മൊബൈലില്‍ ഗെയിം കളിക്കുന്നതി നിര്‍ത്താന്‍ ആവശ്യപ്പെട്ടതിന് ഏഴാം ക്ലാസുകാരന്‍ കെട്ടിടത്തിന് മുകളില്‍ നിന്ന് ചാടി മരിച്ചു.നോയിഡയിലെ സെക്ടര്‍ 110 ല്‍ ഫെയ്‌സ് 2 പൊലീസ് സ്റ്റേഷന്‍ പരിധിയിലാണ് സംഭവം നടന്നത്.

വ്യാഴാഴ്ച രാവിലെയാണ് കുട്ടിയെ പണിപൂര്‍ത്തിയാകാത്ത കെട്ടിടത്തില്‍ നിന്ന് വീണ നിലയില്‍ കണ്ടെത്തിയത്. ബുധനാഴ്ച രാത്രി മൊബൈലില്‍ കളിച്ചിരുന്ന കുട്ടിയെ അച്ഛനും അമ്മയും വഴക്കു പറഞ്ഞിരുന്നു. ഇതിന് പിന്നാലെ കുട്ടി വീട്ടില്‍ നിന്നും ഇറങ്ങിപ്പോയി.

ബുധനാഴ്ച രാത്രി 8 മണിയോടെയാണ് കുട്ടിയെ വീട്ടില്‍ നിന്നും കാണാതാകുന്നത്. വീട്ടുകാര്‍ തിരച്ചില്‍ നടത്തിയെങ്കിലും കണ്ടെത്താനായില്ല. വ്യാഴാഴ്ച്ച രാവിലെ വീടിന് സമീപമുള്ള പണി പൂര്‍ത്തിയാകാത്ത കെട്ടിടത്തിന് താഴെ മരിച്ച നിലയിലാണ് മൃതദേഹം കണ്ടെത്തുന്നത്.

കുട്ടി കെട്ടിടത്തില്‍ നിന്നും ചാടി മരിച്ചതാകാമെന്ന് അഡീഷണല്‍ ഡപ്യൂട്ടി കമ്മീഷണര്‍ പറഞ്ഞു. മൃതദേഹം പോസ്റ്റുമോര്‍ട്ടത്തിന് അയച്ചിരിക്കുകയാണ്.

സംഭവത്തില്‍ അന്വേഷണത്തില്‍ പുരോഗമിക്കുകയാണെന്നും പൊലീസ് അറിയിച്ചു. സ്ഥലത്തു നിന്നും ഫോറന്‍സിക് വിദഗ്ധരും പരിശോധന നടത്തിയിട്ടുണ്ട്.