മൂന്നു വയസുകാരന് ദാരുണാന്ത്യം!! ജനലിലൂടെ മുറ്റത്ത് വീണ കുഞ്ഞിനെ വളര്ത്തുനായ്ക്കള് കടിച്ചുകീറി; നായ്ക്കളെ പിടികൂടി കൂട്ടിലാക്കി, ഇവയെ ദയാവധത്തിന് വിധേയമാക്കുമെന്ന് പൊലീസ്
അമേരിക്കയില് ജനലിലൂടെ മുറ്റത്തേക്ക് വീണ മൂന്നുവയസുകാരനെ വളര്ത്തുനായ്ക്കള് കടിച്ചുകീറി. ആശുപത്രിയില് എത്തിച്ചെങ്കിലും ഗുരുതര പരിക്കേറ്റതിനെ തുടര്ന്ന് കുഞ്ഞ് മരണത്തിന് കീഴടങ്ങി . ന്യൂജേഴ്സി സംസ്ഥാനത്തെ എലിസബത്ത് സിറ്റിയിലാണ് ദാരുണ സംഭവം.
ബുധനാഴ്ച വൈകീട്ടാണ് സംഭവം നടന്നത്. വീടിനകത്ത് കളിച്ചുകൊണ്ടിരുന്ന മൂന്നു വയസ്സുകാരന് പിറകു വശത്തെ ജനാലയില് കൂടി താഴേക്ക് വീഴുകയായിരുന്നു. വീട്ടുമുറ്റത്തുണ്ടായിരുന്ന നായ്ക്കള് താഴേക്ക് വീണ കുട്ടിയെ മാരകമായി കടിച്ചു പരിക്കേല്പ്പിച്ചു. ഈ സമയത്ത് കുഞ്ഞിന്റെ അമ്മ ഓടിയെത്തിയാണ് നായ്ക്കളെ ഓടിച്ചത്.
ഉടന് പൊലീസ് എത്തി കുട്ടിയെ ട്രിനിറ്റാഡ് റീജിയണല് മെഡിക്കല് സെന്ററില് എത്തിച്ചുവെങ്കിലും ഒരു മണിക്കൂറിനുള്ളില് കുട്ടി മരിച്ചതായി പൊലീസ് വ്യക്തമാക്കി. അതെ സമയം സംഭവത്തെ തുടര്ന്ന് നായ്ക്കളെ പിടികൂടി കൂട്ടിലാക്കിയിട്ടുണ്ടെന്നും ഇവയെ ദയാവധത്തിന് വിധേയമാക്കുമെന്നും പൊലീസ് പറഞ്ഞു. നായ്ക്കള് മുമ്പും അക്രമസ്വഭാവം കാണിക്കാറുണ്ടായിരുന്നെന്ന് അയല്ക്കാര് ആരോപിക്കുന്നു.
https://www.facebook.com/Malayalivartha