ടോക്യോ ഒളിമ്പിക്സ് ദീപം തെളിഞ്ഞു.... ചരിത്രത്തിലാദ്യമായി കാണികളെക്കൂടാതെ നടത്തുന്ന ഒളിമ്പിക്സിന് തുടക്കമായി.... നാഷണല് സ്റ്റേഡിയത്തില് ഇന്റര്നാഷണല് ഒളിമ്പിക് കമ്മിറ്റി തലവന് തോമസ് ബാച്ച്, ജാപ്പനീസ് ചക്രവര്ത്തി നരുഹിതോ, അമേരിക്കന് പ്രഥമ വനിത ജില് ബൈഡന് തുടങ്ങിയ ലോക നേതാക്കളടക്കം1000ത്തില് താഴെ വിശിഷ്ടാതിഥികളുടെ സാന്നിദ്ധ്യത്തിലാണ് പുതിയ കാലത്തിന്റെ കായികമഹാമഹത്തിന് തുടക്കമായത്
ടോക്യോ ഒളിമ്പിക്സ് ദീപം തെളിഞ്ഞു.... ചരിത്രത്തിലാദ്യമായി കാണികളെക്കൂടാതെ നടത്തുന്ന ഒളിമ്പിക്സിന് തുടക്കമായി.... ഉദ്ഘാടനച്ചടങ്ങുകള്ക്ക് വേദിയായിരുന്ന നാഷണല് സ്റ്റേഡിയത്തില് ഇന്റര്നാഷണല് ഒളിമ്പിക് കമ്മിറ്റി തലവന് തോമസ് ബാച്ച്, ജാപ്പനീസ് ചക്രവര്ത്തി നരുഹിതോ, അമേരിക്കന് പ്രഥമ വനിത ജില് ബൈഡന് തുടങ്ങിയ ലോക നേതാക്കളടക്കം1000ത്തില് താഴെ വിശിഷ്ടാതിഥികളുടെ സാന്നിദ്ധ്യത്തിലാണ് പുതിയ കാലത്തിന്റെ കായികമഹാമഹത്തിന് തുടക്കമായത്.
അതിജീവനത്തിന്റെയും പുനസൃഷ്ടിയുടെയും മകുടോദാഹരണമായ ജപ്പാനില് ഇനി ലോകം ഒറ്റക്കെട്ടായി പ്രതിസന്ധികളെ അതിജീവിച്ച് ഒളിമ്പിക്സ് എന്ന മഹാമഹം പരിപൂര്ണതയിലെത്തിക്കാന് പോരാടും.
ജാപ്പനീസ് സംസ്കൃതിയുടെ വിളംബരത്തിനൊപ്പം അതിജീവനകാലത്തിന്റെ പ്രത്യാശകളും നിറഞ്ഞ ഉദ്ഘാടനച്ചടങ്ങിലാണ് ചരിത്രത്തിലാദ്യമായി കാണികളെക്കൂടാതെ നടത്തുന്ന ഒളിമ്പിക്സിന് തുടക്കമായത്.
കൊവിഡ് കാലഘട്ടത്തിന്റെ വെല്ലുവിളികളെ ആവിഷ്കരിച്ച കലാപ്രകടനത്തോടെ ആരംഭിച്ച കലാപരിപാടികള്ക്ക് പിന്നാലെയാണ് കായിക മാര്ച്ച് പാസ്റ്റ് നടന്നത്.കുറച്ചു കായിക താരങ്ങളെ മാത്രമാണ് ഓരോ രാജ്യവും പങ്കെടുപ്പിച്ചത്.
വനിതാ ബോക്സിംഗ് ഇതിഹാസം എം.സി മേരികോമും പുരുഷ ഹോക്കി ടീം ക്യാപ്ടന് മന്പ്രീത് സിംഗും ചേര്ന്നാണ് മാര്ച്ച് പാസ്റ്റില് ഇന്ത്യന് പതാകയേന്തിയത്.
കൊവിഡ് സാഹചര്യം മുന്നിറുത്തി താരങ്ങളും ഒഫിഷ്യല്സുമടക്കം 25 പേര്മാത്രമാണ് ഇന്ത്യന് പതാകയ്ക്ക് പിന്നില് അണിനിരന്നത്. മലയാളി നീന്തല് താരം സജന് പ്രകാശിനെയും മാര്ച്ച് പാസ്റ്റിനായി തിരഞ്ഞെടുത്തിരുന്നുവെങ്കിലും ഇന്ന് മത്സരങ്ങള് തുടങ്ങുന്നതിനാല് പങ്കെടുത്തില്ല.
ജാപ്പനീസ് ചക്രവര്ത്തിയാണ് ഒളിമ്പിക്സ് ഉദ്ഘാടനം ചെയ്തതായി പ്രഖ്യാപിച്ചത്. ടെന്നിസ് താരം നവോമി ഒസാക്കയാണ് ദീപം തെളിച്ചത്.
https://www.facebook.com/Malayalivartha
