ചൈനക്കെതിരെയുള്ള ആരോപണം ശക്തിയാർജ്ജിക്കുമ്പോൾ, ആരോപണങ്ങളെ നിഷേധിച്ച് വുഹാന് വൈറോളജി ലാബിലെ ശാസ്ത്രജ്ഞ ഡോ. ഷി ഷെന്ഗ്ലി രംഗത്ത്!! എന്തടിസ്ഥാനത്തിലാണ് വൈറസിന്റെ പ്രഭവ കേന്ദ്രം വൈറോളജി ലാബാണെന്ന് പറയുന്നത്?
കൊറോണ വൈറസിന്റെ ഉറവിടം വുഹാനിലെ വൈറോജി ലാബാണെന്ന ആരോപണം ശക്തമായി ഉയരുന്നതിനിടെ മൗനം വെടിഞ്ഞ് വിവാദ ലാബിലെ ശാസ്ത്രജ്ഞർ. എന്നാൽ, വുഹാന് വൈറോളജി ലാബിലെ ശാസ്ത്രജ്ഞ കൂടിയായ ഡോ. ഷി ഷെന്ഗ്ലിയാണ് ആരോപണങ്ങള് നിഷേധിച്ച് രംഗത്ത് വന്നിരിക്കുന്നത്. സംഭവിക്കാത്ത ഒരു കാര്യത്തിന് എവിടെ നിന്ന് തെളിവ് നല്കാനാകുമെന്ന് ഷെന്ഗ്ലി ചോദിച്ചു.
അന്താരാഷ്ട്ര മാദ്ധ്യമത്തോട് ആയിരുന്നു ശാസ്ത്രജ്ഞയുടെ പ്രതികരണം. എന്തടിസ്ഥാനത്തിലാണ് വൈറസിന്റെ പ്രഭവ കേന്ദ്രം വൈറോളജി ലാബാണെന്ന് പറയുന്നത്.
നിരപരാധികളായ ശാസ്ത്രജ്ഞരുടെ മേല് ആരോപണം അടിച്ചേല്പ്പിക്കുകയാണ്. വൈറസുകള് വികസിപ്പിക്കുന്നതിനുള്ള പരീക്ഷണങ്ങള് ലാബില് നടത്താറില്ല. ഇത്തരം കാര്യങ്ങള്ക്ക് ശാസ്ത്രജ്ഞര് കൂട്ടു നില്ക്കാറില്ലെന്നും അവര് പ്രതികരിച്ചു.
കഴിഞ്ഞ മാസം കൊറോണ വൈറസിന്റെ ഉറവിടം സംബന്ധിച്ച് അന്വേഷണം നടത്താന് അമേരിക്കന് പ്രസിഡന്റ് ജോ ബൈഡന് ഉത്തരവിട്ടിരുന്നു. ഇതിനോട് ആയിരുന്നു ഷെന്ഗ്ലിയുടെ പ്രതികരണം. ബാറ്റ് വുമണ് എന്നാണ് ഷെന്ഗ്ലി പരക്കെ അറിയപ്പെടുന്നത്.
https://www.facebook.com/Malayalivartha