മണ്ണിരകളെ തോട്ടത്തിൽ തെരഞ്ഞെറങ്ങിയ ആറ് വയസുകാരന് ലഭിച്ചത് അനേകം വര്‍ഷം പഴക്കമുള്ള ഫോസില്‍. ഇംഗ്ലണ്ടിലെ വെസ്റ്റ് മിഡ്‌ലാന്‍ഡിലെ വാള്‍സാലിയിലാണ് സംഭവം നടക്കുന്നത്.

488 ദശലക്ഷം പഴക്കമുള്ള ഫോസിലാണ് സിദ്ദാഖ് സിംഗ് ജാമാത് എന്ന കുട്ടിയ്ക്ക്ലഭിച്ചത്. പവിഴപ്പുറ്റിന്റെ ഫോസിലാണിതെന്ന് അന്വേഷണത്തില്‍ കണ്ടെത്തുകയാണ്.

അടുക്കളത്തോട്ടത്തില്‍ മണ്ണിരയ്ക്കായി കുഴികുത്തുമ്പോഴായിരുന്നു മണ്ണിരയെ കാണുന്നത്. ഏതെങ്കിലും ജീവിയുടെ കൊമ്പാകും ഇതെന്നാണ് ആദ്യം കരുതിയത്.

എന്നാല്‍ സമ്മാനമായി കിട്ടിയ ഫോസില്‍ തിരിച്ചറിയുന്ന കിറ്റ് ഉപയോഗിച്ച്‌ പരിശോധിച്ചപ്പോഴാണ് താന്‍ കണ്ടെത്തിയത് ഫോസിലാണെന്ന് കുട്ടി അറിയുന്നത്. തുടര്‍ന്ന് വീട്ടില്‍ വിവരം അറിയിക്കുകയും ചെയ്തു.

വിചിത്ര രീതിയിലുള്ള വസ്തു കണ്ട് ആദ്യം അമ്പരന്നു എന്ന് പിതാവ് വിഷ് സിംഗ് വ്യക്തമാക്കിയിരിയ്ക്കുന്നു. കൂടുതല്‍ പരിശോധനയില്‍ ഹോണ്‍ കോറല്‍ വിഭാഗത്തില്‍ ഉള്‍പ്പെടുന്ന ഫോസിലാണിതെന്ന് മനസിലാക്കിയിരുന്നു.

മകന്‍ കണ്ടെത്തിയ ഫോസില്‍ ബര്‍മിംഗ്ഹാം സര്‍വ്വകലാശാലയിലെ മ്യൂസിയത്തിന് കൈമാറാല്‍ ഒരുങ്ങുകയാണ് കുടുംബം. ഇതിനായുള്ള നടപടിക്രമങ്ങള്‍ ആരംഭിച്ചതായി കുടുംബം വ്യക്തമാക്കി.