സിനിമയെ പോലും വെല്ലും ഈ വിവാഹം... വിവാഹം കഴിച്ചുവെന്ന കാര്യം മറന്ന് ഭാര്യയോട് വീണ്ടും വിവാഹ അഭ്യര്ത്ഥന നടത്തി ഭര്ത്താവ്
അമേരിക്കയിലെ കണക്റ്റിക്കട്ടിലെ ഈ ദമ്ബതികളുടെ ജീവിതത്തില് സംഭവിച്ചത് സിനിമളിലെ കഥകളെ വെല്ലുന്ന തരത്തിലാണ്. അല്ഷിമേഴ്സ് ബാധിച്ച ആള് വിവാഹം കഴിച്ചുവെന്ന കാര്യം മറന്ന് ഭാര്യയോട് വീണ്ടും വിവാഹ അഭൃര്ത്ഥന നടത്തുകയും വിവാഹം കഴിക്കുകയും ചെയ്തു. 56 കാരനായ പീറ്റര് മാര്ഷല് കഴിഞ്ഞ കുറച്ച് വര്ഷങ്ങളായി അല്ഷിമേഴ്സുമായി പോരാടുകയാണ്. താന് 12 വര്ഷമായി ലിസയുമായി വിവാഹിതനാണെന്ന് പലപ്പോഴും അദ്ദേഹം മറന്നിരുന്നു. വിവാഹ ചടങ്ങ് ഉള്പ്പെടെ അവരുടെ ബന്ധത്തിന്റെ മിക്ക ഓര്മ്മകളും നഷ്ടപ്പെട്ടിരുന്നെങ്കിലും, ലിസയോടുള്ള വൈകാരിക ബന്ധങ്ങള് മറക്കാന് അദ്ദേഹത്തിന് കഴിഞ്ഞിരുന്നില്ല, ലിസ ന്യൂയോര്ക്ക് എന്ബിസി ന്യൂസിനോട് പറഞ്ഞു, തന്നോട് ഹൃദയ ബന്ധമുണ്ടെന്നുള്ള തോന്നലുകൊണ്ടാണ് തന്നെ പ്രിയപ്പെട്ട വ്യക്തിയായി അദ്ദേഹം ഓര്ക്കുന്നതിന് ഇടയായത്.
കഴിഞ്ഞ ഡിസംബറില് ദമ്ബതികള് ഒരു വിവാഹ രംഗം ടിവിയില് കണ്ടുകൊണ്ടിരുന്നപ്പോള് പെട്ടെന്നു പീറ്റര് അവളോട് 'നമുക്കും ഇതുപോലെ ചെയ്യാം' എന്ന് പറഞ്ഞതായി ലിസ പ്രാദേശിക വാര്ത്താ ഏജന്സിയെ അറിയിച്ചു. ലിസ അമ്ബരപ്പോടെ അയാളോട് എന്തു ചെയ്യാനാണ് ആഗ്രഹിക്കുന്നതെന്ന് ചോദിച്ചു, അപ്പോള് ടിവി സ്ക്രീനിലേക്ക് നോക്കിയിട്ട് അയാള് ചൂണ്ടിക്കാണിച്ചു. വിവാഹം കഴിക്കാന് ആഗ്രഹിക്കുന്നുണ്ടോ എന്ന് ലിസ അദ്ദേഹത്തോട് ചോദിച്ചു, അതിന് മുഖത്ത് ഒരു വലിയ പുഞ്ചിരിയോടെ ക്രിയാത്മകമായി മറുപടി നല്കി.
താന് അദ്ദേഹത്തിന്റെ ഭാര്യയാണെന്ന കാര്യം അറിയില്ലെന്നും എന്നാല് തന്നെ പ്രിയപ്പെട്ടവള് എന്നാണ് വിളിക്കുന്നുതെന്നും ലിസ കൂട്ടിച്ചേര്ത്തു. താന് സ്നേഹിക്കുന്ന വ്യക്തിയെ രണ്ടുതവണ വിവാഹം കഴിക്കുമ്ബോള് ലോകത്തിലെ ഏറ്റവും ഭാഗ്യവതിയായ സ്ത്രീ താനാണെന്ന് ലിസ സ്വയം കരുതുന്നു. ഒരു വിവാഹ ഇവന്റ് പ്ലാനറായ ലിസയുടെ മകള് തന്നെയാണ് വിവാഹത്തിനുള്ള ഒരുക്കങ്ങള് നടത്തിയത്. അവള് ഈ കാര്യം പുറത്തുവിട്ടപ്പോള്, നിരവധി ആളുകള് ഈ ചടങ്ങിലേയ്ക്ക് അവരുടെ സേവനങ്ങള് സൗജന്യമായി വാഗ്ദാനം ചെയ്തു. ദമ്ബതികള്ക്ക് അവരുടെ കുടുംബങ്ങള്ക്കും സുഹൃത്തുക്കള്ക്കും മുന്നില് രണ്ടാമതും 'ഐ ഡു' എന്ന് പറയാന് അവസരം ലഭിച്ചു. രണ്ടാമത്തെ വിവാഹ ചടങ്ങിനെ മാന്ത്രികമെന്ന് ലിസ വിശേഷിപ്പിക്കുകയും ഇത്രയും സന്തോഷവാനായി ആദ്ദേഹത്തെ ഇതിനുമുമ്ബ് കണ്ടതായി ഓര്മ്മിക്കുന്നില്ലെന്ന് ലിസി കൂട്ടിച്ചേര്ത്തു. നിര്ഭാഗ്യവശാല്, പീറ്ററിന്റെ അസുഖം മൂലം ഈ ചടങ്ങുകളും അദ്ദേഹത്തിന് ഓര്ത്തെടുക്കാന് കഴിഞ്ഞില്ല. എന്നാല് ലിസയ്ക്ക് തീര്ച്ചയായും ആ നിമിഷങ്ങള് വിലമതിക്കുന്നതും പീറ്ററിനോപ്പം ജീവിച്ചതിന് നന്ദി പറയുകയും ചെയ്തു.
https://www.facebook.com/Malayalivartha
