ബാങ്കിലെ നെഗറ്റീവ് ബാലന്സ് കണ്ട് ഞെട്ടിയിരിക്കുകയാണ് അമേരിക്കന് വനിത; ബാങ്ക് ബാലന്സ് 50 ബില്യണ് ഡോളര് കടത്തില്; 2099ല് തന്റെ അക്കൗണ്ടില് 50 ബില്യണ് ഡോളര് ഉണ്ടെന്ന് ആപ്പ്
ബാങ്ക് ബാലന്സ് 50 ബില്യണ് കടത്തിലെന്ന് മെസ്സേജ് കണ്ട് ഞെട്ടിയിരിക്കുകയാണ് അമേരിക്കന് വനിത. കാലിഫോര്ണിയയില് നിന്നുള്ള മാഡി മക്ഗിവര്ണാണ് തന്റെ മൊബൈല് ഫോണില് 49,999,999,697.98 ഡോളര് (37,11,12,49,77,583.32 രൂപ) നെഗറ്റീവ് ബാലന്സ് കണ്ട് ഞെട്ടിത്തരിച്ചത്.
തലേദിവസം രാത്രി ഒരു ബാറില് ചെലവഴിച്ച ശേഷം തന്റെ അക്കൗണ്ട് പരിശോധിക്കാന് തീരുമാനിച്ചപ്പോള്, ബാങ്ക് ബാലന്സ് 50 ബില്യണ് ഡോളര് കടത്തിലാണെന്നാണ് മാഡിയുടെ മൊബൈല് ഫോണില് മെസേജ് വന്നത്. ചേസ് ബാങ്ക് രക്ഷാധികാരിയായ മാഡിക്ക് ലഭ്യമായ അക്കൗണ്ട് ബാലന്സ് വെറും 76.28 ഡോളര് (5,600 രൂപ) മാത്രമായിരിക്കേ ബാങ്കിംഗ് ആപ്പ് ആ ആഴ്ച 681 ഡോളര് (51,000 രൂപ) ചെലവഴിച്ചതായും തെറ്റായി കാണിച്ചിരുന്നു.
സംഭവത്തെക്കുറിച്ച് മാഡി പറയുന്ന ഒരു വീഡിയോ ഇപ്പോള് സോഷ്യല് മീഡിയയില് ലഭ്യമാണ്. 'ഞാന് ലോസ് ഏഞ്ചല്സ് നഗരം വാങ്ങിയെന്ന് പറയുകയാണ് ഇതിനെക്കാളും നല്ലത്. പുലര്ച്ചെ 2 മണിക്ക് എന്റെ ബാങ്ക് അക്കൗണ്ട് പരിശോധിക്കാന് എന്നെ പ്രേരിപ്പിച്ചത് എന്താണെന്ന് എനിക്കറിയില്ല. എന്തോ.. എനിക്ക് അങ്ങനെ ചെയ്യണമെന്ന് തോന്നി. ആപ്പ് നോക്കിയപ്പോള് 49 ബില്ല്യണ് ഡോളര് നെഗറ്റീവ് കണ്ട് ഞാന് ഞെട്ടിപ്പോയി. ഉടന്തന്നെ ഞാന് എന്റെ ബാങ്കിലേക്ക് വിളിച്ചു.' അവള് പറയുന്നു.
ബാങ്കുമായുള്ള സംഭാഷണം എപ്രകാരമായിരുന്നുവെന്ന് അവള് വിവരിക്കുന്നു:
'ഹലോ ഇത് ചേസ് ബാങ്കാണ്. ഞാന് എങ്ങനെയാണ് താങ്കളെ സഹായിക്കേണ്ടത്?' ഹായ്, ഞാന് 50 ബില്ല്യണ് ഡോളര് കടത്തിലാണെന്ന് ബാങ്കിംഗ് ആപ്പ് കാണിക്കുന്നു, എന്തുകൊണ്ടാണ് ഇങ്ങനെ സംഭവിക്കുന്നതെന്ന് എനിക്കറിയില്ല. എനിക്ക് 50 ബില്യണ് ഡോളര് ഉണ്ടോ? ഇല്ല. എനിക്ക് ആകെയുള്ളത് 76 ഡോളര് മാത്രമാണ്.' മറുവശത്തുള്ള കസ്റ്റമര് കെയര് എക്സിക്യുട്ടീവ് മാഡിയോട് ഇതുപോലൊന്ന് മുമ്ബ് കണ്ടിട്ടില്ലായെന്ന് പറയുന്നു.
2099ല് തന്റെ അക്കൗണ്ടില് 50 ബില്യണ് ഡോളര് ഉണ്ടെന്ന് ആപ്പ് കാണിച്ചതെങ്ങനെയെന്നും മാഡി ചോദിക്കുന്നു. 'ഇത് മനുഷ്യനെ ഭ്രാന്തനാക്കുന്നതിനു സമമാണ്. എന്നുമാത്രമല്ലാ, ആ സമയത്ത് ഞാന് ജീവിച്ചിരിക്കുമോ എന്നുപോലും എനിക്കറിയില്ല,' മാഡി പറയുന്നു.
തന്റെ ബാങ്കിംഗ് അപ്ലിക്കേഷനിലെ ഇത്തരത്തിലുള്ള ഞെട്ടിക്കുന്ന സന്ദേശങ്ങള് മാഡിക്കു മാത്രമല്ല ലഭിച്ചത്. സമാനമായ ബാങ്കിംഗ് പിശകിലൂടെ തങ്ങളെ എല്ലാവരേയും എങ്ങനെ ബാധിച്ചുവെന്ന് വരിക്കാര് എല്ലാവരും പങ്കുവെച്ചതിനാല് നിരവധി ഉപഭോക്താക്കളെയും ഈ തകരാര് ബാധിച്ചതായി വ്യക്തമാകുന്നു.
ഇത് ബാങ്കിംഗ് ആപ്ലിക്കേഷനില് വന്ന ഒരു തകരാറാണെന്ന് പിന്നീട് ബാങ്ക് അധികൃതര് വ്യക്തമാക്കി. പ്രശ്നം പരിഹരിച്ചതായും ബാങ്ക് പിന്നീട് സ്ഥിരീകരിക്കുകയുണ്ടായി. ഇത്തരത്തില് പിശക് സംഭവിച്ച എല്ലാ അക്കൗണ്ടുകളും ശരിയാക്കിയതായും യഥാര്ത്ഥ ബാലന്സ് അക്കൗണ്ടിലേക്ക് മടക്കി നല്കിയിട്ടുണ്ടെന്നും ബാങ്ക് അധികൃതര് പറഞ്ഞു.
'ഞങ്ങള്ക്ക് വാരാന്ത്യത്തില് പരിമിതമായ എണ്ണം അക്കൗണ്ടുകളെ ബാധിക്കുന്ന ഒരു സാങ്കേതിക തകരാറുണ്ടായിരുന്നു. പക്ഷേ ഇപ്പോള് ആ പ്രശ്നം പരിഹരിച്ചിട്ടുണ്ട്, ആ അക്കൗണ്ടുകള് ഇപ്പോള് കൃത്യമായ ബാലന്സുകള് തന്നെയാണ് കാണിക്കുന്നത്,.
https://www.facebook.com/Malayalivartha