അഫ്​ഗാനിസ്​താനിലുണ്ടായ കാര്‍ ബോംബ്​ സ്​ഫോടനത്തില്‍ ഒരാള്‍ മരിച്ചു. അപകടത്തില്‍ 14 പേര്‍ക്ക്​ പരിക്കേറ്റു. ഹെല്‍മണ്ട്​ പ്രവിശ്യയുടെ തലസ്ഥാനമായ ലാഷ്​കര്‍ഗ നഗരത്തിലാണ്​ സ്​ഫോടനമുണ്ടായത്​. രാവിലെ 10 മണിയോടെയായിരുന്നു സംഭവം​. അതെ സമയം സ്ഫോടനത്തിന്‍റെ ഉത്തരവാദിത്തം ആരും ഏറ്റെടുത്തിട്ടില്ല.

അഫ്​ഗാനിസ്​താന്‍ മനുഷ്യാവകാശ കമീഷന്‍റെ കണക്കനുസരിച്ച്‌​ 2020ല്‍ 2000ത്തിലധലകം ആളുകള്‍ വിവിധ സ്​ഫോടനങ്ങളില്‍ മരിച്ചിട്ടുണ്ടെന്നും എന്നാല്‍ ആരും തന്നെ ഈ സ്​ഫോടനങ്ങളുടെ ഉത്തരവാദിത്തം ഏറ്റെടുത്തിട്ടില്ലെന്നും​ പ്രമുഖ മാധ്യമം റിപ്പോര്‍ട്ട്​ ചെയ്യുന്നു.