കോവിഡിന്റെ മൂന്നാം വരവില് വിറിങ്ങലിച്ച് പാരീസ്..... ഒരു മാസത്തോളം നീളുന്ന ലോക്ഡൗണ്
കോവിഡിന്റെ മൂന്നാം വരവില് വിറിങ്ങലിച്ച് ഫ്രാന്സിന്റെ അഭിമാന നഗരമായ പാരീസ്. കോവിഡിന്റെ മൂന്നാം തരംഗത്തെ പ്രതിരോധിക്കാന് പാരീസില് ഒരു മാസത്തോളം നീളുന്ന ലോക്ഡൗണ്.
ഇതിനൊപ്പം രാജ്യത്തെ മറ്റ് 15 പ്രദേശങ്ങളും വെള്ളിയാഴ്ച അര്ധരാത്രി മുതല് ലോക്ഡൗണ് നടപടികള്ക്ക് വിധേയമാക്കും. മുന്പ് ഉണ്ടായിരുന്നതുപോലെ കര്ശനമായ ലോക്ഡൗണ് ആയിരിക്കില്ലെന്ന് പ്രധാനമന്ത്രി ജീന് കാസ്റ്റെക്സ് പറഞ്ഞു.പാരീസിലെ സ്ഥിത ആശങ്കാജനകമാണെന്ന് ആരോഗ്യമന്ത്രി ഒലിവര് വെരാന് പറഞ്ഞു.
1,200 പേരോളം ഐസിയുവിലാണ്. നംവബറില് ഉയര്ന്നുവന്ന രണ്ടാം തരംഗത്തേക്കാള് കൂടുതലാണ് ഇപ്പോള് പാരീസിലെ രോഗബാധിതരുടെ എണ്ണമെന്നും അദ്ദേഹം കൂട്ടിച്ചേര്ത്തു.
പുതിയ നിയന്ത്രണങ്ങള് എല്ലാം അടച്ചിടാന് നിര്ബന്ധിക്കുന്നില്ല. അത്യാവശ്യ വ്യവസായ, വ്യാപാര സ്ഥാപനങ്ങള് തുറക്കാന് അനുവദിക്കും. സ്കൂളുകളും അടയ്ക്കില്ല. ആളുകള്ക്ക് വീടിന്റെ 10 കിലോമീറ്റര് പരിധിക്കുള്ളില് വ്യായാമം ചെയ്യാന് അനുവാദമുണ്ട്. എന്നാല് യാത്രകള്ക്ക് നിയന്ത്രണം ഏര്പ്പെടുത്തിയിട്ടുണ്ട്.
അത്യാവശ്യ കാര്യങ്ങള്ക്കല്ലാതെ യാത്ര പാടില്ല. ഹോട്ട്സ്പോട്ടുകളിലുള്ളവര് യാത്ര ചെയ്യാന് കാരണം കാണിക്കണം. കഴിഞ്ഞ 24 മണിക്കൂറിനുള്ളില് രാജ്യത്ത് 35,000 പുതിയ കേസുകളാണ് റിപ്പോര്ട്ട് ചെയ്തത്.
https://www.facebook.com/Malayalivartha
