ലോകത്തെ അമ്പരപ്പിലാഴ്ത്തിയ ആ ദമ്പതികളെ ആരും അംറന്നിട്ടുണ്ടാകില്ല. തങ്ങളുടെ പ്രണയത്തെ ചങ്ങലയ്ക്കിട്ട കമിതാക്കളുടെ ഇപ്പോഴത്തെ അവസ്ഥ ഇതാണ്. കഴിഞ്ഞ മാസമാണ് ഉക്രെയ്നിലെ ഖാർകിവിൽ നിന്നുള്ള വിക്ടോറിയ പുസ്റ്റോവിറ്റോവ എന്ന 28 വയസുള്ള യുവതിയും, അലക്സാണ്ടർ കുഡ്‌ലേ എന്ന 33 വയസുള്ള യുവാവും ഏറെ വാർത്തകളിൽ ഇടം പിടിച്ചത്. പരസ്പരമുള്ള ഇഷ്ടം അളക്കാൻ ഇരുവരും പരസ്പരം കൈകൾ ചങ്ങലക്കിടുകയാണ് ചെയ്തത്. ഫെബ്രുവരി മാസം 14-ാം തിയതി വാലന്റൈൻസ് ദിവസത്തിലാണ് ഇരുവരും 'ചങ്ങലയിൽ' ആയത്. 3 മാസം ഈ രീതിയിൽ തുടരാൻ തന്നെയായിരുന്നു ഇവരുടെ പ്ലാൻ.

ഇരുവർക്കുമിടയിലെ നിരന്തരമുള്ള വഴക്കുകൾ കൂടിയപ്പോഴാണ് പരസ്പരം ചങ്ങലയിൽ ബന്ധിച്ചു തങ്ങളുടെ ഇഷ്ടം ഒന്ന് ടെസ്റ്റ് ചെയ്യാൻ വിക്ടോറിയയും അലക്‌സാണ്ടറും തീരുമാനിച്ചിരുന്നത്. മൂന്ന് മാസം കുഴപ്പമില്ലാതെ മുൻപോട്ട് പോയതോടെ ഇനി വിവാഹം കഴിക്കുന്ന ദിവസമേ ചങ്ങല അഴിക്കേണ്ടതുള്ളൂ എന്ന തീരുമാനത്തിലേക്ക് എത്തിച്ചേരുകയായിരുന്നു . ഇതാണ് വർത്തയായതും. എന്നാൽ ഒരു മാസം കഴിഞ്ഞപ്പോഴേക്കും സംഗതി കീഴ്മേൽ മറിയുകയായിരുന്നു.

അങ്ങനെ 123 ദിവസത്തെ ചങ്ങലയിൽ ബന്ധിപ്പിച്ച ജീവിതം അവസാനിപ്പിച്ച് അടുത്തിടെയാണ് വിക്ടോറിയയും അലക്‌സാണ്ടറും ചങ്ങല ഉപേക്ഷിച്ചത്. അധികം താമസമില്ലാതെ ഇരുവരും ബന്ധം വേണ്ട എന്നുവച്ച് വഴിപിരിയുകയാണ് ചെയ്തത്. യൂണിറ്റി മോനുമെന്റിന്റെ മുൻപിൽ വച്ച് ചങ്ങല അഴിച്ച ഉടനെ 'ഹൂറായ്' (സ്വാതന്ത്രം) എന്നാണ് വിക്ടോറിയ വിളിച്ചു പറഞ്ഞത് എന്ന് മിറർ റിപ്പോർട്ട് ചെയ്യുന്നു.

“എനിക്ക് എന്റെ സ്വന്തം സ്വതന്ത്ര ജീവിതം നയിക്കാനും ഒരു സ്വതന്ത്ര വ്യക്തിയായി ജീവിക്കാനുമാണ് ആഗ്രഹം. ഒടുവിൽ ഞാൻ സ്വതന്ത്രയായി,” എന്ന് വിക്ടോറിയ പറഞ്ഞതായി മിറർ റിപ്പോർട്ട് ചെയ്യുകയുണ്ടായി. എന്നാൽ അലക്സാണ്ടർ ഇൻസ്റ്റാഗ്രാമിൽ അസാധാരണ ജീവിതം പിന്തുണച്ചവർക്ക് നന്ദി പറഞ്ഞാണ് തന്റെ ബന്ധം വേർപെടുത്തിയതായി അറിയിച്ചത്. "ഞങ്ങളെ പിന്തുണച്ചതിന് എല്ലാവർക്കും നന്ദി. നോക്കൂ, ഞങ്ങൾ ഇപ്പോൾ ഒന്നിച്ചല്ല. അതെ സമയം ഞങ്ങൾ സന്തുഷ്ടരായിരുന്നു. ജീവിതത്തിൽ ഈ അനുഭവം ലഭിച്ചതിൽ ഞങ്ങൾക്ക് ഇപ്പോൾ സന്തോഷമുണ്ട്." ശേഷം ഇരുവരും ഉക്രെയ്നിലെ വെവ്വേറെ പ്രദേശങ്ങളിലാണ് ഇപ്പോൾ താമസം.

അതേസമയം ഊരി മാറ്റാനോ, അഴിച്ചെടുക്കാനോ പറ്റാത്ത രീതിയിലാണ് ഇരുവരുടെയും കൈകളിൽ ചങ്ങല ബന്ധിപ്പിച്ചിരുന്നത്. പൊളിച്ചു മാറ്റുകയാണ് ഏക വഴിയായി ഉണ്ടായിരുന്നത്. ചങ്ങലയുമായി ജീവിക്കാൻ പല ക്രമങ്ങളിലും ഇരുവരും ഇരുവരും മാറ്റം വരുത്തിയിരുന്നു. മുകളിൽ നിന്ന് താഴേക്ക് സിപ്പുകളുള്ള പ്രത്യേകം തയ്യാറാക്കിയ വസ്ത്രങ്ങളാണ് ഇരുവരും ഇതിനായി ഉപയോഗിച്ചത്. പൊതു ഇടങ്ങളിൽ ടോയ്‌ലറ്റുകൾ ഉപയോഗിക്കുന്നത് ഒരു വലിയ പ്രശ്നമായി മാറിരുന്നു. വിക്ടോറിയ പലപ്പോഴും അലക്സാണ്ടറിനെ സ്ത്രീലേക്കുള്ള വാഷ്‌റൂമിലേക്ക് കൊണ്ടുപോകാൻ നിർബന്ധിതയായിട്ടുമുണ്ട്. കാർ സെയിൽസ്മാനായി ജോലി ചെയ്യുന്ന അലക്‌സാണ്ടർ തന്റെ ജോലി സ്ഥലത്തേക്ക് വിക്ടോറിയയെ കൂടെക്കൂട്ടി. കൃത്രിമ കൺപീലി നിർമിക്കുന്ന ജോലി ചെയുന്ന വിക്ടോറിയ പക്ഷെ തന്റെ ജോലി വേണ്ട എന്ന് വയ്‌ക്കേണ്ടിവന്നു ഈ ഇഷ്ട പരീക്ഷണത്തിനായി.