ലൈവ് സ്ട്രീമിങ്ങിനിടെ അറിയാതെ യുവതി ഉറങ്ങിപ്പോയി. കണ്ണ് തുറന്നപ്പോൾ സംഭവിച്ചത് വിശ്വസിക്കാനാകാതെ യുവതി. സ്വപ്‍ന തുല്യമായ നേട്ടമാണ് നേടിയിരിക്കുന്നത്. തായ്‌വാനിൽ നിന്നുള്ള ഒരു യുവതിയാണ് ലൈവ് സ്ട്രീമിങ്ങിനിടെ ഉറങ്ങിപ്പോയത്.

ലൈവ് സ്ട്രീമിങ് പ്ലാറ്റ്ഫോമായ ട്വിച്ചിലൂടെ വീഡിയോ പങ്കുവയ്ക്കുന്നതിനിടെയായിരുന്നു അബദ്ധത്തിൽ ഉറങ്ങി പോയത് . എന്നാൽ ക്യാമറയ്ക്ക് മുന്നിൽ സംഭവിച്ച ഈ അബദ്ധം നിമിഷങ്ങൾക്കകം വൈറലാകുകയും ചെയ്തു .

ഉറക്കം ഉണർന്ന ശേഷം വീഡിയോ പരിശോധിച്ച യുവതി ഞെട്ടിത്തരിച്ചു. 2000 ന്യൂ തായ്‌വാൻ ഡോളറായിരുന്നു (5,249 രൂപ) ഒറ്റ ഉറക്കത്തിലൂടെ സമ്പാദിച്ചത്.

നിരവധി സൗന്ദര്യ ശസ്ത്രക്രിയകൾക്ക് ഇവർ വിധേയയായിട്ടുണ്ട്. അതിനെ കുറിച്ചുള്ള വീഡിയോകളാണ് സാധാരണയായി ഇവർ പങ്കുവയ്ക്കുന്നത്. ഇവരുടെ വീഡിയോയ്ക്ക് നിരവധി ആരാധകരുണ്ട് . താൻ കഷ്ടപ്പെട്ട് നിർമ്മിച്ച മറ്റു വീഡിയോകളേക്കാൾ കൂടുതൽ പണം അബദ്ധത്തിൽ ഉറങ്ങിയതിലൂടെ ലഭിച്ചു എന്നാണ് ഇവർ പറയുന്നത് . ഒരൊറ്റ ഉറക്കത്തിലൂടെ ഫോളോവേഴ്സിന്റെ എണ്ണത്തിലും വർദ്ധനവ് ഉണ്ടായി.

11,000 ആളുകളാണ് ഇവരുടെ ഉറക്കം ലൈവായി കണ്ടത്. എന്നാൽ യാതൊരു ബുദ്ധിമുട്ടുകളും അറിയാതെ ഇത്രയധികം പണം നേടിയതിൽ അസൂയപൂണ്ടുവരുമുണ്ടെന്നും യുവതി പറയുന്നു. ഇതാദ്യമായല്ല ഒരാൾ ഉറക്കം ലൈവ് സ്ട്രീം ചെയ്ത് പണം സമ്പാദിക്കുന്നത്

തൻറെ എട്ടുമണിക്കൂർ ഉറക്കം ലൈവായി ചിത്രീകരിച്ച് മറ്റൊരു ട്വിച്ച് ഉപയോക്താവ് കഴിഞ്ഞ മാസം 11 ലക്ഷം രൂപ സമ്പാദിക്കുന്നത് . കാഴ്ചക്കാർക്ക് തന്നെ വിളിച്ചുണർത്താനുള്ള അവസരവും നൽകിക്കൊണ്ടായിരുന്നു അദ്ദേഹം ഉറങ്ങിയത്. എന്നാൽ ഇവിടെ ഈ യുവതി ലൈവ് സ്ട്രീമിങ്ങിനിടെ അറിയാതെ ഉറങ്ങിപ്പോയതായിരുന്നു.