ടിബറ്റന് യുവാക്കളെ ഉള്പ്പെടുത്തി നാട്ടുസേനയ്ക്ക് രൂപം നല്കി ചൈന; വീണ്ടും ഇന്ത്യക്കെതിരെ ചൈനയുടെ പടനീക്കം: സൂക്ഷ്മതയോടെ ഇന്ത്യ
വീണ്ടും ഇന്ത്യക്കെതിരെ ചൈനയുടെ പടനീക്കം....ലക്ഷ്യം അത് തന്നെ..... അതി സൂക്ഷ്മതയോടെ ഇന്ത്യ... ടിബറ്റന് യുവാക്കളെ ഉള്പ്പെടുത്തി നാട്ടുസേനയ്ക്ക് രൂപം നല്കിയിരിക്കുകയാണ് ചൈന; ഇന്ത്യയെ പ്രതിരോധിക്കുക എന്ന ലക്ഷ്യത്തോടെയാണ് ഇങ്ങനെയൊരു നീക്കം നടത്തുന്നത്. പരിശീലനം പൂര്ത്തിയാക്കിയിരിക്കുന്നു എന്നതാണ് ശ്രദ്ധേയമായ മറ്റൊരുകാര്യം.
ഇന്ത്യയെ പ്രതിരോധിക്കാന് ടിബറ്റന് സ്വയം ഭരണ മേഖലയിലെ യുവാക്കളെയാണ് ചൈന ഉള്പ്പെടുത്തിയിരിക്കുന്നത്. മാദ്ധ്യമങ്ങളാണ് രഹസ്യാന്വേഷണ വിവരങ്ങളുടെ അടിസ്ഥാനത്തില് ഇക്കാര്യം റിപ്പോര്ട്ട് ചെയ്തത്. 100 പേര് വീതമുളള രണ്ട് ബാച്ചുകളുടെ പരിശീലനം പൂര്ത്തിയാക്കി.
റിപ്പോര്ട്ടുകളില് ഞെട്ടിക്കുന്ന സത്യങ്ങളാണ് ഉള്പ്പെടുത്തിയിരിക്കുന്നത്. ടിബറ്റന് സ്വയം ഭരണ മേഖലയായ ചുംബി താഴ് വരയില് നിന്നുളള യുവാക്കളെ ഉള്പ്പെടുത്തിയായിരുന്നു നാട്ടുസേനയ്ക്ക് രൂപം നല്കിയത്.
യഥാര്ത്ഥ നിയന്ത്രണ രേഖയില് സംഘര്ഷമുണ്ടാകുകയാണെങ്കില് വിനിയോഗിക്കാന് വേണ്ടിയാണ് ഇത്തരം സേനയെ രൂപീകരിച്ചത്. ടിബറ്റന് സ്വയം ഭരണ മേഖലയില് പീപ്പിള്സ് ലിബറേഷന് ആര്മി വ്യാപക റിക്രൂട്ട്മെന്റ് നടത്തുന്നതായി ഇന്ത്യന് രഹസ്യാന്വേഷണ വിഭാഗത്തിന് നേരത്തെ റിപ്പോര്ട്ടുകള് കിട്ടിയിരുന്നു . കൂടുതല് യുവാക്കളെ സൈന്യത്തില് ചേര്ക്കാന് പ്രദേശത്ത് ചൈന നീക്കം നടത്തുന്നുണ്ടെന്ന വിവരങ്ങളും മറ നീക്കി പുറത്തുവരികയാണ്.
പീപ്പിള്സ് ലിബറേഷന് ആര്മിയുടെ കീഴിലാണ് ഇവര്ക്ക് പരിശീലനം നല്കിയത്. ഇതുവരെ ഇവര്ക്ക് യൂണിഫോമുകളോ പദവികളോ നല്കിയിട്ടില്ല. ആദ്യ ബാച്ചില് പരിശീലനം പൂര്ത്തിയാക്കിയ 100 പേരെ ചുംബി താഴ് വരയുടെ വിവിധ ഭാഗങ്ങളിലാണ് വിന്യസിച്ചിരിക്കുന്നത്.
യാദോങ്, ചീമ, റിന്ചേംഗാങ്, റെങ്ഗിങ്ങാംഗ്, പിബി താങ്, ഫാരി തുടങ്ങിയ മേഖലകളിലാണ് ഇവരെ നിയോഗിച്ചിരിക്കുന്നതെന്നാണ് ലഭ്യമാവുന്ന വിവരം.
"
https://www.facebook.com/Malayalivartha