് വ്യക്തമാക്കുന്നു. ഇവിടുത്തെ മൊത്തം രോഗബാധിതരുടെ എണ്ണം എട്ടേകാല് ലക്ഷം പിന്നിടുകയും ചെയ്തിട്ടുണ്ട്. യുകെയിലും കൊവിഡ് ഭീതി തുടരുകയാണ്. ഇന്ന് ഇതുവരെ 763 മരണങ്ങളാണ് റിപ്പോര്ട്ട് ചെയ്തിരിക്കുന്നത്. മൊത്തം മരണസംഖ്യ പതിനെണ്ണായിരം കടക്കുകയും ചെയ്തു. നാലായിരത്തിലേറെ പേര്ക്ക് ഇവിടെ പുതുതായി രോഗം സ്ഥിരികരിച്ചിട്ടുണ്ട്. മൊത്തം രോഗികളുടെ എണ്ണമാകട്ടെ 133495 ആയിട്ടുണ്ട്.
യുഎസില് 24 മണിക്കൂറിനിടെ 2700 മരണം. ന്യൂയോര്ക്കില് പ്രതിദിനം 40,000 പേര്ക്കു പരിശോധന നടത്തും. പകര്ച്ചപ്പനികളുടെ മഞ്ഞുകാലം വരാനിരിക്കെ, വൈറസ് രണ്ടാംഘട്ട വ്യാപനം സ്ഥിതി ഗുരുതരമാക്കുമെന്ന് ആരോഗ്യവകുപ്പിന്റെ മുന്നറിയിപ്പ്. സ്പെയ്നില് 24 മണിക്കൂറിനിടെ 435 പുതിയ രോഗികള്. ആകെ രോഗികള് 2 ലക്ഷം കവിഞ്ഞു. മേയ് രണ്ടാം വാരം ലോക്ഡൗണ് ഇളവുകള്. ബ്രിട്ടണില് കോവിഡ് പ്രതിസന്ധിയിലെ സര്ക്കാര് നടപടികള് അന്വേഷിക്കണമെന്ന് പ്രതിപക്ഷ ആവശ്യം. പരിമിതമായ രോഗ പരിശോധന, ആശുപത്രികളിലെ രക്ഷാ ഉപകരണങ്ങളുടെ ക്ഷാമം, മരണസംഖ്യ മറച്ചുവയ്ക്കല് തുടങ്ങിയവയാണ് ആരോപണങ്ങള്. റഷ്യയില് മണിക്കൂറിനിടെ 5000 ലേറെ പുതിയ രോഗികള്. ആകെ രോഗികള് 58,000. ആകെ മരണം 513. സിംഗപ്പൂരില് ഏറ്റവും രോഗബാധിതമായ തെക്കുകിഴക്കന് ഏഷ്യന് രാജ്യം. ഇന്നലെ മാത്രം 1,016 രോഗികള്. ആകെ രോഗികള് 10,000 കവിഞ്ഞു. ഇസ്രയേലില് ഗാസ മുനമ്പില് നിന്നുള്ള സാംപിളുകളുടെ പരിശോധന നടത്താനുള്ള സൈന്യത്തിന്റെ പദ്ധതി പ്രതിരോധ മന്ത്രി ഇടപെട്ടു റദ്ദാക്കി.
കൊറോണ വൈറസിനെ ചെറുക്കാന് യൂറോപ്യന് യൂണിയന് ഒരുമിച്ചുനില്ക്കണമെന്ന് ഫ്രാന്സിസ് മാര്പാപ്പയുടെ ആഹ്വാനം. സാമ്പത്തിക പ്രതിസന്ധി ചെയ്യാന് ഇന്നു യൂറോപ്യന് നേതാക്കളുടെ യോഗം. ചൈനയില് വിദേശത്തു നിന്നു തിരിച്ചെത്തിയ 23 പേര് അടക്കം ചൈനയില് പുതിയ രോഗികള് 30. ദക്ഷിണ കൊറിയയില് പുതിയ രോഗികള് 11. തുടര്ച്ചയായ നാലാം ദിവസമാണു രോഗികള് 15ല് താഴെയാകുന്നത്. യൂറോപ്പിലെ ജര്മനിയില് ലോക്ഡൗണ് ഇളവുകള്. ബര്ലിനില് ചെറിയ കടകള് തുറന്നു. ഡെന്മാര്ക്കിലും ഓസ്ട്രിയയിലും ഇളവുകള്. ഫ്രാന്സില് തുറന്ന റസ്റ്ററന്റുകളില് നീണ്ട നിര. ജപ്പാനില് നാഗസാക്കിയില് അറ്റകുറ്റപ്പണിക്കായി നങ്കൂരമിട്ട ഇറ്റാലിയന് വിനോദസഞ്ചാരക്കപ്പലിലെ 33 പേര്ക്കു രോഗം സ്ഥിരീകരിച്ചു. സാമൂഹിക അകലം പാലിക്കുന്നത് ഉറപ്പുവരുത്താന് ആയിരങ്ങളെത്തുന്ന പുഷ്പോത്സവം വേണ്ടെന്നു വച്ചു. പൂവിട്ട ഒരു ലക്ഷം ടുലിപ് ചെടികള് വെട്ടിനിരത്തി. ലബനനില് പലസ്തീന് അഭയാര്ഥികള് തിങ്ങിപ്പാര്ക്കുന്ന ക്യാംപില് ആദ്യ കോവിഡ് സ്ഥിരീകരിച്ചതോടെ ലോക്ഡൗണ്.
"
https://www.facebook.com/Malayalivartha