പറന്നുയർന്ന വിമാനത്തിന് സംഭവിച്ചത്.... ഒരു നിമിഷം വിമാനം ആകാശത്ത് നിശ്ചലമായതായി വീഡിയോ! സമൂഹമാധ്യമങ്ങളിൽ വൈറലായ വീഡിയോയ്ക്ക് പിന്നിൽ
കാഴ്ചകളുടെ മായാജാലം സൃഷ്ടിക്കുകയും അത് ഏറെ ഇഷ്ടപ്പെടുകയും ചെയ്യുന്നവരാണ് സോഷ്യല് മീഡിയ ഉപഭോക്താക്കൾ. സമൂഹമാധ്യമങ്ങളില് ഇത്തരം കാഴ്ച്ചകള്ക്ക് വളരെയധികം ആരാധകരും ഉണ്ട് എന്നതും ശ്രദ്ധേയമാണ്. ദിനംപ്രതി സോഷ്യല് മീഡിയയില് പലവിധത്തിലുള്ള അമ്പരപ്പിക്കുന്ന നിരവധി ചിത്രങ്ങളും വീഡിയോകളും വൈറലായി മാറാറുണ്ട്. അതിൽ തന്നെ പല വീഡിയോകളും പല തവണയോ മണിക്കൂറകളോളമോ സൂക്ഷമമായി നോക്കിയാൽ മാത്രമേ യഥാര്ത്ഥത്തില് എന്താണ് സംഭവിക്കുന്നതെന്ന് മനസിലാക്കാന് സാധിക്കുക. അത്തരത്തിൽ വൈറലായ വിഡിയോയിൽ കുഴഞ്ഞിരിക്കുകയാണ് ലോകം.
ലെക്സ്ബാല്ബോവ എന്ന ടിക് ടോക്കറാണ് അടുത്തിടെ ഇത്തരത്തില് ഒരു വീഡിയോ സമൂഹമാധ്യമത്തിൽ പങ്കുവച്ചത്. വളരെപെട്ടന്ന് തന്നെ വീഡിയോ വൈറലാവുകയും ചെയ്തു. വീഡിയോയില്, ഓടുന്ന കാറില് ഇരുന്നാണ് ആകാശത്തിലുള്ള ഒരു വിമാനത്തിന്റെ വീഡിയോ ടിക് ടോക്കര് ചിത്രീകരിച്ചിരിക്കുന്നത്. പക്ഷേ, വീഡിയോയ്ക്കിടയില് ഒരു നിമിഷം വിമാനം ആകാശത്ത് 'നിശ്ചലമാകുന്നതായി' തോന്നും. ഇ കാഴ്ചയാണ് ഏവരെയും അമ്പരപ്പിൽ ആഴ്ത്തുന്നത്. ടിക് ടോക്കര് മാത്രമല്ല, ഇന്്റര്നെറ്റിലെ നിരവധി ആളുകളാണ് വീഡിയോയില് എന്താണ് സംഭവിക്കുന്നതെന്നുള്ള ആശയക്കുഴപ്പത്തില് തല പുകയ്ക്കുന്നത്.
വിമാനം ആകാശത്ത് നിശ്ചലമാകുന്നതായി തോന്നുന്നത് എന്തെങ്കിലും സാങ്കേതിക തകരാറുകള് കാരണമാകാമെന്നും ആളുകള് പറയുന്നുണ്ട്. എന്നാല് കാര്യങ്ങള് അവിടെകൊണ്ടൊന്നും അവസാനിച്ചിരുന്നില്ല. രണ്ട് ദിവസത്തിന് ശേഷം താന് അതേ സ്ഥലത്തു കൂടി തന്നെ കടന്നുപോകുന്നുവെന്ന് അവകാശപ്പെടുന്ന മറ്റൊരു വീഡിയോയില്, ടിക് ടോക്കര് വീണ്ടും ആകാശത്ത് നിശ്ചലമാകുന്ന വിമാനത്തിന്റെ വീഡിയോ വീണ്ടും പങ്കുവയ്ക്കുകയുണ്ടായി. അത് കൂടുതല് ആളുകളെ ആശയക്കുഴപ്പത്തിലാക്കുകയായിരുന്നു. രണ്ടാം തവണ വീഡിയോ ചിത്രീകരിച്ചത് ഒരു വൈകുന്നേരമാണ്.
