ലോകപ്രശസ്ത മാധ്യമപ്രവര്ത്തകന് ലാരി കിംഗ് അന്തരിച്ചു; അന്ത്യം കോവിഡ് ബാധിതനായി ചികിത്സയിലിരിക്കെ
ലോകപ്രശസ്ത മാധ്യമപ്രവര്ത്തകന് ലാരി കിംഗ് (87) അന്തരിച്ചു. കോവിഡ് ബാധിതനായി ചികിത്സയിലിരിക്കെയാണ് മരണം. സിഎന്എന്നിലെ ലാരി കിംഗ് ലൈവ് പരിപാടിയിലൂടെയാണ് പ്രശസ്തനായത്. സിഎന്എന്നില് അദ്ദേഹം 25 വര്ഷത്തോളം പ്രവര്ത്തിച്ചു. 63 വര്ഷത്തോളം റേഡിയോ, ടെലിവിഷന്, ഡിജിറ്റല് മീഡിയ മേഖലകളില് പ്രവര്ത്തിച്ചിട്ടുണ്ട്. ആയിരക്കണക്കിന് അഭിമുഖങ്ങളാണ് ഇക്കാലയളവില് ലാരി നടത്തിയത്. നിരവധി പുരസ്കാരങ്ങളും അദ്ദേഹത്തെ തേടി എത്തി.ലോസ് ആഞ്ചലസിലെ സെഗാര്സ് സിനായി മെഡിക്കല് സെന്ററില് ശനിയാഴ്ച രാവിലെയായിരുന്നു അന്ത്യം. ജനുവരി ആദ്യമാണ് അദ്ദേഹത്തെ കോവിഡ് ബാധിച്ച് ആശുപത്രിയില് പ്രവേശിപ്പിച്ചത്. വാര്ധക്യസഹജമായ അസുഖങ്ങളും അലട്ടിയിരുന്നു.
https://www.facebook.com/Malayalivartha