വാക്‌സിനെടുത്താല്‍ സൗജന്യ മദ്യം, ജനങ്ങളിലേക്ക് വാക്‌സിനെത്തിക്കാന്‍ വേറിട്ട രീതി
വാക്‌സിനെടുക്കുന്നവര്‍ക്ക് സൗജന്യ മദ്യം നല്കി ഇസ്രായേല്‍. ഇസ്രായേലിലെ ടെല്‍ അവീവ് മുനിസിപ്പാലിറ്റിയുടെ നേതൃത്വത്തില്‍ ഒരു പബ്ബുമായി സഹകരിച്ചാണ് നടപടി. കോവിഡ് പ്രതിരോധ വാക്‌സിന്‍ ജനകീയമാക്കുന്നതിനാണ് സര്‍ക്കാര്‍ നടപടി. ജെനിയ കാസ്‌ട്രോ എന്ന പബ്ബുമായി സഹകരിച്ച് നടത്തുന്ന പദ്ധതി പ്രഖ്യാപിച്ചതോട് കൂടി കോവിഡ് പ്രതിരോധ വാക്‌സിന്‍ സ്വീകരിക്കാനായി വലിയ തിരക്കാണ്. വാക്‌സിന്‍ സ്വീകരിക്കാന്‍ പലയിടത്തും ജനങ്ങള്‍ വിമുഖത കാണിച്ചതിനെ തുടര്‍ന്നാണ് സര്‍ക്കാര്‍ വാക്‌സിനോടൊപ്പം മദ്യവും സൗജന്യമാക്കിയ നടപടി സ്വീകരിച്ചത്. നിലവില്‍ ഏറ്റവും കൂടുതല്‍ ജനങ്ങള്‍ കോവിഡ് പ്രതിരോധ വാക്‌സിന്‍ സ്വീകരിച്ചത് ഇസ്രായേലിലാണ്.
രാജ്യത്തെ 43 ശതമാനം ജനങ്ങളും വാക്‌സിന്‍ സ്വീകരിച്ച് കഴിഞ്ഞു. ആരോഗ്യ പ്രവര്‍ത്തകര്‍ക്കും കോവിഡ് പ്രതിരോധ പ്രവര്‍ത്തകര്‍ക്കും പുറമേ ആണ് ഇത്. പ്രഖ്യാപനം വന്നതോട് കൂടി ജനങ്ങള്‍ വാക്‌സിനായി കൂട്ടത്തോടെ എത്തുകയായിരുന്നു. തിരക്ക് നിയന്ത്രിക്കാനായി രാജ്യത്തിന്റെ നാനാഭാഗത്തും പുതുതായി നിരവധി വാക്‌സിന്‍ ക്ലിനിക്കുകളും പ്രവര്‍ത്തനം ആരംഭിച്ചിട്ടുണ്ട്. ഇസ്രായേലില്‍ ഇതു വരെ 63,667 പേര്‍ക്കാണ് കോവിഡ് സ്ഥിതീകരിച്ചത്.
https://www.facebook.com/Malayalivartha
