അമേരിക്കന്‍ പ്രസിഡന്റായി സത്യപ്രതിജ്ഞ ചെയ്ത ശേഷം ബൈഡന്‍ സംസാരിക്കുന്ന ആദ്യത്തെ യൂറോപ്യന്‍ നേതാവായി ബോറിസ് ജോണ്‍സണ്‍
അമേരിക്കന്‍ പ്രസിഡന്റ് ജോ ബൈഡനും ബ്രീട്ടീഷ് പ്രധാനമന്ത്രി ബോറിസ് ജോണ്‍സണും തമ്മില്‍ സ്വതന്ത്ര വ്യാപര കരാറിനെക്കുറിച്ച് ചര്‍ച്ച നടത്തി. ഇന്നലെ ഫോണിലൂടെയാണ് ഇരു നേതാക്കളും തമ്മില്‍ ആശയവിനിമയം നടത്തിയത്.
ബോറിസ് ജോണ്‍സണ്‍ തന്നെയാണ് ബൈഡനുമായി ചര്‍ച്ച നടത്തിയ വിവരം ട്വിറ്ററിലൂടെ അറിയിച്ചത്. അമേരിക്കന്‍ പ്രസിഡന്റ് ജോ ബൈഡനുമായി സംസാരിക്കാന്‍ കഴിഞ്ഞതില്‍ വളരെയേറെ സന്തോഷമുണ്ടെന്നായിരുന്നു ട്വീറ്റ്.
അമേരിക്കന്‍ പ്രസിഡന്റായി സത്യപ്രതിജ്ഞ ചെയ്ത ശേഷം ബൈഡന്‍ സംസാരിക്കുന്ന ആദ്യത്തെ യൂറോപ്യന്‍ നേതാവാണ് ബോറിസ് ജോണ്‍സണ്‍. പാരിസ് ഉടമ്ബടിയും, ലോകാരോഗ്യ സംഘടനയുമായും ബന്ധപ്പെട്ട ബൈഡന്റെ തീരുമാനങ്ങളെയും ബോറിസ് ജോണ്‍സണ്‍ സ്വാഗതം ചെയ്തു.
അധികാരമേറ്റ അമേരിക്കന്‍ പ്രസിഡന്റിനെ പ്രധാനമന്ത്രി അഭിനന്ദിച്ചുവെന്നും, ഇരു രാജ്യങ്ങളും തമ്മിലുള്ള ബന്ധം കൂടുതല്‍ ശക്തമാക്കുന്ന കാര്യങ്ങളെക്കുറിച്ച് ഇരുവരും സംസാരിച്ചുവെന്നും ബോറിസ് ജോണ്‍സന്റെ വക്താവ് പ്രസ്താവനയില്‍ അറിയിച്ചു.
https://www.facebook.com/Malayalivartha
