രോഗവ്യാപന ശേഷി കൂടിയ പുതിയ കൊവിഡ് വൈറസ് വ്യാപകമായി പടരുന്ന പശ്ചാത്തലത്തിൽ ബ്രിട്ടൻ വീണ്ടും സമ്പൂർണ്ണ ലോക്ക് ഡൗൺ പ്രഖ്യാപിക്കുകയുണ്ടായി. പ്രധാനമന്ത്രി ബോറിസ് ജോൺസണാണ് രാജ്യവ്യാപക ലോക്ക് ഡൗൺ പ്രഖ്യാപിച്ചത്. ഫെബ്രുവരി പകുതിവരെയാണ് നിലവിൽ സമ്പൂർണ്ണ അടച്ചിടൽ പ്രഖ്യാപിച്ചിരിക്കുന്നത്. ഇത് പ്രവാസികൾക്ക് കടുത്ത നിരാശയാണ് നൽകുന്നത്. ഏറെ നാളായി തുടരുന്ന ലോക്ക് ഡൗൺ ദുരിതത്തിലേക്കാണ് ഇവരെ നയിക്കുന്നത്.

അതേസമയം ബുധനാഴ്ച അര്‍ദ്ധരാത്രി മുതലാണ് നിയന്ത്രണങ്ങൾ പ്രാബല്യത്തിൽ വരുന്നത്. രോഗികളുടെ എണ്ണം പെട്ടെന്ന് ഉയരുന്ന പശ്ചാത്തലത്തിലാണ് നടപടിയെന്ന് ബോറിസ് ജോണ്‍സണ്‍ പറഞ്ഞു. തിങ്കളാഴ്ചത്തെ കണക്കനുസരിച്ച് 27,000ത്തോളം പേർ കൊവിഡ് ബാധിതരായി ആശുപത്രിയിലാണുള്ളത്. കഴിഞ്ഞവർഷം ഏപ്രിലിൽ ഉണ്ടായ ആദ്യ കൊവിഡ് തരംഗത്തേക്കാൾ 40 ശതമാനം കൂടുതലാണ് ഇത് എന്നാണ് റിപ്പോർട്ട്. രാജ്യത്തിന്‍റെ ഭൂരിഭാഗവും പ്രദേശവം കടുത്ത നടപടികളിലൂടെയാണ് കടന്ന് പോകുന്നത് തന്നെ. കൊവിഡ് വ്യാപനത്തെ നിയന്ത്രണത്തിലാക്കാൻ കൂടുതൽ നടപടികൾ ആവശ്യമാണെന്ന് ബോറിസ് ജോൺസൺ മാധ്യമങ്ങളോട് പറഞ്ഞു.