ഇതിനുപിന്നാലെ ടിക് ടോക്കര് തന്റെ ഫോളോവേഴ്സിനോട് എന്തുകൊണ്ടാണിങ്ങനെ സംഭവിക്കുന്നത് എന്ന് ചോദിക്കുന്നതാണ് വീഡിയോയുടെ ഉള്ളടക്കം. ഇത് സാധാരണമല്ലെന്ന് എനിക്കറിയാം. ഗൂഗിള് പറയുന്നത് ഇത് അപൂര്വമാണെന്നും ടിക് ടോക്കര് വ്യക്തമാക്കുകയും ചെയ്യുന്നുണ്ട്. പക്ഷേ താന് രണ്ടുതവണ അടുപ്പിച്ച് ഇങ്ങനെ കണ്ടത് എന്തുകൊണ്ടാണ് എന്നാണ് വീഡിയോയില് ടിക് ടോക്കര് ചോദിക്കുന്നത്.
ഏതാനും ആഴ്ചകള്ക്ക് മുമ്പ്, ഇതുപോലെ മറ്റൊരു ചിത്രവും ഇന്്റര്നെറ്റില് വൈറലായി മാറിയിരുന്നു. ഒരു പെണ്കുട്ടിയുടെ ഫോട്ടോ കോണ്ക്രീറ്റ് റോഡില് താഴ്ന്നു പോകുന്നതു പോലെയായിരുന്നു ആ ചിത്രം കണ്ടത്. ചിത്രത്തില് പിങ്ക് കളര് വസ്ത്രം ധരിച്ച ഒരു പെണ്കുട്ടിയുടെ അരക്ക് മുകളിലേക്ക് മാത്രമാണ് കാണാന് സാധിക്കുക. അരക്ക് താഴേക്കുള്ള ഭാഗം പാര്ക്കിന്റെ നടപ്പാതയില് താഴ്ന്നിരിക്കുന്നതുപോലെയുമാണ് ചിത്രം.
സമൂഹമാധ്യമമായ റെഡിറ്റിലാണ് ഈ ചിത്രം ആദ്യം പങ്കുവച്ചത്. പെണ്കുട്ടിയുടെ അമ്മ തന്നെ ആയിരുന്നു ചിത്രം റെഡിറ്റില് പോസ്റ്റ് ചെയ്തത്. എന്്റെ മകളാണിത്, ഇവളുടെ ഭാക്കി ഭാഗം എവിടെ, ഓ.. എനിക്ക് കാണാം. നിങ്ങള്ക്ക് കാണാന് സാധിക്കുന്നുണ്ടോ? എന്ന അടിക്കുറുപ്പോടെയായിരുന്നു ചിത്രം പോസ്റ്റ് ചെയ്തത് തന്നെ. റെഡിറ്റില് വൈറലായ ചിത്രം പിന്നീട് ട്വിറ്ററിലേക്കും പങ്കുവച്ചതോടെ കൂടുതല് പേരിലേക്ക് എത്തുകയുണ്ടായി.
ഏതാനും മാസങ്ങള്ക്കു മുമ്പും ഇത്തരം ഒരു ചിത്രം ട്വിറ്ററില് വൈറലായിരുന്നു. മാധ്യമപ്രവര്ത്തകനായ നിക്കോളാസ് തോംസണ് ആണ് അന്ന് ചിത്രം പങ്കുവെച്ചത്. മഞ്ഞ് മൂടിയ പ്രദേശത്തുകൂടി ഓടുന്ന മനുഷ്യനാണോ മൃഗമാണോ എന്ന വ്യക്തമാകാത്ത തരത്തിലുള്ള ഒരു ചിത്രമായിരുന്നു അത്. കറുത്ത ഒരു നായ മഞ്ഞിലൂടെ ക്യാമറക്കു നേരെ ഓടി വരുന്ന ചിത്രം ആരെയും ആദ്യ കാഴ്ചയില് ഒന്ന് കുഴപ്പിക്കുക തന്നെ ചെയ്യും. ഇത്തരം കാഴ്ചകൾ നമ്മുടെ കണ്ണുകളെ പോലും ആശങ്കയിലാഴ്ത്തുന്നവയാണ്. നിങ്ങളും ഇതുപോലുള്ള കാഴ്ചകൾ സമൂഹമാധ്യമങ്ങളിൽ കാണുന്നുണ്ടാകാം.
https://www.facebook.com/Malayalivartha