അവാർഡ്ദാന ചടങ്ങിൽ തുണിയുരിഞ്ഞ് ഫ്രഞ്ച് നടിയുടെ പ്രതിക്ഷേധം. സീസർ പുരസ്‌കാര വേദിയിൽ കോറിനീ മസീറോ എന്ന നടിയാണ് തുണിയുരിഞ്ഞ് പ്രതിക്ഷേധിച്ചത്. അടച്ചിട്ട തിയേറ്ററുകൾ ഇതുവരെയും തുറക്കത്തിലാണ് നടിയുടെ പ്രതിക്ഷേധം.

മൂന്നുമാസത്തെ ഏറെയായി ഫ്രഞ്ചിൽ തിയേറ്ററുകൾ അടച്ചിട്ടിട്ട്. കോവിഡ് കാലത്ത് അടച്ചിട്ട തിയേറ്ററുകളാണിത്.

മികച്ച വസ്ത്രങ്ങൾക്കുള്ള അവാർഡ് സമ്മാനിക്കുന്നതിനാണ് വെള്ളിയാഴ്ച നടന്ന ചടങ്ങിലേക്ക് മസീറോയെ ക്ഷണിച്ചത്. എന്നാൽ രക്തക്കറ പുരണ്ട കഴുതയുടെ തുകലും ധരിച്ചാണ് നടി വേദിയിലെത്തിയത്. തുടർന്ന് തുണിയുരിഞ്ഞ് പ്രതിക്ഷേധിക്കുകയായിരുന്നു.

തിയേറ്ററുകൾ തുറക്കാത്തതിൽ ഫ്രഞ്ച് പ്രധാനമന്ത്രി ജീന്‍ കാസ്റ്റെക്‌സിന് എതിരേയായിരുന്നു നടി കോറിനീ മസീറോയുടെ പ്രതിഷേധം. അതേസമയം തിയേറ്ററുകൾ തുറക്കില്ലെന്ന കർശന നിലപാടിലാണ് ഫ്രഞ്ച് സർക്കാർ.