അഞ്ച് നഗര പ്രവിശ്യകള് പിടിച്ച് താലിബാന്റെ വന്യമായ മുന്നേറ്റം; അഫ്ഗാന് സര്ക്കാരിന്റെ പിടി അയയുന്നു
വടക്കു കിഴക്കന് അഫ്ഗാനിസ്ഥാനില് തലോഖ്വാന് നഗരം പിടിച്ച് താലിബാന്. ഇതോടെ താലിബാന് അഞ്ച് പ്രവിശ്യാ നഗരങ്ങളുടെ തലസ്ഥാനങ്ങള് കീഴടക്കിക്കഴിഞ്ഞു. വെറും ദിവസങ്ങള്ക്കുള്ളിലാണ് താലിബാന് നഗര പ്രദേശങ്ങളും കീഴടക്കുന്നത്.
ടഖാര് പ്രവിശ്യയുടെ തലസ്ഥാനമാണ് തലോഖ്വാന് . യുഎസ് സേന പുര്ണ്ണമായും അഫ്ഗാനില് നിന്നും പിന്മാറിയതോടെയാണ് താലിബാന് കാര്യങ്ങള് എളുപ്പമായത്. നേരത്തെ ഗ്രാമ പ്രവിശ്യകള് മുഴുവനായി കീഴടക്കിയിരുന്ന താലിബാന് ഇപ്പോള് അവശേഷിക്കുന്ന നഗരപ്രവിശ്യകളും കീഴടക്കി മുന്നേറുകയാണ്.
ആദ്യം ഇറാന്-അഫ്ഗാന് അതിര്ത്തിപ്രദേശമായ നഗര പ്രവിശ്യയുടെ തലസ്ഥാനമായ സാറഞ്ച് കീഴടക്കിക്കൊണ്ടായിരുന്നു നഗരത്തിലേക്കുള്ള താലിബാന്റെ കടന്നു കയറ്റം തുടങ്ങിയത്. തൊട്ടു പിന്നാലെ തുര്ക്മെനിസ്ഥാന് അതിര്ത്തിയിലുള്ള നഗര പ്രവിശ്യയുടെ തലസ്ഥാനമായ ഷെര്ബെര്ഗനും കീഴടക്കി.
ഞായറാഴ്ച വടക്കന് അഫ്ഗാനിസ്ഥാനിലെ 3.75 ലക്ഷം പേര് താമസിക്കുന്ന കുണ്ടുസ് പിടിച്ചു. അതിന് പിന്നാലെ സാര് ഇ പുളും പിടിച്ചു. താലിബാന്റെ മുന്നേറ്റം തടയാന് യുഎസ് വ്യോമാക്രമണം നടത്തുന്നുവെങ്കിലും ഫലപ്രദമായില്ല.
https://www.facebook.com/Malayalivartha
