ഷോപ്പിംഗിന് പോയപ്പോള് സൗന്ദര്യമുള്ള ഒരാള് എതിരെ വന്നതോടെ കാലുകള് ദുര്ബലമായി; കൂടെയുണ്ടായിരുന്ന കസിനെ താങ്ങിപ്പിടിച്ച് വീഴാതെ രക്ഷപ്പെട്ടു; എതിര്ലിംഗത്തിലുള്ള ആകര്ഷകമായ വ്യക്തിയെ കണ്ടാൽ അപ്പോൾ മയങ്ങി വീഴും; അപൂർവ്വ രോഗവുമായി ഒരു യുവതി
ഇത്തിരി വൃത്തിയോടെയും നല്ല സൗന്ദര്യത്തോടെയുമുള്ള വ്യക്തികളെ ആണുങ്ങളും പെണ്ണുങ്ങളും നോക്കും എന്നത് സത്യമായ കാര്യമാണ്. എന്നാൽ ചിലരുടെ സൗന്ദര്യം കണ്ടാൽ ചിലർ മയങ്ങി വീഴും എന്നൊക്കെ കേട്ടിട്ടുണ്ട്. എന്നാൽ ചെഷയറിലെ നോര്ത്ത് വിച്ച് സ്വദേശിയായ 32 കാരി എതിര്ലിംഗത്തിലുള്ള ആകര്ഷകമായ വ്യക്തിയെ കണ്ടാൽ അപ്പോൾ മയങ്ങി വീഴും.
അപൂര്വ മസ്തിഷ്ക തകരാറാണ് ഇങ്ങനെ സംഭവിക്കുന്നതിന് പിന്നിലെ കാരണം . എതിര്ലിംഗത്തിലുള്ള ആകര്ഷകമായ ഒരു വ്യക്തിയുടെ കണ്ണുകളിലേയ്ക്ക് നോക്കിയാല് ഇവര് ഉടന് തലകറങ്ങി താഴെ വീഴും. അതുകൊണ്ട് തന്നെ പുരുഷന്മാരുടെ നേര്ക്ക് നോക്കാന് യുവതിയ്ക്ക് പേടിയാണ് .
പരമാവധി ഇത്തരം സാഹചര്യങ്ങള് ഒഴിവാക്കാന് ശ്രമിക്കുകയാണ് ഇവർ ചെയ്യുന്നത്. കാരണം ആകര്ഷകമായി തോന്നുന്ന ആരെയെങ്കിലും കണ്ടാല് പിന്നീട് സംഭവസ്ഥലത്ത് തന്നെ തലകറങ്ങി വീഴുമെന്ന സ്ഥിതിയാണ്.
കിര്സ്റ്റി ബ്രൗണ് എന്ന യുവതിയ്ക്കാണ് കാറ്റപ്ലെക്സി എന്ന മസ്തിഷ്ക രോഗം ബാധിച്ചിരിക്കുന്നത്. കോപം, ചിരി, ഭയം തുടങ്ങിയ ശക്തമായ വികാരങ്ങള് ഉണ്ടായാലാണ് ഇത്തരത്തില് മയങ്ങി വീഴുന്നത്.
ഈ 32 കാരിയ്ക്ക് രണ്ട് കുട്ടികളുണ്ട്. ഈ രോഗാവസ്ഥ വളരെ നാണക്കേടുണ്ടാക്കുന്നതാണെന്നും ഒരിക്കല് ഷോപ്പിംഗിനായി പോയപ്പോള് സൗന്ദര്യമുള്ള ഒരാള് എതിരെ വന്നതോടെ തന്റെ കാലുകള് ദുര്ബലമായി. ഉടനെ കൂടെയുണ്ടായിരുന്ന കസിനെ താങ്ങിപ്പിടിക്കേണ്ടി വന്നുവെന്നും യുവതി വെളിപ്പെടുത്തി.
സാധാരണയായി, ഈ അവസ്ഥ നാര്ക്കോലെപ്സി എന്ന മറ്റൊരു തകരാറുമായി ബന്ധപ്പെട്ടാണ് ഉണ്ടാകാറുള്ളത്. ഈ അസാധാരണമായ ഉറക്ക തകരാര് ഒരു വ്യക്തിയ്ക്ക് എപ്പോള് വേണമെങ്കിലും വരാം.
നില്ക്കുമ്പോഴും സംസാരിക്കുമ്പോഴും വാഹനമോടിക്കുമ്പോഴുമൊക്കെ ഇത്തരത്തില് ഉറങ്ങി വീഴാനുള്ള സാധ്യത കൂടുതലാണ്. മയക്കം ഏകദേശം രണ്ട് മിനിറ്റ് നേരം നീണ്ടു നില്ക്കും.
ഇത് ഒരു തരം ഉറക്ക തകരാറാണ്. താന് എപ്പോഴും ക്ഷീണിതയാണെന്നും കിര്സ്റ്റി പറയുന്നു. ഇടയ്ക്കിടയ്ക്കുള്ള തളര്ച്ചകള് യുവതിയെ കൂടുതല് ക്ഷീണിതയാക്കുന്നു.
ശരിയായി ഉറങ്ങാനും കിര്സ്റ്റിയ്ക്ക് സാധിക്കാറില്ല. പുറത്തിറങ്ങുമ്പോള് തലകറക്കമുണ്ടാകാതിരിക്കാന് കിര്സ്റ്റി സ്വയം സുരക്ഷയ്ക്കായ് തല താഴ്ത്തിപ്പിടിച്ചാണ് നടക്കുന്നത്.
സുരക്ഷയ്ക്കായി കണ്ണുകള് എപ്പോഴും താഴ്ത്തി നിര്ത്താന് ശ്രമിക്കാറുണ്ടെന്നും അവര് പറഞ്ഞു. കിര്സ്റ്റിക്ക് ഒരു ദിവസം ശരാശരി അഞ്ച് കാറ്റാപ്ലെക്സി അറ്റാക്ക് ഉണ്ടാകാറുണ്ട്. എന്നാല് ചില സമയങ്ങളില് ദിവസം 50 തവണ വരെ തലകറങ്ങാറുണ്ട്.
https://www.facebook.com/Malayalivartha
