ഇന്ത്യയുടെ സാമ്പിള് വെടിക്കെട്ടിന് മുന്നില് പകച്ച് ചൈന
ഇന്ത്യയുടെ സാമ്പിള് വെടിക്കെട്ടിന് മുന്നില് പകച്ച് ജീവന് പോയിരിക്കുകയാണ് ചൈന ഇപ്പോള്. നേരത്തെ തന്നെ കച്ചവടവും പൂട്ടിക്കെട്ടി. ഇപ്പോള് ലൈസന്സും പോയി. ചൈന എട്ടുനിലയില് പൊട്ടി. ഇത് സാമ്പില് വെടിക്കെട്ട് മാത്രം. വലിയ കളികള് ഇനി വരാനിരിക്കുന്നതേ ഉള്ളൂ.
ചൈനയില് നിന്നും ഇന്ത്യയിലേക്ക് കൊറോണ റാപ്പിഡ് ടെസ്റ്റ് കിറ്റുകള് ഇറക്കുമതി ചെയ്ത രണ്ടു കമ്പനികളുടെ ലൈസന്സ് റദ്ദാക്കി. സെന്ട്രല് ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷനാണ് സി.ഡി.എസ്.സി.ഒ റദ്ദാക്കിയത്. ഗുവാന്ഷു വാന്ഡ്ഫോ ബയോടെക്, സുഹായ് ലിവ്സോണ് ഡയഗ്നോസ്റ്റിക്സ് എന്നീ ചൈനീസ് കമ്പനികളുടെ ഉത്പന്നങ്ങള് ഇറക്കുമതി ചെയ്ത കമ്പനികളുടെ ലൈസന്സ് ആണ് സി ഡി എസ് സി ഒ റദ്ദാക്കിയത്. ഐ സി എം ആറിന്റെ നിര്ദ്ദേശ പ്രകാരമാണ് നടപടി. ചൈനയില് നിന്നും ഇന്ത്യയിലേക്ക് ഇറക്കുമതി ചെയ്ത റാപ്പിഡ് ടെസ്റ്റ് കിറ്റുകള് ഗുണനിലവാരമില്ലാത്തതും കൃത്യത ഇല്ലാത്തതുമാണെന്ന് വ്യക്തമായതിനെ തുടര്ന്നാണ് ഐസിഎംആര് ലൈസന്സ് റദ്ദാക്കാന് നിര്ദ്ദേശം നല്കിയത്.
ഇരു കമ്പനികള്ക്കും ചൈനയില് നിന്നും ഇറക്കുമതി ചെയ്യുന്നതിനുള്ള ലൈസന്സ് റദ്ദാക്കിയതായി ഇന്ത്യയിലെ എല്ലാ സംസ്ഥാനങ്ങളിലേയും ഡ്രഗ് കണ്ട്രോളര്മാര്ക്ക് നല്കിയ അറിയിപ്പില് സി ഡി എസ് സി ഒ വ്യക്തമാക്കിയിട്ടുണ്ട്. ചൈനയില് നിന്നും ഇറക്കുമതി ചെയ്ത റാപ്പിഡ് ടെസ്റ്റ് കിറ്റുകള് ഉപയോഗിക്കരുതെന്നും അവ തിരിച്ചയിക്കുന്നതിനായി തിരികെ ശേഖരിക്കുമെന്നും ഐസിഎംആര് സംസ്ഥാനങ്ങളെ നേരത്തെ അറിയിച്ചിരുന്നു. ചൈനയില് നിന്നുള്ള ഇറക്കുമതി ചെയ്ത ഗുണനിലവാരമില്ലാത്ത പരിശോധനാ കിറ്റുകളുടെ പേരില് ഒരു രൂപ പോലും നഷ്ടപ്പെടുത്തില്ലെന്ന് കേന്ദ്ര ആരോഗ്യ മന്ത്രാലയവും അറിയിച്ചിട്ടുണ്ട്. ഇറക്കുമതി സംബന്ധിച്ച ഇടപാടില് ശരിയായ നടപടി ക്രമങ്ങള് പാലിച്ചതിനാല് രാജ്യത്ത് സാമ്പത്തിക നഷ്ടമൊന്നും സംഭവിച്ചിട്ടില്ലെന്നും ആരോഗ്യ മന്ത്രാലയം വ്യക്തമാക്കി. ഏതായാലും അമേരിക്കന് ഭീഷണിക്ക് പിന്നാലെയാണ് ഇന്ത്യന് നടപടി.
