ലോകത്തിന്റെ ഫുട്ബാള് സ്വപ്നഭൂമിയായ ബ്രസീലില് താരങ്ങളെയൂം ക്ലബ് പ്രസിഡന്റിനെയും തട്ടിയെടുത്ത് വീണ്ടും വിമാന ദുരന്തം
ലോകത്തിന്റെ ഫുട്ബാള് സ്വപ്നഭൂമിയായ ബ്രസീലില് താരങ്ങളെയൂം ക്ലബ് പ്രസിഡന്റിനെയും തട്ടിയെടുത്ത് വീണ്ടും വിമാന ദുരന്തം. നാലാം ഡിവിഷന് ടീമായ പാല്മാസ് പ്രസിഡന്റും താരങ്ങളും സഞ്ചരിച്ച ചെറുവിമാനമാണ് ബ്രസീലിലെ വടക്കന് സംസ്ഥാനമായ ടോകാന്ടിന്സില് ടേക്കോഫിനിടെ കുഴിയില് പതിച്ചത്.
പറന്നുയരാന് റണ്വേയില് അതിവേഗം നീങ്ങിയ വിമാനം അവസാന ഭാഗത്ത് ഉയര്ന്നുതുടങ്ങിയ ഉടന് തൊട്ടുചേര്ന്നുള്ള വന് ഗര്ത്തത്തിലേക്ക് കുത്തനെ മൂക്കുകുത്തുകയായിരുന്നു. ദിവസങ്ങള്ക്ക് മുമ്ബ് കോവിഡ് പരിശോധനയില് പോസിറ്റീവായ താരങ്ങള് വിമാനത്തിലായിരുന്നു യാത്ര ചെയ്തത്.
ഇവര്ക്ക് ക്വാറന്റീന് കാലാവധി ഞായറാഴ്ച അവസാനിക്കേണ്ടതായിരുന്നു. ഈ ദിനത്തിലായിരുന്നു നാലു പേരുടെയും ജീവനെടുത്ത് വന് ദുരന്തം. ലുക്കാസ് പ്രാക്സിഡിസ്, ഗുല്ഹേം നോ, മാര്ക് മൊളിനാരി, റാന്യൂള് എന്നീ താരങ്ങള്ക്ക് പുറമെ ക്ലബ് പ്രസിഡന്റ് ലൂകാസ് മേരയും വൈമാനികനും ദുരന്തത്തിനിരയായി. ഒരാള് പോലും രക്ഷപ്പെട്ടില്ലെന്ന് രക്ഷാ പ്രവര്ത്തനത്തിന് നേതൃത്വം നല്കിയ അധികൃതര് അറിയിച്ചു. മറ്റു താരങ്ങള് മറ്റൊരു വിമാനത്തില് പുറപ്പെടാനിരുന്നതാണ്.
1997ല് നിലവില് വന്ന പാല്മാസ് ബ്രസീല് നിലവില് നാലാം ഡിവിഷനിലാണ് കളിക്കുന്നത്. ആറു പേര്ക്ക് യാത്ര ചെയ്യാവുന്ന വിമാനം ദുരന്തത്തില് പെടാന് കാരണം വ്യക്തമല്ല. റണ്വേയില്നിന്ന് 500 മീറ്റര് മാത്രം അകലെ കുഴിയില് വീണ വിമാനം വൈകാതെ അഗ്നി വിഴുങ്ങി. രണ്ടു സ്ഫോടനങ്ങള് കേട്ടതായി പരിസര വാസികള് പറഞ്ഞു.
https://www.facebook.com/Malayalivartha