ചൈനയെക്കൊണ്ട് തങ്ങള്ക്ക് ആകെയുള്ള നേട്ടം അവരുടെ മോശം സാധന ങ്ങള്ക്ക് വന്നികുതിചുമത്തിക്കിട്ടുന്നതുമാത്രമാണ്. ചൈനയുടെ സഹായം രാജ്യങ്ങളെ കുടുക്കുവാന് മാത്രമാണെന്നും തങ്ങള് അതില് വീഴില്ലെന്നും ട്രംപ് പറഞ്ഞു. താന് വീണ്ടും അധികാരത്തില് വരരുത് എന്ന ആഗ്രഹമാണ് ചൈനക്കുള്ളത്. അവരുടെ ഉല്പ്പന്നങ്ങള്ക്ക് മേല് കനത്ത നികുതി പിടിക്കുന്നതിന്റെ വൈരാഗ്യമാണ് അവര്ക്കുള്ളതെന്നും ട്രംപ് ആരോപിച്ചു. മുന് അമേരിക്കന് വൈസ് പ്രസിഡന്റ് ജോ ബൈഡന് അധികാരത്തി ലെത്താനുള്ള ചരടുവലികളാണ് ചൈന നടത്തുന്നതെന്ന് പറഞ്ഞ ട്രംപ് പ്രതിപക്ഷ പാര്ട്ടിയായ ഡെമോക്രാറ്റുകളേയും നിശിതമായി വിമര്ശിച്ചു. ചൈന അമേരിക്കയ്ക്ക് ഒരിക്കലും ഒന്നും തന്നിട്ടില്ല.
മറിച്ച് 8 വര്ഷം ബൈഡനും ഒബാമയും ഇരുന്നപ്പോള് തന്റെ രാജ്യത്തെ സമ്പത്ത് ഊറ്റിക്കുടിക്കുകയാണ് ചൈന ചെയ്തത്. ഇവരെല്ലാം അധികാരത്തില് വരും മുമ്പേ ചൈന ഇത് തുടര്ന്നിരുന്നുവെന്നും ട്രംപ് ചൂണ്ടിക്കാട്ടി. നിലവില് വൈറസ് ബാധ മാത്രമാണ് പ്രഥമ പരിഗണാ വിഷയം. അതിന് ചൈന ഉത്തരം നല്കണം. മറ്റ് സാമ്പത്തിക കാര്യങ്ങളെല്ലാം രണ്ടാമതാണെന്നും ട്രംപ് വിമര്ശനത്തിനിടെ പറഞ്ഞു. യു.എസ് പ്രസിഡന്റ് തെരഞ്ഞെടുപ്പിലേക്ക് ഡെമോക്രാറ്റിക് സ്ഥാനാര്ഥിയായി മത്സരിക്കുന്ന ജോ ബൈഡന് മുന് ഡെമോക്രാറ്റിക് സ്ഥാനാര്ഥിയും വിദേശകാര്യ സെക്രട്ടറിയുമായിരുന്ന ഹിലരി ക്ലിന്റന്റെ പിന്തുണ. കോവിഡ് കാലത്ത് യു.എസിനെ നയിക്കാന് പ്രാപ്തനായ നേതാവെന്നാണ് ബൈഡനെ ഹിലരി വിശേഷിപ്പിച്ചത്.
ബൈഡന് പ്രസിഡന്റായിരുന്നുവെങ്കില് എന്ന് ആഗ്രഹിച്ചുപോവുകയാണ്. ഈ നിമിഷത്തിനാണ് ബൈഡന് ഇതുവരെ കാത്തിരുന്നത്. അദ്ദേഹത്തിനായി പ്രചാരണം നടത്തുന്നതില് അഭിമാനിക്കുന്നു. ശാസ്ത്രത്തെ വെല്ലുവിളിച്ച് കെട്ടുകഥകളില് മാത്രം വിശ്വസിക്കുന്ന ഒരു പ്രസിഡന്റാണോ നമ്മെ നയിക്കേണ്ടതെന്ന് ജനങ്ങള്ക്ക് തീരുമാനിക്കാനുള്ള അവസരമാണിതെന്നും ഹിലരി പറഞ്ഞു. 2016ലെ തെരഞ്ഞെടുപ്പില് ഹിലരി പരാജയപ്പെടുത്തിയാണ് ഡോണള്ഡ് ട്രംപ് പ്രസിഡന്റായി തെരഞ്ഞെടുത്തത്. നവംബറില് നടക്കുന്ന തെരഞ്ഞെടുപ്പില് ട്രംപ് ആണ് ബൈഡന്റെ എതിരാളി.
https://www.facebook.com/Malayalivartha
